<p><span style="color: #000000;"><strong>(ក្រុងរីយ៉ូ)៖</strong> ក្រុមអត្តពលិករបស់អាមេរិក បានកំពុងនាំមុខគេបណ្តោះអាសន្ន ពីការឈ្នះមេដាយបានច្រើនជាងគេ ក្នុងព្រឹត្តិការណ៍កីឡាអូឡាំពិក រដូវក្តៅ ឆ្នាំ២០១៦ នៅប្រទេសប្រេស៊ីល តាមពីក្រោយដោយអត្តពលិករបស់ចិន គិតត្រឹមព្រឹកថ្ងៃចន្ទ ទី០៨ ខែសីហានេះ (ម៉ោងនៅកម្ពុជា)។</span></p>
<p><span style="color: #000000;">តាមរយៈគេហទំព័រផ្លូវការរបស់ Rio 2016 បានបង្ហាញក្នុងតារាងថា ក្រោយបើកការប្រកួតកីឡាអូឡាំពិកពិភពលោក នៅទីក្រុង Rio de Janeiro នៃប្រទេសប្រេស៊ីល រយៈពេល៣ថ្ងៃមកនេះ ក្រុមអត្តពលិកអាមេរិក ឈ្នះមេដាយបាន ១២គ្រឿងច្រើនជាងគេ ក្នុងនោះមានមេដាយមាស ៣គ្រឿង មេដាយប្រាក់ ៥គ្រឿង និងមេដាយសំរឹទ្ធ ៤គ្រឿង តាមពី ក្រោយដោយអត្តពលិកចិន ឈ្នះមេដាយបាន៨គ្រឿង មាស៣ ប្រាក់២ និងសំរឹទ្ធ ៣គ្រឿង។</span></p>
<p><span style="color: #000000;">សូមបញ្ជាក់ផងដែរថា គិតមកដល់ពេលនេះ មានប្រទេសចំនួន៣០ហើយ ក្នុងចំណោម២០៧ប្រទេសដែលបានបញ្ជូនអត្តពលិកមកចូលរួម Olympic Games 2016 លើកទី៣១នេះ ដោយចំនួនមេដាយសរុប ៨១គ្រឿង (មាស ២៥គ្រឿង, ប្រាក់ ២៦គ្រឿង និងមេដាយសំរឹទ្ធ ៣០គ្រឿង) ក៏បានបំពាក់ជូនអត្តពលិកជយលាភីរួចរាល់ផងដែរ ទៅលើវិញ្ញាសាខ្លះៗដែលបានបញ្ចប់ទៅហើយ ក្នុងចំណោម ៣២០វិញ្ញាសា ពី ២៨ប្រភេទកីឡាដែលបានដាក់ឲ្យ ប្រកួតប្រជែងដណ្តើមយកមេដាយ ដោយពុំទាន់មានកីឡាណាមួយបញ្ចប់នៅឡើយទេ។</span></p>
<p><span style="color: #000000;">អត្តពលិកកម្ពុជា នឹងចាប់ផ្តើមប្រកួតដំបូង វិញ្ញាសាហែលទឹកបែបសេរី ថ្ងៃទី០៩ ខែសីហា ឆ្នាំ២០១៦ ស្អែកនេះ ដោយកីឡាករ ពូ សុវិជ្ជា និងវិញ្ញាសាបន្តបន្ទាប់ចាប់ផ្តើមនាពេលក្រោយៗទៀត៕</span></p>
<p><span style="color: #000000;"><img src="https://cdn.pastemagazine.com/www/articles/Rio_Medals_Main.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfa1/v/t1.0-9/13907131_1761593327413518_1957857207364240112_n.png?oh=7a950b9736742d9da9f8f03e9c720553&oe=58574C97&__gda__=1482215964_76d963694a8f599cdfd55c99165219c5" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13892262_1761593330746851_5183275746007330438_n.png?oh=af8e1f66cd0863ad9b845b668df3f0a2&oe=58279D9A" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>