<p><span style="color: #000000;">យោងតាមការរាយការណ៍របស់ Reuters កាលពីថ្ងៃចន្ទ រដ្ឋអាជ្ញាអ៊ុយក្រែនកំពុងបើកការស៊ើបអង្កេតលើលោក Oleksandr Tupytskyi ប្រធានតុលាការធម្មនុញ្ញអ៊ុយក្រែន ក្រោមបទសង្ស័យទទួលសំណូកពីសាក្សី ។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/12/29/ukrainianflag1609212636-29-12-2020--13-40-40.jpg"><img src="/FileManager/Articles/mce/2020/12/29/ukrainianflag1609212636-29-12-2020--13-40-40.jpg" alt="" /></a><br /></span></p>
<p><span style="color: #000000;">រឿងក្ដីសង្ស័យ ដែលដាក់ក្រោមការស៊ើបអង្កេតនេះ បានកើតឡើង កាលពីឆ្នាំ ២០១៨ នៅពេលដែលលោក Tupytskyi កាន់តំណែងជាអនុប្រធានតុលាការធម្មនុញ្ញ ។ តុលាការធម្មនុញ្ញា បានមានវិវាទជាមួយនឹងប្រធានាធិបតីអ៊ុយក្រែនលោក Volodymyr Zelenskiy តាំងពីខែតុលាការមកម្ល៉េះ ។ លោក Zelenskiy បានស្នើឱ្យសភា រំលាយតុលាការនេះចោល ដែលលោក Tupytskyi បានថ្កោលទោសចំពោះសំណើនេះថាជា “ការធ្វើរដ្ឋប្រហារចំពោះរដ្ឋធម្មនុញ្ញ” ។</span></p>
<p><span style="color: #000000;">មិនតែប៉ុណ្ណោះ លោក Tupytskyi ក៏បានឈ្លោះជាមួយអាជ្ញាធររបស់លោកអគ្គរដ្ឋអាជ្ញា Venediktova អំពីការស៊ើបអង្កេតនេះ ដោយអះអាងថា ការបញ្ឈប់ចៅក្រមតុលាការធម្មនុញ្ញពីការងារ គឺប្រឆាំងនឹងច្បាប់អ៊ុយក្រែន ។</span></p>
<p><span style="color: #000000;">ប្រធានាធិតីអ៊ុយក្រែន លោក Viktor Yanukovych បានតែងតាំងលោក Tupytskyi ឱ្យកាន់តំណែង ក្នុងតុលាការធម្មនុញ្ញ កាលពីឆ្នាំ ២០១៣ ។ តុលាការនេះ បានជ្រើសតាំងលោក Tupytskyi ជាអនុប្រធាន នៅខែមីនា ឆ្នាំ ២០១៨ និងធ្វើជាប្រធាន នៅក្នុងខែកញ្ញា ឆ្នាំ ២០១៩ ៕</span></p>
<p> </p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ Jurist</span></p>