<p>ហាងវត្តុអនុស្សាវរីយ៏នៅក្នុងប្រទេសអង់គ្លេស បានរកឃើញឆ្នាំងបុរាណចិន ហើយបានលក់វា<br />ក្នុងនាមបរិច្ចាគក្នុងតំលៃ ៥៨០,០០ដុល្លារ។ បុគ្កលិកហាងខាងលើនេះដែលជួយរកប្រាក់ចំណូល<br />សំរាប់កន្លែងសង្រ្គោះក្មេងកំព្រា មនុស្សពិការ និងមនុស្សចាស់ដែលមានឈ្មោះថា St Peter នារដ្ឋ<br /> Bristol សឹងតែមិនជឿដែលពួកគេមានសំណាងនៅពេលដែលពួកគេបានបើកកាបូបយួរដៃនិងបាន<br />រកឃើញឆ្នាំងបុរាណចិននៅខាងក្នុង។<br /><br /><a class="thickbox" title="" href="/FileManager/Commons/2012/5/30/chinese-bamboo-bushpot-30-05-2012--10-25-47.jpg"><img style="display: block; margin-left: auto; margin-right: auto;" src="/FileManager/Articles/mce/2012/5/30/chinese-bamboo-bushpot-30-05-2012--10-25-47.jpg" alt="" /></a><em> ឆ្នាំងដ៏កម្ររបស់ប្រទេសចិនក្នុងអំឡុងសតវត្សទី១៧</em><br />ទោះបីជាវាមើលទៅដូចជាចាស់បន្តិចមែន បុគ្គលិករួបនេះក៏បានប្រញាប់ប្រញាល់យកទៅ<br />កន្លែងអ្នកជំនាញក្នុងស្រុកដែលមានលោក Marc Burridge គាត់ក៏បាននិយាយប្រាប់ពីសក្តា<br />នុពលរបស់វា។ លោក Burridge បន្ទាប់មកក៏យកវាទៅអោយ John Axford ដែលជាអ្នកល្បី<br />ទូទាំងពិភពលោកក្នុងការពិនិត្យវិនិច្ឆ័យមើលទៅលើវត្តុបុរាណចិន ហើយគាត់ក៏បាននិយាយ<br />ទាក់ទងនិងឆ្នាំងមួយនេះផងដែរ៖ ទ្រង់ទ្រាយវាទាំងមូលរាងខូចខាតច្រើនណាស់ទៅហើយ<br />រីឯឈើវិញរាងរឹងស្ងួត និងប្រេះស្រាំ ហើយនិងបានបិទជ័រមានក្លិនមិនល្អ តែសំណាងល្អសក្តា<br />នុពលរបស់វានៅមាន ដោយវាជាវត្តុអស្ចារ្យនិងកម្រមួយដែលបានធ្វើឡើងដោយវិចិត្រករ<br />ជំនាញខាងឬស្សីក្នុងអំឡុងសតវត្សទី១៧។ វាគឺជាគ្រឿងប្រើប្រាស់បន្ទាប់បន្សំ ដែលត្រូវបាន<br />ធ្វើឡើងដោយអ្នកមានប្រាជ្ញនាសម័យនោះ ហើយក៏ត្រូវបានក្លាយជាសិល្បៈវត្តុមួយផងដែរ។<br />វាត្រូវបានគេប្រើប្រាស់ក្នុងការដាក់វត្តុប្រើបា្រស់ផ្សេងៗ និងវាក៏ត្រូវបានគេឆ្លាក់ជាមួយនិង<br />អ្នកជំនាញដោយប្រើប្រាស់កាំបិត។ ថ្វីបើឆ្នាំងឬស្សីនេះរាងខូចខាងច្រើនក៏ដោយ លោក Axford<br />បានណែនាំដល់ម្ចាស់ហាងខាងលើនេះ អោយមានការដាក់ដេញថ្លៃដែលវាអាចទាក់ទាញ<br />ចំណាប់អារម្មណ៏យ់ាងខ្លាំងចំពោះអ្នកទិញជនជាតិចិន។ វាត្រូវបានលក់ក្នុងតំលៃ ៥៨០,០០០<br />ដុល្លារ នៅឯសាលតាំងបង្ហាញ Woolley និង Wallis នៅក្នុងរដ្ឋ salisbury ប្រទេស Wiltshire<br />ហើយម្ចាស់របស់វាឥឡូវជាអ្នកទិញដែលបានមកពីទីក្រុងហុងកុង។ ប៉ុន្តែអ្វីដែលពិបាកនៅពេល<br />នេះ គឺម្ចាស់របស់វាត្រូវស្វែងរកមនុស្សម្នាក់ក្នុងចំណោមបីនាក់នៅលើពិភពលោក ដើម្បីធានាយ៉ាងណា<br />រក្សាគុណភាពរបស់វាអោយបានយូរអង្វែង៕</p>
<p style="text-align: right;">ដោយ ៖ ចាន់ណា<br />ប្រភព៖ wotshappening</p>