<p><span style="color: #000000;"><strong>ភ្នំពេញ៖</strong> ក្រោយពីលោក តាំង ទ្រី សមាជិកសមាគមអ្នក សារព័ត៌មាន ខ្មែរប្រជាធិបតេយ្យ ត្រូវបានជន ល្មើស មួយក្រុម បានបាញ់សម្លាប់នៅយប់ថ្ងៃទី១២ ខែតុលា ឆ្នាំ២០១៤ នៅចំណុចទួលពន្លៃ ឃុំ ឃ្សឹម ស្រុកស្នួល ខេត្តក្រចេះ កន្លងទៅថ្មីៗនេះ ក្រុមប្រឹក្សាសារព័ត៌មានកម្ពុជា និងក្លឹបអ្នកកាសែតកម្ពុជា បានចេញ សេចក្តីថ្លែងការណ៍ដាច់ដោយឡែកពីគ្នា ដើម្បីថ្កោលទោសយ៉ាងខ្លាំង ចំពោះអំពើដ៏សាហាវ ព្រៃផ្សៃនេះ។</span></p>
<p><span style="color: #000000;">យោងតាមសេចក្តីថ្លែងការណ៍ របស់ក្រុមប្រឹក្សាសារព័ត៌មានកម្ពុជា ដែលមជ្ឈមណ្ឌលព័ត៌មានដើមអម្ពិល ទទួលបាននៅថ្ងៃទី១៣ ខែតុលា ឆ្នាំ២០១៤នេះ បានឲ្យដឹងថា “ក្រុមប្រឹក្សាសម្តែងការសោកស្តាយ និងថ្កោលទោស ចំពោះអំពើដ៏ព្រៃផ្សៃ មកលើអ្នកសារព័ត៌មាន និងស្នើឲ្យអាជ្ញាធរគ្រប់លំដាប់ថ្នាក់ ស្វែងរកជនដៃដល់ និងបក្សពួកមកផ្តន្ទាទោសតាមច្បាប់ឲ្យបានធ្ងន់ធ្ងរ”។</span></p>
<p><span style="color: #000000;">ប្រភពដដែល បានបន្ថែមទៀតថា ក្រុមប្រឹក្សាសូមចូលរួមរំលែកទុក្ខជាមួយគ្រួសារ នៃសព និង សូមឲ្យវិញ្ញាណក្ខន្ធរបស់លោក តាំង ទ្រី ទៅកាន់សុខគតិភព។ ក្រុមប្រឹក្សាសារព័ត៌មានកម្ពុជា ជាបណ្តុំសមាគម អង្គការសារព័ត៌មានចំនួនជាង ១០ ក្នុងព្រះរាជាណាចក្រកម្ពុជា មានបេសកកម្មបំរើ ការពារសិទ្ធិអ្នកសែត។</span></p>
<p><span style="color: #000000;">ដោយឡែកក្លឹបអ្នកកាសែតកម្ពុជា (ក.អ.ក) ក៏បានលើកឡើងផងដែថា ក្លឹបអ្នកកាសែត មានក្តីរន្ធត់ និងតក់ស្លុតយ៉ាងខ្លាំងបន្ទាប់ពីទទួលបានព័ត៌មានថា លោក តាំង ទ្រី អាយុ៤៩ឆ្នាំ សមាជិកសមាគម អ្នកសារព័ត៌មានខ្មែរប្រជាធិបតេយ្យ ត្រូវបានឃាតករមិនស្គាល់មុខបាញ់សម្លាប់នេះ។</span></p>
<p><span style="color: #000000;">ក.អ.ក ចាត់ទុកឃាតកម្មលើអ្នកកាសែតខាងលើនេះ ជាអំពើព្រៃផ្សៃសាហាវយង់ឃ្នង ដែលគំរាម កំហែងយ៉ាងធ្ងន់ធ្ងរ ដល់ស្មារតី និងសុវត្ថិភាពអ្នកសារព័ត៌មាននៅកម្ពុជា។ ទន្ទឹមនឹងនេះ សូមចូល រួមរំលែកទុក្ខយ៉ាងក្រៀមក្រំជាមួយក្រុមគ្រួសារ នៃសពលោក តាំង ទ្រី។</span></p>
<p><span style="color: #000000;">ក្លឹបអ្នកកាសែត បន្តថា “ក.អ.ក សូមថ្កោលទោសចំពោះជនដៃដល់ និងអំពាវនាវដល់ស្ថាប័នពាក់ ព័ន្ធសំខាន់ស្ថាប័នអនុវត្តច្បាប់នៅកម្ពុជាឲ្យមានការស៊ើបអង្កេតដើម្បីវែកមុខជនបង្កហេតុហើយនាំខ្លួន<br />ពួកគេទៅផ្តន្ទាទោសតាមច្បាប់ដោយមិនលើកលែង។ ជាមួយគ្នានេះដែរ ក.អ.ក ក៏សូមអំពាវនាវជាថ្មីម្តង ទៀតចំពោះអ្នកសារព័ត៌មាននៅកម្ពុជាទាំងអស់ ត្រូវគោរពឲ្យបានខ្ជាប់ខ្ជួននូវក្រមសីលធម៌វិជ្ជាជីវៈ ក្នុងពេលបំពេញការងារដើម្បីចៀសវៀងរាល់ទង្វើនាំឲ្យប៉ះពាល់ដល់កិត្តិយសសេចក្តីថ្លៃថ្នូររបស់អ្នកសារព័ត៌មាន”។</span></p>
<p><span style="color: #000000;">ក្លឹបអ្នកកាសែតកម្ពុជា គឺជាអង្គការឯករាជ្យមានបេសកកម្មបំរើផល ប្រយោជន៍និងការពារអ្នកកាសែត ព្រមទាំងលើកកម្ពស់សេរីភាពសារព័ត៌មាននិងពង្រឹងវិជ្ជាជីវៈសារព័ត៌មាននៅក្នុងប្រទេសកម្ពុជា៕</span></p>
<p><span style="color: #000000;"><a href="/News/Detail/31785/social-news-phnom-penh-cambodia" target="_blank"><span style="color: #0000ff;">- អាន ៖ នគរបាល ខេត្តក្រចេះ ប្រើពេលជាង១០ម៉ោង តាមចាប់ ជនដៃដល់ បាញ់សម្លាប់ អ្នកកាសែត នៅស្រុកស្នួល</span></a><br /></span></p>
<p><span style="color: #000000;"><a class="thickbox" title="" href="/FileManager/Commons/2014/10/13/hong-0211-13-10-2014--13-48-48.jpg"><img src="/FileManager/Articles/mce/2014/10/13/hong-0211-13-10-2014--13-48-48.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>