<p><strong>ភ្នំពេញៈ</strong> បុរសសង្ហា លោក ករុណា ពេជ្រ ដែលជាតារាចម្រៀង មានភាពលេចធ្លោមួយដួង ក្នុងផលិតកម្មថោន កាលពីរាត្រីថ្ងៃទី២០ខែសីហាម្សិលមិញនេះ បានរៀបចំពិធី ជប់លៀងខួបកំណើតជាលក្ខណៈជួបជុំមិត្តភក្តិ ក្រុមការងារធម្មតាៗមួយ ដោយស្ងាត់ៗ ព្រោះតែតារារូបនេះ មិនចង់បង្ហាញពីភាពហ៊ឺហារ ចាយទុនរាប់ម៉ឺនដុល្លារ រៀបចំធំដុំឡើយ។</p>
<p>តារាចម្រៀង លោក ករុណា ពេជ្រ ត្រូវបានទស្សនិកជនចាត់ទុកថា ជាតារាមួយដួងដែល មានទ្រព្យ សម្បត្តិស្តុកស្តម្ភមិនចាញ់ តារាចម្រៀងដទៃនោះទេ ដោយលោករស់នៅលើ វីឡាហ៊ឺហារប្រើរថយន្តទំនើប សម្ភារៈស៊ីវិល័យ តែដល់ពេលកម្មវិធីខួបកំណើត លោកបែរជាមិនហ៊ានចាយលុយរៀបចំធំដុំទៅវិញ ហើយមិនតែប៉ុណ្ណោះ ពិធីនេះក៏មិនសូវ មានអ្នកសិល្បៈ ចូលរួមច្រើនកុះករ ដូចអ្នកសិល្បៈដទៃដែរ ។</p>
<p>ទាក់ទងនិងការលើកឡើងបែបនេះ ត្រូវបានប្រភពពីអ្នកចូលរួមកម្មវិធី របស់ លោក ករុណា ពេជ្រ បានបង្ហើបឲ្យដឹងថា ការរៀបចំពិធីធំ ឫតូច គឺមិនសំខាន់ទេ សម្រាប់ពេជ្រ ព្រោះថា លោកមិនចង់រៀប ចំធំដុំខ្លាចទស្សនិកជនថា លោកអួត ម្យ៉ាងកម្មវិធីបែបនេះមិនសំខាន់ លើការរៀបចំធំឫតូចទេ ពោលលោកគ្រាន់តែចង់ជួបជុំ មិត្តភក្តិជិតដិត និងក្រុមការងារ តែ ប៉ុណ្ណោះ ។</p>
<p>ដោយឡែកម្ចាស់សាម៉ីខ្លួន លោក ករុណា ពេជ្រ មិនអាចទាក់ទងទៅ លោកបានទេ នៅថ្ងៃ ទី២១ខែសីហាឆ្នាំ២០១៤នេះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-065/PISETH-061.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-065/PISETH-062.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-065/PISETH-063.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-065/PISETH-064.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33458-2014-08-21-11-11-59.html" target="_blank">ផ្តល់សិទ្ធដោយ ៖ ដើមអម្ពិល</a></p>