<p>ស្ដ្រីម្នាក់នៅអង់គ្លេស ទើបបានក្លាយជាមនុស្សដំបូងក្នុងរយៈពេល ៣០ឆ្នាំ សម្រេចបាននូវការហែលទឹករយៈចម្ងាយ ៩០គីឡូម៉ែត្រ ជុំវិញ Wight ដែលជាកោះធំបំផុតរបស់ប្រទេសនេះ។</p>
<p style="text-align: center;"><a class="thickbox" title="" href="/FileManager/Commons/2013/9/23/28977-23-09-2013--21-28-55.jpg"><img src="/FileManager/Articles/mce/2013/9/23/28977-23-09-2013--21-28-55.jpg" alt="" /></a></p>
<p style="text-align: center;"><em> Anna Wardley អាយុ ៣៧ឆ្នាំ</em></p>
<p><br />អ្នកស្រី Anna Wardley អាយុ ៣៧ឆ្នាំ មកពីទីរួមស្រុក Gosport បានចាប់ផ្ដើមហែលទឹកសមុទ្រ ជុំវិញកោះ Wight នៅលំហសមុទ្រភាគខាងត្បូងរដ្ឋ Hampshire តាំងពីព្រឹកថ្ងៃទី ២០កញ្ញា។ ការហែលទឹកនេះ អូសបន្លាយ ២៦ម៉ោង ៣៣នាទី និង ២៨វិនាទី យូរជាងច្រើន ធៀបនឹងការគ្រោងទុកដំបូង គឺត្រឹមតែ ៣ម៉ោង។<br /><br />Anna Wardley ថ្លែងថា ៖ “ខ្ញុំសប្បាយចិត្តណាស់ ព្រោះក្ដីប្រាថ្នារបស់នាងខ្ញុំ ក្លាយជាការពិត។ នាងខ្ញុំបានហាត់រៀនរយៈពេល ២ឆ្នាំ ហើយដឹងថា ខ្លួនអាចធ្វើបានបែបនេះ។ នាងខ្ញុំសូមអរគុណចំពោះអ្នកទាំងឡាយដែលបានគាំទ្រ ពិសេសគឺប្រជាជននៅលើកោះ Wight ដែលបានមកជួយលើកទឹកចិត្ត។ នៅប៉ុន្មានគីឡូម៉ែត្រចុងក្រោយ នាងខ្ញុំមានការលំបាកខ្លាំង ប៉ុន្ដែទឹកប្រាក់ ៥០,០០០ផោន ដែលបានរៃអង្គាសសម្រាប់សកម្មភាពមនុស្សធម៌ បានជួយជម្រុញកម្លាំងបន្ថែមដល់នាងខ្ញុំ” ។</p>
<p style="text-align: center;"><em><a class="thickbox" title="" href="/FileManager/Commons/2013/9/23/anna-wardley-round-island-swim-23-09-2013--21-29-39.jpg"><img src="/FileManager/Articles/mce/2013/9/23/anna-wardley-round-island-swim-23-09-2013--21-29-39.jpg" alt="" width="525" height="341" /></a></em></p>
<p style="text-align: center;"><em>ក្រុមអ្នកជួយសង្គ្រោះ តែងជិះទូក នៅក្បែរៗ Anna Wardley</em></p>
<p><br />ទំព័រ Telegraph បានឱ្យដឹងថា Wardley ចំណាយពេលត្រឹមតែប្រហែល ២នាទីប៉ុណ្ណោះ សម្រាប់ហូបអាហារម្ដងៗ ក្នុងពេលហែលទឹក។ អាហាររបស់អ្នកស្រី មានដូចជា ស្ករគ្រាប់ ដំណាប នំធ្វើអំពីអង្ករ និងពងមាន់ចៀនបែប អេស្ប៉ាញ ដែលក្រុមអ្នកគាំទ្ររបស់អ្នកស្រី បានយកមកតាមខ្លួន ដោយពួកគេជិះទូកម៉ាស៊ីន និងទូកចែវ kayak ក្បែរអ្នកស្រី។<br /><br />នៅពេលបានវិលត្រឡប់មកដល់កំពង់ផែ Ryde នៃកោះ Wight នាថ្ងៃបន្ទាប់ Anna Wardley ទទួលបានការស្វាគមន៍យ៉ាងកក់ក្ដៅ ពីសំណាក់ហ្វូងមនុស្ស។ ការហែលជុំវិញកោះមួយនេះ Anna Wardley ត្រូវចំណាយពេលជាង ២៦ម៉ោង ដែលធ្វើឱ្យអ្នកស្រីត្រូវចំណាយ ១៥,៣០០ កាឡូរី គឺប្រហាក់ប្រហែលនឹងមនុស្សធម្មតាម្នាក់ ធ្វើការ ៦ថ្ងៃ។</p>
<p style="text-align: center;"><a class="thickbox" title="" href="/FileManager/Commons/2013/9/23/anna-wardley-swims-from-cowes-to-the-needles-to-prepare-for-isle-of-wight-challenge2-23-09-2013--21-30-28.jpg"><img src="/FileManager/Articles/mce/2013/9/23/anna-wardley-swims-from-cowes-to-the-needles-to-prepare-for-isle-of-wight-challenge2-23-09-2013--21-30-28.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2013/9/23/isleofwightmap-23-09-2013--21-31-06.jpg"><img src="/FileManager/Articles/mce/2013/9/23/isleofwightmap-23-09-2013--21-31-06.jpg" alt="" width="495" height="339" /></a></p>
<p style="text-align: center;"><em>សកម្មភាពហែលទឹក និងផែនទីកោះដ៏ធំ ដែលរបស់ Anna Wardley បានហែលជុំវិញ</em></p>
<p><br />Anna Wardley ដែលជាអ្នកផ្ដល់ប្រឹក្សាអំពីទំនាក់ទំនងសង្គម បានប្រើប្រាស់តែខោអាវហែលទឹក វ៉ែនតា និងមួកហែលទឹក ប៉ុណ្ណោះ សម្រាប់ការហែលទឹករយៈចម្ងាយ ៩០គីឡូម៉ែត្រនេះ។ គួររំឭថា កាលពីមុន អ្នកស្រីក៏ធ្លាប់បានហែលជុំវិញកោះ Portsea ក្នុងរដ្ឋ Hampshire (២១គីឡូម៉ែត្រ) របស់អង់គ្លេស , កោះ Jersey (៦៦គីឡូម៉ែត្រ) របស់អង់គ្លេស , និង Dragonera (១០គីឡូម៉ែត្រ) នៅលំហសមុទ្រនៃប្រទេសអេស្ប៉ាញ។</p>
<p style="text-align: right;"><br />ដោយ ៖ តារា<br />ប្រភព ៖ Telegraph<br /><br /><br /></p>