<p><strong>ភ្នំពេញ៖</strong> ក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ កន្លងទៅ នៅឯខេត្តព្រះសីហនុ ស្ថានីយ<br />ទូរទស្សន៍ហង្សមាស បានរៀបចំការប្រគំតន្រ្តី ហង្សមាសមហាសង្រ្គាន ដែលជាការប្រគំតន្រ្តី<br /> ដើម្បីអបអរសារទរ ពិធីបុណ្យចូលឆ្នាំថ្មី ប្រពៃណីជាតិខ្មែរ ក្នុងព្រឹត្តិការណ៍នោះ មានវត្តមាន<br />តារាល្បី ប្រចាំផលិតកម្មដូចជា លោកព្រាប សុវិត្ត កញ្ញា ឱក សុគន្ធកញ្ញា លោក ឆនសុវណ្ណរាជ<br /> កញ្ញា ពេជ្រ សោភា អ្នកនាង យក់ ឋិតរដ្ឋា លោក រិន សាវេត កញ្ញា ឈិត សុវណ្ណបញ្ញា លោក<br />យក់ ដួងតារា កញ្ញា ផន ស្រីខួច លោក ហ្សូណូ លោក នៅ ស៊ីនឿន អ្នកនាង ខាត់ សុឃឹម និង<br />វត្តមានរបស់តារា រូបប្រុសសម្លេងស្រី រ៉ូលីន ផងដែរ ។</p>
<p>អ្វីដែលគួរឲ្យកត់សម្គាល់ជាងគេ ក្នុងកម្មវិធីនោះ គឺរាត្រីទី២ នៃការប្រគំតន្រ្តីនោះ គឺមានវត្តមាន<br />របស់តារាចម្រៀង ស្រីរាងស្រឡូន ពេជ្រ សោភា ដែលបានតុបតែងកាយ ខុសដាច់ពីតារាចម្រៀង<br />ស្រីដទៃ ដែលពួកតារាចម្រៀងស្រីផ្សេងៗ នាំគ្នាស្លៀកពាក់សំពត់បត់អាវប៉ាក់ យ៉ាងសមរម្យតាម<br />ប្រពៃណីខ្មែរ តែ ពេជ្រ សោភា បែរជាស្លៀករ៉ូបខុសគេ តែម្នាក់ឯងទៅវិញ។</p>
<p>មហាជនដែលបាន ទស្សនាការប្រគំតន្រ្តី តាមគេហដ្ឋានមួយចំនួន មានចម្ងល់យ៉ាងខ្លាំង ហេតុអ្វី<br />បានជានាងស្លៀកពាក់របៀបនេះ ដែលមិនត្រឹមត្រូវតាមក្បួន នៃការស្លៀកពាក់ ក្នុងពិធីបុណ្យប្រពៃ<br />ណីជាតិនោះទេ។</p>
<p>ជំនួបតាមទូរស័ព្ទជាមួយ LookingTODAY តារាចម្រៀងស្រីចាយរាងរូបនេះ បាននិយាយថា នាង<br />ទទួលស្គាល់ថា ស្លៀកពាក់របស់នាង មានលក្ខណៈប្លែកបន្តិច តែសម្លៀកបំពាក់នោះ ក៏ជារ៉ូបបែប<br />ខ្មែរដែលច្នៃ ចេញពីហូលផាមួង។ នាងបន្តទៀតថា ដោយសារបទចម្រៀងរបស់នាង សុទ្ធតែជាបទ<br />បែប ឆាចឆាចឆា និងបែបញាក់ៗ បើស្លៀកសំពត់អាវពាក់ប៉ាក់ ទៅរាំបទទាំងនោះ ក៏មិនសមដែរ។<br /> បើនាងមានបទរាំវង់វិញ ខ្លួនប្រាកដជាស្លៀកសំពត់បត់ ពាក់អាវប៉ាក់មិនខាន តែទីកន្លែងដែលនាង<br />ទៅច្រៀងនោះជាសមុទ្រ ដូចនេះស្លៀកពាក់បែបនេះ សក្តិសមបំផុតហើយ។</p>
<p>នាងបញ្ជាក់យ៉ាងច្បាស់ៗទៀតថា នាងក៏បានដាក់អាវប៉ាក់សំពត់បត់ ទៅជាច្រើនកំប្លេដែរ តែអ្នករៀប<br />ចំប្រាប់ថា ឲ្យនាងស្លៀករ៉ូបហ្នឹងទៅមិនអីទេ ដូចនេះនាងក៏ស្លៀកតាមទៅ ហើយនាងមិនបានដឹងថា<br />ទស្សនិកជន ចាប់អារម្មណ៍លើរូបនាងច្រើនយ៉ាងនេះទេ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0278.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0279.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>