<p><span style="color: #000000;"><strong>(ក្រចេះ)៖</strong> កម្លាំងនគរបាលការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគបាលខេត្តក្រចេះ សហការជាជាមួយជំនាញរដ្ឋបាលព្រៃឈើសង្កាត់ថ្មក្រែ កាលពីវេលាម៉ោង១០៖១៥នាទី យប់ថ្ងៃទី២៥ ខែសភា ឆ្នាំ២០១៦ បានបើកប្រតិបត្តិការ ចុះឃាត់រថយន្ដ កាមរីបាឡែន ពណ៌ស មួយគ្រឿង ដែលបានដឹកសាច់សត្វព្រៃ ទម្ងន់ជិត១០០គីឡូក្រាម បម្រុងនាំយកទៅលក់បន្ត ស្ថិតត្រង់ចំនុចខ្លាស្ទុះ សង្កាត់អូរឬស្សី ក្រុងក្រចះ ខេត្តក្រចេះ។</span></p>
<p><span style="color: #000000;">មន្រ្តីនគរបាលសេដ្ឋកិច្ច បានប្រាប់ឲ្យដឹងថា <strong>«បន្ទាប់ពីមានប្រជាពលរដ្ឋរាយការណ៍មកភ្លាមថា មានរថយន្ដ កាមរីបាឡែន ពណ៌ស មួយគ្រឿង បានដឹកសាច់សត្វព្រៃ ចេញពីឃុំរលួស ស្រុកសំបូរនោះ ទើបយើងប្រញាប់ប្រញាល់ ដាក់កម្លាំងចាំត្រួតពិនិត្យមើល ហើយនៅពេលរថយន្ដ ដែលជាមុខសញ្ញាមកដល់ កម្លាំងយើង ក៏បានឃាត់រថយន្ដនោះទុក ដើម្បីធ្វើការឆែកឆេរ ភ្លាមៗនោះអ្នកបើកបរ និងព្រូរថយន្ត បាននាំគ្នារត់បាត់ស្រមោលឈឹង នៅតែរថយន្ដ និងសាច់សត្វព្រៃ ទម្ងន់ជិត១០០គីឡូក្រាម»។</strong></span></p>
<p><span style="color: #000000;">លើសពីនេះ មន្រ្តីសង្កាត់រដ្ឋបាលព្រៃឈើថ្មក្រែ ក៏បានឲ្យដឹងដែរថា សាច់សត្វព្រៃ ដែលដកហូតបាននោះមាន សាច់ជ្រូកព្រៃ ចំនួន៥៧គីឡូក្រាម និងសាច់ឈ្លួស ចំនួន២៨គីឡូក្រាម។</span></p>
<p><span style="color: #000000;">ក្រោយពីកម្លាំងជំនាញរដ្ឋបាលព្រៃឈើ ត្រួតពិនិត្យរួចហើយ សាច់សត្វទាំងនោះ ត្រូវបានយកទៅដុតបំផ្លាញចោល ចំណែករថយន្ដខាងលើ ត្រូវបានសមត្ថកិច្ច យកទៅរក្សាទុកនៅស្ថានីយ៍បណ្ដុះកូនកាស្សា ដើម្បីចាត់ការតាមនិតិវិធីច្បាប់បន្ត៕</span></p>
<p><span style="color: #000000;"><img src="http://image.freshnewsasia.com/2016/ID-020/O/fn-2016-05-26-14-47-47-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/O/fn-2016-05-26-14-47-48-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/O/fn-2016-05-26-14-47-48-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/O/fn-2016-05-26-14-47-48-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/O/fn-2016-05-26-14-47-48-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/O/fn-2016-05-26-14-47-48-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/O/fn-2016-05-26-14-47-49-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/O/fn-2016-05-26-14-47-49-8.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>