<div class="short_intro txt_666"><span style="color: #000000;">Samsung ទើបតែបានធ្វើការផលិតជាថ្មីនូវស្មាតហ្វូន ដែលបានបង្ហាញខ្លួន តាំងពីដើមឆ្នាំ របស់ក្រុមហ៊ុន នូវម៉ូដែលពណ៌ខៀវទឹកសមុទ្រ (Blue Coral) ដែលជាពណ៌លេចធ្លោរបស់ Note 7 តែវាមានលក្ខណៈសម្បត្តិនៅដដែល ដូចនឹងម៉ូដែល S7 edge ដើមដែរ។ មុននេះ ស្មាតហ្វូនស៊េរីខ្ពស់របស់ Samsung មានពណ៌ខ្មៅ ទឹកមាស ទឹកប្រាក់ ស និងមាសផ្កាឈូក។ ពណ៌ខៀវទឹកសមុទ្រ គឺជាពណ៌ទី៦ របស់ Galaxy S7 edge បើសិនជាយើងមិនគិតពីបណ្តាម៉ូដែលពិសេសៗដូចជា Injustice និង Olympics Edition នោះទេ។</span></div>
<div class="short_intro txt_666"></div>
<p class="Normal"><span style="color: #000000;">ម៉ូដែល Galaxy S7 edge ពណ៌ខៀវទឹកសមុទ្រ នឹងត្រូវបានដាក់លក់នៅតៃវ៉ាន់ ចាប់ពីថ្ងៃទី០១ ខែវិច្ឆិកា ក្នុងតម្លៃប្រហែល ៧៨៧ដុល្លារ ហើយនៅសាំងហ្គាពួរចាប់ពីថ្ងៃទី ០៥ ខែវិច្ឆិកា ខាងមុខឆាប់ៗនេះ។ </span></p>
<p class="Normal"><a class="thickbox" title="" href="/FileManager/Commons/2016/10/30/g7edgebluecoral11-2-30-10-2016--21-43-48.jpg"><img src="/FileManager/Articles/mce/2016/10/30/g7edgebluecoral11-2-30-10-2016--21-43-48.jpg" alt="" /></a></p>
<p class="Normal"><span style="color: #000000;">ពណ៌សំបកថ្មី ប៉ុន្តែ Galaxy S7 edge Blue Coral មិនមានអ្វីផ្លាស់ប្តូរលើលក្ខណៈសម្បត្តិនោះទេ បើធៀបនឹងម៉ូដែលដើម កាលពីដើមឆ្នាំ។ ស្មាតហ្វូននៅតែមានអង្គផ្ទុកទិន្នន័យទំហំ 32GB ប្រើប្រាស់ឈីប Exynos 8890 8 Core ឬ Snapdragon 820 4 Core ជាមួយនឹងទំហំ RAM 4GB។ បើធៀបនឹង Note 7 អេក្រង់ QuadHD 2K របស់ S7 edge តូចជាងបន្តិចគឺ 5,5 inch ប៉ុន្តែអេក្រង់សងខាងរបស់វា រាងកោងចូលច្រើនបន្តិច។ កាមេរ៉ាទំហំ 12 megapixel ជាមួយនឹងបច្ចេកវិទ្យា DualPixel មិនមានអ្វីខុសប្លែកគ្នាទេ។ </span></p>
<p class="Normal"><span style="color: #000000;">តាមប្រភពព័ត៌មាន GSM Arena បានឲ្យដឹងថា Galaxy S7 edge ពណ៌ខៀវទឹកសមុទ្រ ក៏នឹងគាំទ្របច្ចេកវិទ្យា 4G+ សម្រាប់ប្រព័ន្ធទូរស័ព្ទមួយចំនួន នៅអាស៊ីផងដែរ៕</span></p>
<p class="Normal"><br /><a href="http://www.camnews.com.kh/News/Detail/10811/accpet-to-change-the-name-to-iphone7-for-getting-one-iphone-7-free"><span style="color: #0000ff;"><em>- បុរសម្នាក់យល់ព្រមប្តូរឈ្មោះកំណើតរបស់ខ្លួន ជា "iPhone 7" ដើម្បីទទួលបាន iPhone 7 មួយគ្រឿង មិនគិតថ្លៃ</em></span></a></p>
<p class="Normal"> </p>
<p class="Normal" style="text-align: right;"><em>ប្រែសម្រួល៖ មង្គល</em><br /><em>ប្រភព៖ GSMArena, Vexpress</em></p>