<p><span style="color: #000000;"><strong>កំពត៖</strong> ក្រុមចោរ ៥នាក់ ប្រដាប់ដោយកាំភ្លើងវែងខ្លី ៣ដើម បានវាយស្រ្តីម្ចាស់ផ្ទះលក់ចំណីសត្វបែកក្បាល ប្លន់ យកលុយជាង ១ពាន់ដុល្លារ និងគ្រឿងអលង្ការជិត ៦តម្លឹង រួមនិងក្រវិលពេជ្រមួយគូ នៅម៉ោង៧យប់ថ្ងៃទី១១ ខែកញ្ញា ឆ្នាំ ២០១៥ ស្ថិតក្នុងភូមិស្នាយអញ្ជឹត ឃុំស្នាយអញ្ជឹត ស្រុកជុំគិរី ខេត្តកំពត។ ក្រោយប្លន់ ក្រុមចោរបាន រត់គេចខ្លួន បាត់ដោយសុវត្ថិភាព ខណៈសមត្ថកិច្ចអះអាងថា កំបុងតាមស្វែងរកអត្តសញ្ញាណ។</span></p>
<p><span style="color: #000000;">នគរបាលស្រុកជុំគីរី បានប្រាប់មជ្ឈមណ្ឌលព័ត៌មានដើមអម្ពិលថា ស្ត្រីជនរងគ្រោះជាម្ចាស់ផ្ទះ ដែលត្រូវក្រុមចោរ ចូលប្លន់នោះ មានឈ្មោះ ហេង សុខឡា អាយុ ៤២ឆ្នាំ មុខរបរអាជីវករលក់ចំណីសត្វ រស់នៅក្នុងភូមិ ឃុំខាងលើ មានប្តីកំពុង ធ្វើការនៅប្រទេសកូរ៉េ។</span></p>
<p><span style="color: #000000;">មន្រ្តីនគរបាលដដែលបន្តថា ស្រ្តីរងគ្រោះ និងកូនៗ ត្រូវបានក្រុមចោរប្លន់មិនស្គាល់អត្តសញ្ញាណ មានគ្នា ៥នាក់ ប្រើកាំភ្លើង AK ចំនួន ២ដើម និងអាវុធខ្លីមិនស្គាល់ម៉ាក ១ដើម ហើយមានចោរម្នាក់ក្នុងចំណោមចោរទាំង ៥នាក់ បានប្រើដំបងវាយលើស្ត្រីរងគ្រោះ បណ្តាលឲ្យរងរបួសបែកក្បាល និងគំរាមកុំឲ្យជនរងគ្រោះស្រែក។</span></p>
<p><span style="color: #000000;">ក្រោយគំរាមហើយក្រុមចោរបានរើកកាយយកទ្រព្យសម្បត្តិ រួមមាន៖ លុយដុល្លាចំនួន ១២០០ដុល្លារ, មាស ១ តម្លឹង ២ជី, ប្លាកទីន ៤តម្លឹង ៦ជី, ក្រវិលពេជ្រ ១គូ និងទូរស័ព្ទដៃ ៣គ្រឿង។ ក្រោយធ្វើសកម្មភាពប្លន់រួច ក្រុមចោរ បានរត់គេចខ្លួនបាត់ដោយសុវត្ថិភាព។</span></p>
<p><span style="color: #000000;">លោកឧត្តមសេនីយ៍ត្រីម៉ៅ ច័ន្ទមធុរិទ្ធ ស្នងការង និងជាប្រធានការិយាល័យកណ្តាល នគរបាលព្រហ្មទណ្ឌខេត្ត បានប្រាប់មជ្ឈមណ្ឌលព័ត៌មានដើមអម្ពិលថា បច្ចប្បន្នកម្លាំងរបស់លោក បានចុះដល់កន្លែងកើតហេតុ និង កំពុង តែធ្វើការស្រាវជ្រាវ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/12/9-12-2015-10-53-29-am-12-09-2015--11-00-47.png"><span style="color: #000000;"><img src="/FileManager/Articles/mce/2015/9/12/9-12-2015-10-53-29-am-12-09-2015--11-00-47.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/12/9-12-2015-10-53-11-am-12-09-2015--11-01-03.png"><span style="color: #000000;"><img src="/FileManager/Articles/mce/2015/9/12/9-12-2015-10-53-11-am-12-09-2015--11-01-03.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/12/9-12-2015-10-52-51-am-12-09-2015--11-01-16.png"><span style="color: #000000;"><img src="/FileManager/Articles/mce/2015/9/12/9-12-2015-10-52-51-am-12-09-2015--11-01-16.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>