<p><span style="color: #000000;"><strong>(ហាណូយ)៖</strong> ក្រសួងកសិកម្ម និងអភិវឌ្ឍន៍ជនបទនៃប្រទេសវៀតណាម បានឲ្យដឹងនៅថ្ងៃចន្ទនេះថា ព្រៃឈើជិត៩៤៣ហិកតា ត្រូវបានបាត់បង់ដោយសារ តែឈ្មួញបានលួចកាប់ខុសច្បាប់ នៅក្នុងរយៈពេល ០៩ខែដំបូងនៃឆ្នាំ២០១៦។ នេះបើតាមការចេញផ្សាយដោយទីភ្នាក់ងារព័ត៌មានចិនស៊ិនហួរ នៅមុននេះបន្តិច នារសៀលថ្ងៃទី២៤ ខែតុលា ឆ្នាំ២០១៦។</span></p>
<p><span style="color: #000000;">ប្រទេសវៀតណាមបានចេញរបាយការណ៍ថា អត្រាកំណើនពីមួយឆ្នាំទៅមួយឆ្នាំនៃករណីកាប់ឈើខុសច្បាប់ បានកើនឡើងជិតដល់២៨ភាគរយ ហើយបើគិត ពីខែមករា រហូតមកដល់ខែកញ្ញាឆ្នាំនេះបទល្មើសព្រៃឈើ សរុបមានចំនួន១,៥៩៤ករណី។ ចំណែកឯទំហំផ្ទៃដីដែលឈ្មួយលួចកាប់ឈើ ក៏បានកើនឡើងក្នុងអត្រា ១០ភាគរយផងដែរ បើធៀបនឹងរយៈពេលដូចគ្នាកាលពីឆ្នាំមុន។</span></p>
<p><span style="color: #000000;">យ៉ាងណាមិញរដ្ឋាភិបាលវៀតណាម នៅតែបន្តរក្សាគំរោងមហិច្ឆិតារបស់ខ្លួន ក្នុងការកាត់បន្ថយការកាប់បំផ្លាញព្រៃឈើឲ្យបានយ៉ាងណា ២០ភាគរយនៅឆ្នាំ២០១៧ និងពង្រីកតំបន់ព្រៃឈើពី ៤០.៨៤ភាគរយកាលពីឆ្នាំ២០១៥ ឲ្យដល់៤១.៣ភារយនៅក្នុងឆ្នាំក្រោយ។</span></p>
<p><span style="color: #000000;">មួយវិញទៀតកាលពីខែមិថុនា នាយករដ្ឋមន្រ្តីវៀតណាមលោក Nguyen Xuan Phuc បានដាក់បំរាម ហាមឃាត់មិនឲ្យមានការឆ្ការព្រៃធម្មជាតិ ដែលនូវសេសសល់ទំហំ ២.២៥លានហិកតាឡើយ ដែលទង្វើនេះ ត្រូវបានធ្វើឡើងក្នុងគោលបំណងទប់ស្កាត់ ការបំពានគោលការណ៍មួយដែលអនុញ្ញាត ឲ្យក្រុមហ៊ុននានា អាចធ្វើការឆ្កាតំបន់ព្រៃរេចរិលដើម្បីដាំដុះកូនឈើពាណិជ្ជកម្មបាន។</span></p>
<p><span style="color: #000000;">គួរបញ្ជាក់តាមរបាយការណ៍មួយដែលចេញដោយក្រសួងកសិកម្ម និងអភិវឌ្ឍន៍ជនបទវៀតណាម បានបង្ហាញឲ្យឃើញថា ប្រទេសវៀតណាមបានបាត់បង់ព្រៃឈើប្រមាណ ១២៣,០០០ហិកតា ដោយសារការកាប់បំផ្លាញខុសច្បាប់ នៅចន្លោះឆ្នាំ២០១០និង២០១៤៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/24/06a-24-10-2016--16-53-34.jpg"><img src="/FileManager/Articles/mce/2016/10/24/06a-24-10-2016--16-53-34.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>