<p><span style="color: #000000;"><strong>(ភ្នំពេញ)៖</strong> យោងតាមសេចក្តីជូនដំណឹងរបស់ក្រសួងការបរទេស ចេញនៅថ្ងៃទី០៤ ខែឧសភានេះ បានឲ្យដឹងថា ស្ថានឯកអគ្គរាជទូតកម្ពុជា ប្រចាំនៅសាធារណរដ្ឋឥណ្ឌូណេស៊ី បានចាត់មន្រ្តីទទួលបន្ទុកកិច្ចការកុងស៊ុល ឲ្យធ្វើដំណើរទៅកាន់ កោះ Pontianak ប្រទេសឥណ្ឌូណេស៊ី នៅថ្ងៃទី២៩ ខែមេសា ឆ្នាំ២០១៦ ដើម្បីជួបសួរសុខទុក្ខ និងពិនិត្យ អំពីស្ថានភាពរបស់ពលករខ្មែរចំនួន ៥៤នាក់ ដែលត្រូវបានអាជ្ញាធរឥណ្ឌូណេស៊ី រក្សាទុកនៅទីនោះ ហើយនិងរៀបចំមាតុភូមិនិវត្តន៍របស់ពលករទាំងនោះមកកម្ពុជាវិញអោយបានឆាប់រហ័ស។</span></p>
<p><span style="color: #000000;"><strong>តាមរបាយការណ៍ដែលក្រសួងការបរទេស ទទួលបានពីស្ថានទូតបានឲ្យដឹងថា៖</strong></span><br /><span style="color: #000000;">ពលករខ្មែរទាំង ៥៤នាក់នោះ ត្រូវបានចាញ់បោកគេឲ្យទៅធ្វើការលើទូកនេសាទថៃ ចំនួន០៣ផ្សេងគ្នា ដោយសន្យាថា នឹងទទួលបានប្រាក់បៀវត្សច្រើន ហើយទទួលបានប្រាក់បន្ថែម (Bonus) ផងដែរ ក្នុងករណីទូកចាប់បានត្រីច្រើន។ នៅលើទូកពួកគេធ្វើការស្ទើរគ្មានពេល សំរាក និងក្នុងស្ថានភាពដែលអាចមានគ្រោះថ្នាក់ដល់ជីវិត។</span></p>
<p><span style="color: #000000;">ពលករទាំង៥៤នាក់នេះ ត្រូវបានអាជ្ញាធរឥណ្ឌូណេស៊ីជួយសង្គ្រោះចេញពីទូកនេសាទចំនួន៣ ដែលបានចូលទៅធ្វើការនេសាទខុសច្បាប់ ក្នុងដែនទឹកឥណ្ឌូណេស៊ី ហើយត្រូវបានឥណ្ឌូណេស៊ី ឃាត់ទុកក្នុងរវាងពាក់កណ្ដាលខែមេសាកន្លងមកនេះ។</span></p>
<p><span style="color: #000000;">ឥណ្ឌូណេស៊ី ចាត់ទុកពលករទាំងអស់ជាជនរងគ្រោះដោយការជួញដូរមនុស្ស ពុំមែនជាអ្នកប្រព្រឹត្តិបទល្មើសឡើយ។</span></p>
<p><span style="color: #000000;">មន្រ្តីស្ថានទូត បានជួបសំណេះសំណាលដោយផ្ទាល់ជាមួយពលករទាំង៥៤នាក់ ហើយ ពិនិត្យឃើញថា មានសុខភាព និងស្ថានភាពជាធម្មតា ពុំមានបញ្ហាអ្វីគួរព្រួយបារម្ភឡើយ ហើយបានជំរាបជូនពីការយកចិត្តទុកដាក់របស់រាជរដ្ឋាភិបាល ក្នុងការរៀបចំមាតុភូមិនិវត្តន៍ ឲ្យបានឆាប់រហ័សក្នុងពេលខាងមុខនេះ។</span></p>
<p><span style="color: #000000;">ស្ថានទូតកំពុងជំរុញការសំរបសំរួលជាមួយអាជ្ញាធរឥណ្ឌូណេស៊ី និងអង្គការអន្តរជាតិទេសន្ត- ប្រវេសន៍ (IOM) រៀបចំមាតុភូមិនិវត្តន៍របស់ពលករទាំង៥៤នាក់នេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/5/2-05-05-2016--08-56-11.png"><img src="/FileManager/Articles/mce/2016/5/5/2-05-05-2016--08-56-11.png" alt="" /></a></span></p>
<p><br /><a class="thickbox" title="" href="/FileManager/Commons/2016/5/5/3-05-05-2016--08-56-20.png"><img src="/FileManager/Articles/mce/2016/5/5/3-05-05-2016--08-56-20.png" alt="" /></a><span style="color: #000000;"><a class="thickbox" title="" href="/FileManager/Commons/2016/5/5/2-05-05-2016--08-56-11.png"></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>