<p><span style="color: #000000;"><strong>(កំពង់ស្ពឺ)៖</strong> ក្រុមអាជីវករ២នាក់ ប្តី-ប្រពន្ធ ដែលលក់មាសនៅក្នុងផ្សារឧដុង្គ ស្រុកឧដុង្គ ខេត្តកំពង់ស្ពឺ បានអះអាងថា ពួកគេត្រូវបានជនសង្ស័យ២នាក់ មកភ្ជង់ប្លន់យកមាសជាច្រើនតម្លឹង នៅពេលដែលពួកគេយកមាសចេញ ពីទូលក់ក្នុងផ្សារ សំដៅមកផ្ទះ ស្ថិតនៅភូមិ ឃ្លាំងប្រាំ ឃុំ វាំងចាស់ នៅល្ងាចថ្ងៃទី១៥ ខែធ្នូ ឆ្នាំ២០១៦។</span></p>
<p><span style="color: #000000;">យ៉ាងណាក៏ដោយ ស្នងការនគរបាលខេត្តកំពង់ស្ពឺ លោកឧត្តមសេនីយ៍ត្រី សំ សាមួន បានបញ្ជាក់ថា រហូតមកដល់ពេលនេះ លោកមិនទាន់អាចនិយាយបានទេ ដោយស្ថិតក្រោមការស្រាវជ្រាវជាមុនសិន ពីព្រោះតាមការសួរនាំនោះ ជនរងគ្រោះជាប្តីនិយាយផ្សេង ដោយឡែកប្រពន្ធនិយាយផ្សឹង។</span></p>
<p><span style="color: #000000;">ជនរងគ្រោះជាប្តីឈ្មោះ អ៉ឹង ប៊ុនតុង អាយុ៣៣ឆ្នាំ និងប្រពន្ធមិនទាន់ស្គាល់ឈ្មោះ ជាអាជីវករលក់មាសនៅក្នុងផ្សារឧដុង្គ។</span></p>
<p><span style="color: #000000;">តាមដំណើររឿង នៅមុនពេលកើតហេតុ ជនរងគ្រោះបានលក់មាស នៅផ្សារឧដ្តុងចំនួន០២ទូ ដោយប្តីលក់១ទូ និងប្រពន្ធលក់១ទូ។</span></p>
<p><span style="color: #000000;">ពេលកើហេតុកប្តីបានជិះម៉ូតូ Honda Dream C125 ពណ៌ខ្មៅ ស៊េរីឆ្នាំ២០១៣ យកគ្រឿងអលង្ការដែលខ្លួន បានលក់មកទុកនៅផ្ទះ រួចមកក៏ជិះម៉ូតូទៅយកគ្រឿងអលង្ការ របស់ប្រពន្ធមកទុកនៅផ្ទះទៀត លុះពេលជិះមកដល់មាត់ច្រកទ្វាររបងចូលផ្ទះ ស្រាប់តែមានជនល្មើសចំនួន០២នាក់ ជិះម៉ូតូម៉ាក Dream C125 ពណ៌ខ្មៅ ពុំចាំស៊េរី ជិះមកឈប់ពីក្រោយជនរងគ្រោះ។</span></p>
<p><span style="color: #000000;">ភ្លាមនោះជនល្មើស ដែលជិះពីក្រោយបានស្ទុះ មកចូលធ្វើសកម្មភាពយកកាំភ្លើងខ្លី ពុំស្គាល់ម៉ាកមកភ្ជង់ជនរងគ្រោះ ប្រតាយប្រតប់ទាញយកកាបូបគ្រឿងអលង្ការ ហើយយកកាបូបនោះ ឡើងជិះម៉ូតូទាំងពីរនាក់ឆ្ពោះទៅទិសខាងកើត ឡើងទៅផ្លូវលេខ៥២ សំដៅទៅទិសខាងលិចបាត់ទៅ។</span></p>
<p><span style="color: #000000;">នៅព្រឹកថ្ងៃទី១៦ ខែធ្នូ ឆ្នាំ២០១៦នេះ លោកឧត្តមសេនីយ៍ត្រី សំ សាមួន បានបញ្ជាក់ថា នៅពេលសួរនាំនោះ បុរសជាប្តីប្រាប់ថា អស់មាស៤០តម្លឹង រីឯប្រពន្ធថាអស់៣០តម្លឹង ហើយសម្រាប់អ្នកលក់ដូចគ្នានៅផ្សារថា លក់ដូចជាមិនច្រើននោះទេ ដូច្នេះលោកមិនទាន់ហ៊ានសន្និដ្ឋាន នៅឡើយទេចាំស្រាវជ្រាវចប់សិន។</span></p>
<p><span style="color: #000000;">សម្រាប់លោកស្នងការ នៅពេលនេះកម្លាំងនគរបាលរបស់លោក សហការជាមួយកម្លាំងសមត្ថកិច្ចពាក់ព័ន្ធ បាននិងកំពុងធ្វើការស្រាវជ្រាវលើករណីនេះហើយ តាមរយៈការមើលកាមេរ៉ាសុវត្ថិភាព នៅក្បែរកន្លែងកើតហេតុ ក្រោយពីបានសម្រាក នៃការស្រាវជ្រាវតាំងពីម៉ោង៥៖៣០នាទីល្ងាច រហូតដល់ម៉ោង១យប់៕</span></p>
<p><span style="color: #000000;"><img src="http://image.freshnewsasia.com/2016/006/12/fn-2016-12-16-08-12-11-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/12/fn-2016-12-16-08-12-12-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/12/fn-2016-12-16-08-12-12-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/12/fn-2016-12-16-08-12-12-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/12/fn-2016-12-16-08-12-12-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>