<p><span style="color: #000000;"><strong>(ភ្នំពេញ)៖</strong> បុរសជនជាតិម៉ុងហ្គោលម្នាក់ លួចប្រាក់ធនាគារកាណាឌីយ៉ារាប់ម៉ឺនដុល្លារអាមេរិក តាមរូបភាពបើកគណនីធនាគារក្លែងក្លាយ។ ប៉ុន្តែទោះបីយ៉ាងណា ជនល្មើសត្រូវបានសមត្ថកិច្ចចាប់ខ្លួន និងបញ្ជូនមកតុលាការ ដើម្បីចាត់ការតាមច្បាប់ ។</span></p>
<p><span style="color: #000000;">បុរសជនជាតិម៉ុងហ្គោលរូបនេះឈ្មោះ Kanzi Frangis Olvier អាយុ៣០ឆ្នាំ ត្រូវបានសាលាដំបូងរាជធានីភ្នំពេញ បើកសវនាការជំនុំជម្រះកាលពីរសៀលថ្ងៃទី៦ ខែតុលា ឆ្នាំ២០១៦ ក្រោមការចោទប្រកាន់ពីបទ <strong>«ប្រើប្រាស់ឯកសារសាធារណៈក្លែង»</strong>។</span></p>
<p><span style="color: #000000;">សវនាការនេះ ដឹកនាំដោយលោក កែវ មុនី ជាចៅក្រមជំនុំជម្រះ និងលោកស្រី ស៊ឺ វណ្ណនី ជាតំណាងអយ្យការ ។</span></p>
<p><span style="color: #000000;">នាពេលសវនាការ ជនជាប់ចោទបដិសេធថា ពុំបានប្រព្រឹត្តដូចការចោទប្រកាន់នោះទេ។</span></p>
<p><span style="color: #000000;">ដោយឡែក មេធាវីតំណាងធនាគារកាណាឌីយ៉ា បញ្ជាក់ថា ជនជាប់ចោទបានទៅបើកគណនីក្លែងក្លាយ នៅធនាគារកាណាឌីយ៉ាចំនួនពីរ។ ពេលនោះជនជាប់ចោទ បានប្រើប្រាស់ឈ្មោះមួយរួចបានឲ្យគេផ្ញើលុយពីហុងកុង ចំនួន៤៨០០០ដុល្លាចូលគណនីរបស់គេ ហើយជនជាប់ចោទបានទៅដកលុយពី ធនាគារចំនួន៤៨០០០ដុល្លារ។ ក្រោយមកមិនបានប៉ុន្មានថ្ងៃផងជនជាប់ចោទ បានមកបើកលុយម្តងទៀតតែត្រូវសន្តិសុខ ធនាគារកាណាឌីយ៉ាចាប់ខ្លួនប្រគល់ឲ្យសមត្ថកិច្ចតែម្តង។</span></p>
<p><span style="color: #000000;">ក្នុងសំណុំរឿងនេះ មេធាវីតំណាងធនាគារកាណាឌីយ៉ា ទាមទារប្រាក់ចំនួន៤៨០០០ដុល្លារនិងប្រាក់ជំងឺចិត្តមួយម៉ឺនដុល្លារ។</span></p>
<p><span style="color: #000000;">លោកស្រី ស៊ី វណ្ណនី តំណាងអយ្យការ សន្និដ្ឋានថា ទោះបីជាជនជាប់ចោទមិនសារភាពក៏ដោយ តែពិនិត្យអង្គហេតុពិតជាមានអំពើនេះកើតឡើងមែន ។ ដូច្នេះ តំណាងអយ្យការ តម្កល់បទចោទប្រកាន់ទុកជាបានការដដែល។ ទោះបីយ៉ាងណា ក្រោយការសួរដេញដោល លោកចៅក្រម កែវ មុនី បានលើកពេលប្រកាសសាលក្រមទៅរសៀលថ្ងៃទី១០ ខែតុលាខាងមុខនេះវិញ៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/7/12b-07-10-2016--13-46-09.jpg"><img src="/FileManager/Articles/mce/2016/10/7/12b-07-10-2016--13-46-09.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>