<div class="article-content">
<p><strong>ភ្នំពេញ៖</strong> បន្ទាប់ពីហេតុការណ៍គ្រោះថ្នាក់ ចរាចរណ៍ដ៏រន្ធត់ កើតឡើងចំពោះតារាចម្រៀង ខេមរៈ<br /> សិរីមន្ត រហូតដល់ថ្នាក់ បាត់បង់ជីវិតមនុស្សចំនួន ៤នាក់ រួចមក ផលិតកម្ម សាន់ដេ បានគ្រោង<br />នឹង ថតវីដេអូឃ្លីបមួយ ដើម្បីឲ្យតារាចម្រៀង ខេមរៈ សិរីមន្ត ដែលជាអ្នកនៅរស់រាន មានជីវិត<br />ក្នុងហេតុការណ៍ដ៏អាក្រក់នេះ បានបកស្រាយការពិត ពីហេតុការណ៍ការ ដែលបានកើតឡើង<br /> ខណៈរហូតមកដល់ពេលនេះ លោកកំពុងតែផ្ដល់ចម្លើយ ជូនសមត្ថកិច្ចនៅក្នុង ក្រុងព្រះសីហនុ<br />នៅឡើយ។</p>
<p>បើតាមការអះអាងពីលោក ឡាយ សុខចំរើន ដែលបានធ្វើដំណើរទាំងយប់ ទៅកន្លែងកើតហេតុ<br /> ពេលទទួលដំណឹង ដ៏អកុសលនេះ បានឲ្យដឹងពីស្ថានការណ៍ គ្រោះថ្នាក់ចរាចរណ៍ខ្លះៗថា មូល<br />ហេតុដែលបណ្ដាល ឲ្យតារាចម្រៀងខេមរៈ សិរីមន្ត រួចផុតជីវិត ពីឧបទ្ទវហេតុដ៏រន្ធត់នេះ គឺដោយ<br />សារតែពេលកំពុង ធ្វើដំណើរដល់ ចំណុចគ្រោះថ្នាក់ សិរីមន្ត បានឃើញ រថយន្តកុងតឺន័រ សំដៅ<br />តម្រង់មក បុករថយន្តរបស់ខ្លួន... ភ្លាមៗនោះ លោកបានស្រែកស្ទើរភ្លាត់សំឡេង ដើម្បីឲ្យអ្នកនៅ<br />ក្នុងរថយន្ត ក្រាបទាំងអស់គ្នា ប៉ុន្តែមានតែលោកម្នាក់គត់ដែល បានក្រាបទាន់ពេលវេលា។ ម្យ៉ាង<br />លោក សិរីមន្ត អង្គុយនៅខាងស្ដាំដៃ នៃអ្នកបើកបរ ហើយរថយន្តកុងតឺន័របុករះ ចំផ្នែកខាងឆ្វេងនៃ<br />រថយន្ត ទើបធ្វើឲ្យលោកគេចផុត ពីគ្រោះថ្នាក់នេះ ដោយបានក្រាបចុះ ក្រោមផុតក្បាល។ ចំណែក<br /> អ្នកបើកបរ ត្រូវទូកុងតឺន័រ បុកបាក់ក និងអ្នកខាងក្រោយត្រូវបោកផ្ទប់ ស្លាប់ទាំងអស់តែម្ដង។</p>
<p>លោក ឡាយ សុខចំរើន បានបន្តទៀតថា ភ្លាមៗនោះ មានតែលោក សិរីមន្ត ដែលនៅមានស្មារតី<br /> អាចគ្រប់គ្រងស្ថានការណ៍ បានបើកទ្វារលូនចេញមកក្រៅ ក្រោមតំណក់ទឹកភ្លៀងស្រិចៗ នឹងបាន<br />ធ្វើដំណើរទៅផ្ទះ របស់ប្រជាពលរដ្ឋ ដែលនៅក្បែរកន្លែងកើតហេតុ ដើម្បីឲ្យប្រជាពលរដ្ឋ ជួយអន្ត-<br />រាគមន៍។</p>
<p>ជុំវិញហេតុការណ៍ ដែលរៀបរាប់ខាងលើនេះ មហាជនទូទៅនៅតែមានចម្ងល់ ជុំវិញមហាសំណាង<br />រួចផុតជីវិតរបស់ តារាចម្រៀង ខេមរៈ សិរីមន្ត ក្នុងគ្រោះថ្នាក់ចរាចរណ៍ ខណៈអ្នករួមដំណើរទាំងអស់<br />បានស្លាប់ និងរងរបួសធ្ងន់ធ្ងរ និងត្រូវបានគេសង្ស័យថា សិរីមន្ត ក៏រងរបូសធ្ងន់ធ្ងរដែរ ព្រមទាំងអ្នក<br />ខ្លះនៅតែមិនជឿ ទៅលើការអះអាងរបស់ផលិតកម្ម សាន់ដេ ដែលថា សិរីមន្ត គ្មានរបួសនោះទេ។</p>
<p>លោក ឡាយ សុខចំរើន បញ្ជាក់ថា ដូច្នេះហើយ ទើបផលិតកម្មសាន់ដេ គ្រោងនឹងឲ្យ សិរីមន្ត បក<br />ស្រាយការពិត ពីហេតុការគ្រោះថ្នាក់ចរាចរណ៍ និងថតជាវីដេអូឃ្លីប ដើម្បីឲ្យទស្សនិជន អស់មន្ទិល<br />សង្ស័យ និងជឿជាក់ថា ខេមរៈ សិរីមន្ត ពិតជារួចផុតជីវិតពី គ្រោះអាក្រក់នេះមែន៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/March/id-017/chetha-18.jpg" alt="Photo by DAP-NEWS" width="400" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/March/id-017/chetha-17.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-065/PISETH-0195.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-065/PISETH-0196.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-065/PISETH-0197.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>