<p><span style="color: #000000;">ព័ត៌មានអន្តរជាតិ ៖ ក្រោយពីបានដកស្រង់សម្តី មន្រ្តីផ្លូវការ ប្រចាំ ព្រះ បរមរាជវាំង របស់ប្រទេសថៃ គេហទំព័រសារព័ត៌មានបរទេស ប៊ីប៊ីស៊ី បានចេញផ្សាយ អោយ ដឹងថា ស្តេចថៃ ព្រះអង្គ Bhumibol Adulyadej ព្រះរាជសុខភាព របស់ព្រះអង្គ បានធូរស្រាលច្រើនហើយ បន្ទាប់ពីមានការវះកាត់ ថង់ប្រ មាត់ នៅឯមន្ទីរពេទ្យមួយកន្លែង ក្នុងទីក្រុង បាងកក ។ </span></p>
<p><span style="color: #000000;"><a class="thickbox" title="" href="/FileManager/Commons/2014/10/6/68-06-10-2014--15-58-21.jpg"><img src="/FileManager/Articles/mce/2014/10/6/68-06-10-2014--15-58-21.jpg" alt="" /></a><br /></span></p>
<p><span style="color: #000000;">គួរបញ្ជាក់ថា វត្តមានស្តេចថៃ មានព្រះជន្ម ៨៦ ព្រះវស្សាអង្គនេះ ត្រូវបានទទួល ការគោរព ជាខ្លាំងពី សំណាក់ក្រុមប្រជាពលរដ្ឋ មកពីទូទាំងប្រទេស ដោយនៅក្នុងនោះ ជាមួយនឹង បរិបទ ចុងក្រោយ នៃ ដំណឹងលេចឮថា ព្រះអង្គបានធ្លាក់ខ្លួនឈឺនោះ ក៏បាននាំអោយមានការ ផ្ទុះឡើង នូវភាពរង្គោះរង្គើ ដោយបារម្ភពីសុខទុក្ខរបស់ព្រះអង្គជាខ្លាំង នៅទូទាំងប្រទេស ។ </span></p>
<p><span style="color: #000000;">ជារឿយៗ គេតែងឃើញបទអន្តរាគមន៍ របស់ស្តេចអង្គនេះ ក្នុងការសម្របដល់ វិបត្តិនយោបានដែល មានភាពជាក់គាំងនៅក្នុងប្រទេស នាពេលថ្មីៗនេះ ។ ភាគចម្រូងចម្រាស់ រវាង ក្រុមគាំទ្ររដ្ឋាភិបាល និងរាជានិយម ត្រូវបានបញ្ជប់ទៅ កាលពីអំឡុងខែ ឧសភា កន្លងទៅនេះ ដោយ សារតែមានការធ្វើ រដ្ឋប្រហារយោធាមួយ ។ ក្នុងនោះ ក្នុងរយៈពេលដ៏ខ្លី ចាប់តាំងពីមានការធ្វើ រដ្ឋ ប្រហារ យោធារួចមក មេបញ្ជាការយោធាលើផ្ទៃប្រទេស លោក Prayuth Chan-ocha ត្រូវបាន តែង តាំងឡើង ជាបេក្ខភាព នាយករដ្ឋមន្រ្តី ប្រចាំប្រទេស ខណៈមានការគាំទ្រ ពីព្រះរាជា ។ </span></p>
<p><span style="color: #000000;"><a class="thickbox" title="" href="/FileManager/Commons/2014/10/6/69-06-10-2014--15-58-30.jpg"><img src="/FileManager/Articles/mce/2014/10/6/69-06-10-2014--15-58-30.jpg" alt="" /></a><br /></span></p>
<p><span style="color: #000000;">ដោយឡែក បើតាមសេចក្តីរាយការណ៍ សរបញ្ជាក់បន្ថែមអោយដឹងថា អំឡុងថ្ងៃច័ន្ទដើមសប្តាហ៍នេះ ប្រមុខយោធាថៃ លោក Prayuth បានចូលទៅបង្គំគាល់ ព្រះមហាក្សត្រ នៅឯមន្ទីរពេទ្យ Siriraj ដើម្បី ធ្វើការចុះហត្ថលេខា លើសៀវភៅ ក្នុងការគាំទ្រ ព្រះរាជា នេះ បើ យោងតាមភ្នាក់ងារ សារព័ត៌មានបរ ទេស AFP ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី </span></p>