<div class="article-content">
<p><strong>កំពង់ចាម៖</strong> ស្រ្តីម្នាក់ ត្រូវបានកម្លាំង សមត្ថកិច្ចប្រចាំការ នៅស្ពានគីសូណា ជួយសង្គ្រោះ បញ្ជូនទៅកាន់ មន្ទីរពេទ្យនៅទីរួម ខេត្តកំពង់ចាម បន្ទាប់ស្រ្តីរួបនេះមាន ការៈឈឺពោះសម្រាល កូនភ្លាមៗ នៅពាក់កណ្តាល ស្ពានគីសូណា តែចៃដន្យអកុសទារកនោះបានស្លាប់ភ្លាមៗ នៅកន្លែងកើតហេតុ ។</p>
<p>សាក្សីបានឲ្យដឹងថា នៅមុនពេលកើតហេតុ ស្រ្តីរងគ្រោះ ត្រូវបានប្តីរបស់គាត់ ឌុបតាមម៉ូតូពីភូមិជីរោរ៍ ស្រុកត្បូងឃ្មុំ ខេត្តត្បូងឃ្មុំ មកសម្រាលកូន នៅទីរួម ខេត្តកំពង់ចាម ប៉ុន្តែខណៈធ្វើដំណើរ ដល់ពាក់កណ្តាលស្ពានគីសូណា ស្រ្តីរងនេះក៏ឈឺពោះ រួចក៏បានបែកទឹកភ្លោះ សម្រាកកូន នៅពាក់កណ្តាលស្ពានតែម្តង ។</p>
<p>ដោយហេតការណ៍នេះ បានកើតឡើងកាលពីព្រឹកថ្ងៃទី២១ ខែសីហា ឆ្នាំ២០១៤ នៅចំណុចពាក់កណ្តាលស្ពាន គីសូណាតែម្តង ខេត្តកំពង់ចាម ។</p>
<p>សាក្សីបានបន្តទៀតថា ជាមួយគ្នានោះ កម្លាំងសមត្ថកិច្ច និងប្រជាពលរដ្ឋក៏បានទំនាក់ទំនង ហៅរថយន្តសង្គ្រោះបន្ទាន់ ឲ្យមកជួយ ប៉ុន្តែរថយន្តមកមិនទាន់ ក៏បានបណ្តាឲ្យទារក នោះស្លាប់ភ្លាមៗ នៅនឹងកន្លែងកើតហេតុ ដោយឡែកស្រ្តីជាម្តាយ ត្រូវបានកម្លាំងសមត្ថកិច្ច បញ្ជូនមកព្យាបាល នៅមន្ទីរក្នុងទីរួមខេត្តកំពង់ចាម។<br />តាមសេចក្តីរាយការណ៍ ពីអាជ្ញាធរមូលដ្ឋានបានឲ្យដឹងថា ស្រ្តីដែលជាម្តាយនោះ ត្រូវបានក្រុមគ្រួពេទ្យ ជួយសង្គ្រោះ រួចផុតពីគ្រោះថ្នាក់ដល់អាយុជីវិតហើយ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2014/August/id-011/Hong-0474.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-011/Hong-0476.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-011/Hong-0475.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/93320-2014-08-21-03-41-51.html" target="_blank">ផ្តល់សិទ្ធដោយ ៖ ដើមអម្ពិល</a></p>