<p><span style="color: #000000;"><strong>ភ្នំពេញ ៖</strong> កាលពីវេលាម៉ោង ៨ និង៥០នាទីយប់ ថ្ងៃទី១៨ ខែវិច្ឆិកា ឆ្នាំ២០១៥ មានបុរសវ័យកណ្តាលម្នាក់ អះ អាងថា ខ្លួនគឺជាមន្រ្តីពាក់សក្តិ៥ បើករថយន្ត Land Cruiser មួយគ្រឿង ពាក់ស្លាកលេខភ្នំពេញ 2U-6168 ទាំង ស្រវឹងខ្លាំង បានបើកទៅបុក នឹងរថយន្ត Land Cruiser កប់ស៊េរី ពណ៌ខ្មៅមួយគ្រឿងទៀត ដែលមានស្លាកលេខ ភ្នំពេញ 2AA-7989 ត្រង់ចំណុចមុខកៅដាយ កន្លែងបញ្ជាំទូរស័ព្ទពេលយប់ ស្ថិតក្នុងសង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ។</span></p>
<p><span style="color: #000000;">បើតាមសាក្សី ពីកន្លែងកើតហេតុ បានប្រាប់ថា មុនកើតហេតុ គេបានឃើញបុរសវ័យចំណាស់បើករថយន្តរ៉េពេញ ផ្លូវ លុះមកដល់ត្រង់ផ្លូវកៅដាយ រថយន្តបានរ៉េទៅបុកនឹងរថយន្ត Land Cruiser ស៊េរីទំនើបមួយទៀត ដែលបើក បញ្រ្ចាសផ្លូវគ្នា បណ្តាលឲ្យខូចខាតផ្នែកខាងមុខ បន្ទាប់ពីបុកហើយ បុរសដែលអះអាងខ្លួនថា ពាក់សក្តិ៥នោះ បានបើកទ្វាររថយន្ត ឈរស្រែករករឿង ខាងរថយន្តដែលរងគ្រោះថា ហ្អែងសក្តិប៉ុន្មាន អញសក្តិ៥ អញមិនសង ហ្អែងទេ ហ្អែងធ្វើអីអញ ដោយការស្រែកច្រើនដង ហើយខាងរថយន្តរងគ្រោះនៅតែមិនតទៀត ។</span></p>
<p><span style="color: #000000;">ទើបធ្វើឲ្យអ្នកឃើញហេតុការណ៍ បានចូលទៅនិយាយ ជាមួយបុរសស្រវឹងនោះ តែបុរសស្រវឹងនោះ នៅតែមិន ស្តាប់ទៀត ទើបប្រជាពលរដ្ឋ រាយការណ៍ទៅសមត្ថកិច្ចចុះមកសម្របសម្រួល ពេលសមត្ថកិច្ចចុះមកដល់ បុរស ស្រវឹងនោះ នៅតែក្អេងក្អាងទៀត មិនព្រមសង មួយសន្ទុះក្រោយមក ទើបបុរសស្រវឹងនោះ ឈប់ក្អេងក្អាង ហើយ ក៏ព្រមសងសំណងទៅខាងរថយន្ត Land Cruiser នោះចំនួន១០០ដុល្លារ ដើម្បីបញ្ចប់រឿង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-11-07-28-am-19-11-2015--11-14-26.png"><span style="color: #000000;"><img src="/FileManager/Articles/mce/2015/11/19/11-19-2015-11-07-28-am-19-11-2015--11-14-26.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-11-07-14-am-19-11-2015--11-14-36.png"><span style="color: #000000;"><img src="/FileManager/Articles/mce/2015/11/19/11-19-2015-11-07-14-am-19-11-2015--11-14-36.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-11-06-59-am-19-11-2015--11-14-48.png"><span style="color: #000000;"><img src="/FileManager/Articles/mce/2015/11/19/11-19-2015-11-06-59-am-19-11-2015--11-14-48.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>