<div>
<p><span style="color: #000000;">(ភ្នំពេញ)៖កំពូលតារាចម្រៀងប្រុសល្បីឈ្មោះ ប្រចាំផលិតកម្មសាន់ដេ លោក ខេមរៈ សេរីមន្ត បានរៀបចំពិធីអាពាហ៍ពិពាហ៍ឲ្យប្អូនស្រីបង្កើតឈ្មោះ ខេមរៈ ស្រីពេជ្រ កាលពីពេលថ្មីៗនេះ ដោយមានការអញ្ជើញភ្ញៀវជាមិត្តសិល្បករ រួមអាជីពចូលរួមអបអរមានចំនួនតិចតូច ព្រោះពិធីនេះធ្វើឡើងនៅស្រុកកំណើត ខេត្តកំពង់ចាម។</span></p>
<p><span style="color: #000000;">អាពាហ៍ពិពាហ៍ប្អូនស្រី របស់តារាចម្រៀងលោក ខេមរៈ សេរីមន្ត គឺកញ្ញា ខេមរៈ ស្រីពេជ្រ ដែលបានរៀបចំឡើង កាលពីថ្ងៃទី២២ ខែធ្នូ ឆ្នាំ២០១៥ បើតាមប្រភព បានប្រាប់ឲ្យដឹងថា ជាការផ្តូចផ្តើមពីសំណាក់បងប្រុសលោក ខេមរៈ សេរីមន្ត ជាអ្នកចំណាយលុយ ដើម្បីរៀបចំពិធីមង្គលការនេះជំនួសឪពុក-ម្តាយ ដែលពួកគាត់មានវ័យកាន់តែចាស់ទៅហើយ។</span></p>
<p><span style="color: #000000;">ប្រភពបាននិយាយទៀតថា ក្នុងពិធីអាពាហ៍ពិពាហ៍ កាលពីយប់ថ្ងៃទី២២ ខែធ្នូ ដែលរៀបចំ ធ្វើនៅស្រុកកំណើតខេត្តកំពង់ចាម គឺគេសង្កេតឃើញមានការចូលរួម ពីសិល្បករតិចតូចបំផុត ដោយក្នុងនោះមានវត្តមាន តារាកំប្លែងនាយ កុយ ,តារាចម្រៀងកញ្ញា សុខ ពិសី ,លោក ខាត់ ជេមន៍ និងតារាប្រុស-ស្រី រួមផលិតកម្មជាមួយ២ឬ៣ដួងទៀតតែប៉ុណ្ណោះ។ មូលហេតុដោយសាលោកមិនចង់រំខានពេលវេលា អ្នកផ្សេងព្រោះទីតាំងដែលរៀបចំពិធី គឺឆ្ងាយពីរាជធានីភ្នំពេញ។</span></p>
<p><span style="color: #000000;">ទោះបីជាអាពាហ៍ពិពាហ៍របស់ប្អូនស្រីលោក ខេមរៈ សេរីមន្ត មិនសូវហៅភ្ញៀវសិល្បករ ទៅចូលរួមច្រើនពិតមែន តែពិធីនេះគឺមានភាពសប្បាយខ្លាំង ព្រោះលោក ខេមរៈ សេរីមន្ត នឹងក្រុមគ្រួសារបានបង្កបរិយាកាស សប្បាយរីរាយដល់ភ្ញៀវ អ្នកដែលបានអញ្ជើញចូលរួមអបអរ។ KhmerTALKING មិនអាចទំនាក់ទំនង ដើម្បីសួរនាំបន្ថែម ពីលោក ខេមរៈ សេរីមន្ត បានទេ នៅថ្ងៃនេះជុំវិញការរៀបពិធីមង្គលការ ឲ្យប្អូនស្រីលោកខាងលើនេះ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/10561815_1303230903036550_448212397395093077_n.jpg?oh=15ee67146695cd11d87673b41fba47a7&oe=57062797" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpa1/v/t1.0-9/8190_1303230873036553_5635630516561022784_n.jpg?oh=8943cb145b5ed31c09f28fbd1fce9602&oe=571A4D8B&__gda__=1456953078_0bb4a0e6ebfc0b804ecfe8344716e24a" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/1424508_1303230869703220_262852181204884271_n.jpg?oh=e8a5a023c00808d78328e24de9daeff8&oe=5709082E" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xaf1/v/t1.0-9/12321616_1303230866369887_4564893702562930379_n.jpg?oh=a37dadb233d156c34cf4011628a7b9b1&oe=56DC6AFB&__gda__=1456825676_cc581edd581794abddf334b955e75379" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>
</div>