<p><span style="color: #000000;"><strong>(តៃប៉ិ)៖</strong> បុរសម្នាក់ដែលជាជនសង្ស័យ បំផ្ទុះគ្រាប់បែកនៅក្នុងរថភ្លើង ទីក្រុងតៃប៉ិ កោះតៃវ៉ាន់ បានសារភាពប្រាប់ប៉ូលិសថា តាមពិត រូបគេមានបំណងបំផ្ទុះគ្រាប់បែក ក្នុងរថភ្លើងនៅត្រង់ចំណត Hsinchu ប៉ុន្តែដោយសារតែពេលនោះ បានឃើញនារីម្នាក់ស្អាតពេក<strong>«very cute»</strong> ទើបខ្លួនមិនដាច់ចិត្ត ហើយបង្ហួសទៅបំផ្ទុះពេលរថភ្លើង ធ្វើដំណើរដល់ស្ថានីយ៍ Songshan វិញ។ នេះបើតាមការចេញផ្សាយ នៅមុននេះបន្តិច ដោយ Channel News Asia នាព្រឹកថ្ងៃអាទិត្យ ទី១៧ ខែកក្កដា ឆ្នាំ២០១៦។</span></p>
<p><span style="color: #000000;">សម្រាប់មូលហេតុនៃការបំផ្ទុះនេះវិញ ត្រូវបានប៉ូលិសតៃវ៉ាន់ បញ្ជាក់តាមសម្តីសារភាពរបស់ជនសង្ស័យ ឈ្មោះ Lin Ying-chang នោះថា លោកបានប្រព្រឹត្តទង្វើនេះតែឯងប៉ុណ្ណោះ ហើយក៏ដោយសារតែជីវិតលោកពោរពេញដោយឧបសគ្គ ដូច្នេះលោកចង់ទាក់ទាញ ការចាប់អារម្មណ៍ ពីសង្គមឲ្យបានខ្លាំងក្លា ប៉ុន្តែលោកមិនបានរំពឹងថា គ្រាប់បែកដែលលោកកែច្នៃដោយខ្លួនឯងនេះវាអាចមានសមត្ថភាព ខ្លាំងក្លាបែបនេះសោះឡើយ។</span></p>
<p><span style="color: #000000;">គួរបញ្ជាក់ថា ជនសង្ស័យបានប្រើប្រាស់គ្រាប់បែកច្នៃដោយខ្លួនឯង ដោយទិញឧបករណ៍មួយដែលអាចស្តុកវត្ថុធាតុបាន រួចបំពេញម្សៅ រំសេវចូលទៅក្នុងនោះតែម្តង។ លោក Lin មានជំងឺប្រចាំកាយ ហើយស្ថានភាពជីវភាព គឺក្រីក្រ ដែលត្រូវរស់នៅជាមួយសត្វឆ្កែ មួយក្បាលថែមទៀត។ ការផ្ទុះបានកើតឡើងកាលពីថ្ងៃទី០៧ ខែកក្កដា បានបណ្តាលឲ្យមនុស្ស ២៥នាក់រងរបួសក្នុងនោះមានទាំង ជនសង្ស័យ គឺលោក Lin ម្នាក់ផងដែរ៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-07-17-11-05-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-17-11-05-32-1.jpg" alt="" width="730" /></span></p>
<p style="text-align: right;"> </p>
<p style="text-align: right;"><span style="color: #000000;">ប្រភព ៖ CNA</span><br /><br /><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>