<p><span style="color: #000000;"><strong>(ភ្នំពេញ)៖</strong> ជុំវិញភាពស្រពេចស្រពិលរបស់អ្នកគាំទ្រអំពីជោគវាសនារបស់ខ្សែប្រយុទ្ធ ចាន់ វឌ្ឍនាកា ជាមួយក្លឹបបឹងកេតអង្គរ នឹងត្រូវលាតត្រដាងនៅថ្ងៃទី១៣ ខែមករា ឆ្នាំ២០១៧ស្អែកនេះ។ ចាំមើលតើកីឡាករមានដើមកំណើតមកពីខេត្តកំពតរូបនេះ នឹងត្រូវបន្ដរួមរស់ជាមួយក្លឹបជើងឯកលីគកំពូលកម្ពុជា ២ជំនាន់នេះ ឬត្រូវចាកចេញទៅបន្ដអាជីពនៅក្រៅប្រទេស?</span></p>
<p><br /><a class="thickbox" title="" href="/FileManager/Commons/2017/1/12/10b-12-01-2017--10-52-40.jpg"><img src="/FileManager/Articles/mce/2017/1/12/10b-12-01-2017--10-52-40.jpg" alt="" /></a></p>
<p><span style="color: #000000;">ប្រភពព័ត៌មានពីថ្នាក់ដឹកនាំក្លឹបបឹងកេតអង្គរបានឲ្យដឹងថា នៅវេលាម៉ោង ៣រសៀលថ្ងៃទី១២ ខែមករានេះ ក្លឹបនឹងធ្វើសន្និសីទសារព័ត៌មានមួយនៅសណ្ឋាគារភ្នំពេញ ដើម្បីបង្ហាញពីការពិតជុំវិញការវិវត្តន៍រឿងអនាគតកីឡាករ ចាន់ វឌ្ឍនាកា ជាមួយនឹងក្លឹប។ ប្រភពច្បាស់ការដដែលបន្ដថា នៅថ្ងៃស្អែកនេះ អ្នកគាំទ្រគ្រប់គ្នានឹងថា ខ្សែប្រយុទ្ធវ័យ ២២ឆ្នាំនេះ ត្រូវបន្ដនៅបឹងកេត ឬត្រូវចេញទៅជប៉ុន ថៃ សិង្ហបុរី ឬម៉ាឡេស៊ី?</span></p>
<p><span style="color: #000000;">នេះគឺជាដំណឹងគួរឲ្យភ្ញាក់ផ្អើលមួយ ដែលអ្នកគាំទ្រកម្ពុជា កំពុងចង់ដឹង។ ប៉ុន្ដែយ៉ាងណាមានប្រភពជិតស្និទ្ធជាមួយសាម៉ីខ្លួន ចាន់ វឌ្ឍនាកា ផ្ទាល់បានអះអាងថា រដូវកាលថ្មីនេះ វឌ្ឍនាកា នឹងមិនលេងនៅលីគកំពូលកម្ពុជានោះទេ ដែលបញ្ជាក់ឲ្យឃើញថា គេនឹងចាកចេញពីបឹងកេត។ ប៉ុន្ដែនេះគ្រាន់តែជាការលើកឡើងរបស់អ្នកដទៃប៉ុណ្ណោះ តែការពិតយ៉ាងណានឹងដឹងច្បាស់នៅថ្ងៃស្អែក៕</span></p>
<p><span style="color: #000000;"><img class="spotlight" src="https://scontent.fsgn3-1.fna.fbcdn.net/v/t31.0-8/15995202_1833661396873377_1623096145579811588_o.jpg?oh=19e62c19621bf2c178c509c82336e2bd&oe=59122808" alt="Image may contain: 1 person, playing a sport, standing, child, outdoor and text" /></span></p>
<p><span style="color: #000000;"><img class="spotlight" src="https://scontent.fsgn3-1.fna.fbcdn.net/v/t1.0-9/15941088_1833661393540044_7533293549117529821_n.jpg?oh=d240c5611f4a4ddeebe98a7bf60d6b7f&oe=591853E8" alt="No automatic alt text available." /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>