<p><span style="color: #000000;"><strong>(ឥណ្ឌា)៖</strong> ជើងហោះហើរក្នុងស្រុករបស់ឥណ្ឌា 9W 2374 របស់អាកាសចរណ៍ Jet Airways បានរអិលធ្លាក់ចេញពីផ្លូវស្ថិតនៅអាកាសយានដ្ឋានអន្តរជាតិ Goa ដែលវាមានគោលដៅពីទីក្រុង Goa ឆ្ពោះទៅកាន់ទីក្រុងម៉ុមបៃ ភាគខាងត្បូងប្រទេសឥណ្ឌា។ នេះបើតាមការចេញផ្សាយព័ត៌មានទាន់ហេតុការណ៍ដកស្រង់ពី ANI របស់ឥណ្ឌានៅមុននេះបន្តិច នាព្រឹកថ្ងៃអង្គារ ទី២៧ ខែធ្នូ ឆ្នាំ២០១៦។</span></p>
<p><span style="color: #000000;">ព័ត៌មានបានបន្តទៀតថា អ្នកដំណើរនៅលើយន្តហោះទាំងអស់គឺពុំបានទទួលរងគ្រោះអ្វីឡើយ ក្រៅតែពីការភ័យតក់ស្លុត ខណៈមួយរយៈចុងឆ្នាំ២០១៦នេះ ករណីធ្លាក់យន្តហោះបានកើតមានឡើងជាច្រើនគួរឲ្យកត់សម្គាល់។ យន្តហោះខាងលើនេះបានជួបបញ្ហាបច្ចេកទេស ទើបបណ្តាលឲ្យរអិលចេញពីផ្លូវព្រលាន ខណៈដែលវាកំពុងបង្កើនល្បឿនត្រៀមហោះឡើង សំដៅទៅទីក្រុងម៉ុមបៃ ដោយដឹកមនុស្ស ១៥៤នាក់។</span></p>
<p><span style="color: #000000;">គួរបញ្ជាក់ថា ព្រលានយន្តហោះ Goa ត្រូវបានសម្រេចបិទជាបណ្តោះអាសន្នរហូតដល់ម៉ោង ១២៖៣០នាទីថ្ងៃត្រង់ ថ្ងៃអង្គារនេះដើម្បីត្រួតពិនិត្យ ប្រព័ន្ធសុវត្ថិភាពឡើងវិញ៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/27/15-27-12-2016--09-34-17.jpg"><img src="/FileManager/Articles/mce/2016/12/27/15-27-12-2016--09-34-17.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>