<p><span style="font-size: 12px; color: #000000;">កោះកុង ៖ អ្នកនេសាទម្នាក់បានស្លាប់យ៉ាងអាណោចអធ័ម និង ៩ នាក់ផ្សេងទៀត កំពុងត្រូវបានព្យាបាល នៅមន្ទីរពេទ្យ បន្ទាប់ពីទទួលទានត្រីកំពតសមុទ្រ ដែលមានជាតិពុល កាលពីល្ងាចថ្ងៃចន្ទ នៅស្រុកគិរីសាគរ ខេត្តកោះកុង។</span></p>
<p><span style="color: #000000;">លោកសុខចេង មេឃុំកោះស្តេច បានមានប្រសាសន៍ថា អ្នកនេសាទ ដែលស្លាប់នោះត្រូវបានបញ្ជូនទៅព្យាបាលនៅមន្ទីរពេទ្យក្រុងព្រះសីហនុ ប៉ុន្តែដោយសារស្ថានភាពធ្ងន់ធ្ងរពេក គាត់បានស្លាប់នៅតាមផ្លូវទៅមន្ទីរពេទ្យ។ បុរស អ្នកនេសាទ ដែលបានស្លាប់នោះ មានឈ្មោះពេជ្រ វិបុល អាយុ ៣០ ឆ្នាំ។</span></p>
<p><span style="color: #000000;">អ្នកនេសាទចំនួន 9 នាក់ផ្សេងទៀត កំពុងត្រូវបានព្យាបាល នៅមន្ទីរពេទ្យកោះកុង។ ស្ថានភាពរបស់ពួកគេ ត្រូវបានក្រុមគ្រូពេទ្យនិយាយថា បានប្រសើរឡើងហើយ ។ របាយការណ៍មុន ៗ បង្ហាញថា មានតែបុរសនេសាទ ៨ នាក់ប៉ុណ្ណោះ ដែលធ្លាក់ខ្លួនឈឺ។</span></p>
<p><a class="thickbox" title="" href="/FileManager/Commons/2018/1/24/4-24-01-2018--15-46-11.png"><img src="/FileManager/Articles/mce/2018/1/24/4-24-01-2018--15-46-11.png" alt="" /></a><br /><br /><span style="color: #000000;"> លោកចេងបាននិយាយថា៖ "ជនរងគ្រោះផ្សេងទៀតបាននិយាយថា អ្នកនេសាទដែលបានស្លាប់បានញ៉ាំត្រីកំពតមានជាតិពុលនេះយ៉ាងច្រើន រីឯអ្នកនៅសល់ញ៉ាំតែតិចតួចប៉ុណ្ណ៉ោះ" ។</span></p>
<p><span style="color: #000000;">លោកបានបន្ថែមថា ស្ថានភាពជំងឺរបស់លោក វិបុល វិវត្ដន៍ធ្ងន់ធ្ងរយ៉ាងឆាប់រហ័ស កាលពីយប់ថ្ងៃចន្ទ។ លោកនិយាយថា៖ "គាត់ស្ថិតក្នុងសភាពធ្ងន់ធ្ងរ ដូច្នេះវេជ្ជបណ្ឌិត នៅខេត្តកោះកុង បានសម្រេចបញ្ជូនគាត់ទៅខេត្តព្រះសីហនុ ដើម្បីព្យាបាល ប៉ុន្តែគាត់បានស្លាប់នៅតាមផ្លូវទៅមន្ទីរពេទ្យ"។</span></p>
<p><span style="color: #000000;"><a class="thickbox" title="" href="/FileManager/Commons/2018/1/24/2-24-01-2018--14-54-32.png"><img src="/FileManager/Articles/mce/2018/1/24/2-24-01-2018--14-54-32.png" alt="" /></a><br /></span></p>
<p><span style="color: #000000;">លោក ហុម សារឿន អធិការនគរបាលស្រុក បានថ្លែងថា ជនរងគ្រោះទាំងអស់ គឺជាអ្នកនេសាទ។ បុរសម្នាក់ក្នុងចំណោមពួកគេ ចាប់បានត្រីកំពត ហើយបន្ទាប់មកពួកគេបានបបួលគ្នា បរិភោគត្រីនោះ នៅកំពង់ផែទាំងអស់គ្នា។</span><br /> <br /><span style="color: #000000;"> ពួកគេបានចម្អិនត្រីកំពតនោះ ហើយបានហូបត្រីនោះរួមគ្នា នៅកំពង់ផែ បន្ទាប់ពីពួកគេត្រឡប់មកពីសមុទ្រវិញ។ ពួកគេចាប់ផ្តើមក្អួតភ្លាមៗ ហើយត្រូវបានបញ្ជូនទៅកាន់មន្ទីរពេទ្យ "។</span></p>
<p><span style="color: #000000;"><a class="thickbox" title="" href="/FileManager/Commons/2018/1/24/5-24-01-2018--15-46-23.png"><img src="/FileManager/Articles/mce/2018/1/24/5-24-01-2018--15-46-23.png" alt="" /></a><br /></span></p>
<p><span style="color: #000000;">លោក ម៉េង យូយ មេឃុំដុងប៉េង បាននិយាយថា ប្រជាជនក្នុងតំបន់ត្រូវបានព្រមានអំពីការបរិភោគត្រីកំពតពុលនេះ។ លោកបានមានប្រសាសន៍ថា៖ "យើងបានណែនាំអ្នកស្រុកមិនឱ្យញ៉ាំត្រីនេះទេ ពីព្រោះវា មានផ្ទុកជាតិពុល" ។</span><br /> <br /><span style="color: #000000;"> នៅខែមិថុនា ឆ្នាំ 2017 មនុស្សម្នាក់បានស្លាប់ និងពីរនាក់ទៀត បានឈឺដោយសារពុលត្រីនេះ នៅខេត្តក្រចេះ បន្ទាប់ពីបរិភោគត្រីនេះ នៅឯពិធីជប់លៀង ៕</span></p>
<p><a class="thickbox" title="" href="/FileManager/Commons/2018/1/24/1-24-01-2018--15-46-54.png"><img src="/FileManager/Articles/mce/2018/1/24/1-24-01-2018--15-46-54.png" alt="" /></a></p>
<p><br /><a class="c_tab" href="http://www.khmertimeskh.com/50103949/fisherman-killed-by-eating-deadly-catch/" target="_blank"><img src="/FileManager/Articles/mce/2018/1/24/khmertimes-24-01-2018--14-55-07.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ ដេវីដ</span></p>
<p style="text-align: right;"><span style="color: #000000;">ប្រភព៖ KhmerTimes</span></p>