<div class="item-page">
<p><span style="color: #000000;"><strong>(ភ្នំពេញ)៖</strong> ក្រសួងបរិស្ថានសូមបដិសេធទាំងស្រុងលើរាល់ខ្លឹមសារដែលវិទ្យុសំឡេងសហរដ្ឋអាមេរិក (VOA) បានផ្សាយអត្ថបទរបស់ខ្លួនមានចំណងជើងថា <strong>«មន្ត្រីជាន់ខ្ពស់គណបក្សកាន់អំណាចព្រមានអំពីលទ្ធភាពចាញ់ឆ្នោត បើមន្រ្តីបក្សជាប់ពាក់ព័ន្ធនឹងអំពើពុករលួយ»</strong> កាលពីថ្ងៃទី២៣ ខែធ្នូ ឆ្នាំ២០១៦។</span></p>
<p><span style="color: #000000;">ក្រសួងបរិស្ថានសូមថ្កោលទោសយ៉ាងដាច់អហង្ការចំពោះវិទ្យុសំឡេងសហរដ្ឋអាមេរិក ដែលបានបំភ្លៃព័ត៌មានខុសពីការពិតទាំងស្រុងក្នុងចេតនាទុច្ចរិត បំពុលបរិយាកាសនយោបាយនៅកម្ពុជាដែលកំពុងតែមានសុខសន្តិភាព ស្ថិរភាពនយោបាយ និងការអភិវឌ្ឍលើគ្រប់វិស័យ។</span></p>
<p><span style="color: #000000;">ជាក់ស្តែង នៅក្នុងពិធីបើក<strong> «សន្និបាតបូកសរុបលទ្ធផលការងារបរិស្ថានឆ្នាំ២០១៦ និងទិសដៅការងារឆ្នាំ២០១៧»</strong> កាលពីរសៀលថ្ងៃទី២១ ខែធ្នូ ឆ្នាំ២០១៦ កន្លងទៅនេះ លោកឧបនាយករដ្ឋមន្ត្រី ប៊ិន ឈិន បានក្រើនរំឮកមន្ត្រីរាជការទាំងអស់ឱ្យខិតខំប្រឹងប្រែងបំពេញការងារ បម្រើផលប្រយោជន៍ជាតិមាតុភូមិ និងប្រជាជនដោយស្មោះត្រង់។ អ្វីដែលវិទ្យុសំឡេងសហរដ្ឋអាមេរិកបានផ្សាយនេះ គឺជាការបកស្រាយបំភ្លៃន័យដើម ដើម្បីបម្រើនិន្នាការនយោបាយផ្ទាល់ខ្លួន ដែលនេះជាការប្រាសចាកក្រមសីលធម៌វិជ្ជាជីវៈសារព័ត៌មានទាំងស្រុង៕</span></p>
<p><span style="color: #000000;"><img src="http://image.freshnewsasia.com/2016/fn-2016-12-23-19-06-10-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
<div></div>
</div>