<p><span style="color: #000000;"><strong>(ប៉ៃលិន)៖</strong> បុរសម្នាក់ជាបុគ្គលិកកាស៊ីណូ <strong>«ម្កុដពេជ្រ»</strong> ត្រូវបានកម្លាំងនគរបាលខេត្តប៉ៃលិន ឃាត់ខ្លួនក្រោយធ្វើសកម្មភាពចាប់រំលោភ នារីបុគ្គលិកកាស៊ីណូជាមួយគ្នា ដោយយោងតាមពាក្យបណ្ដឹងរបស់ជនរងគ្រោះ។</span></p>
<p><span style="color: #000000;">លោកឧត្តមសេនីយ៍ត្រីជា ចាន់ឌិន ស្នងការនគរបាលខេត្តប៉ៃលិន បានឲ្យដឹងនៅព្រឹកថ្ងៃទី១០ ខែធ្នូ ឆ្នាំ២០១៦នេះថា ជនសង្ស័យត្រូវបានសមត្ថកិច្ចយើងឃាត់ខ្លួន នៅថ្ងៃទី៩ ខែធ្នូ ឆ្នាំ២០១៦ ម្សិលមិញ ដោយការិយាល័យនគរបាលព្រហ្មទណ្ឌកំរិតធ្ងន់។</span></p>
<p><span style="color: #000000;">លោកស្នងការបន្តថា ហេតុការណ៍រំលោភសេពសន្ថវៈនេះ បានកើតឡើងនៅកាលពីព្រឹកថ្ងៃទី២ ខែធ្នូ ឆ្នាំ២០១៦ នៅក្នុងបន្ទប់ជួលភូមិផ្សារព្រំឃុំស្ទឹងកាច់ ស្រុកសាលាក្រៅ ខេត្តប៉ៃលិន។</span></p>
<p><span style="color: #000000;">លោកបន្ថែមថា ជនរងគ្រោះឈ្មោះ វ ស ច អាយុ ១៧ឆ្នាំ ជាបុគ្គលិកកាស៊ីណូម្កុដពេជ្រ ចំណែកជនសង្ស័យឈ្មោះ ឆិល សុខឃា ភេទប្រុស អាយុ ២៥ឆ្នាំ ជាបុគ្គលិកកាស៊ីណូម្កុដពេជ្រ ស្នាក់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។</span></p>
<p><span style="color: #000000;">បច្ចុប្បន្នសមត្ថកិច្ចជនសង្ស័យកំពុងឃាត់ខ្លួន ដើម្បីអនុវត្តន៍ទៅតាមនិតិវិធីច្បាប់ និងធ្វើការស្រាវជ្រាវករណីខាងលើនេះបន្ថែម ព្រោះមានប្រភពថាអ្នកទាំង២នាក់នេះរស់ជាមួយគ្នាអស់ជាច្រើនខែមកហើយ បែរជាមកប្តឹងសមត្ថកិច្ចពីបទរំលោកភសេពសន្ថវៈទៅវិញ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-10-11-09-29-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-10-11-09-30-1.jpg" alt="" width="730" /></span></p>
<p><a class="thickbox" title="" href="/FileManager/Commons/2016/12/10/07a-10-12-2016--13-53-25.jpg"><img src="/FileManager/Articles/mce/2016/12/10/07a-10-12-2016--13-53-25.jpg" alt="" /></a></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>