<div class="article-content">
<p><strong>ភ្នំពេញ៖</strong> យុវជនម្នាក់ និងមិត្តភក្តិ បានស្រែកឆោឡោ ក្រោយពីមាន ជនសង្ស័យ២នាក់ បាន<br />មកភ្ជង់ពួកគេ ហើយបានប្លន់យក ម៉ូតូម៉ាកស្តុបពី ពណ៌ក្រហម គ្មានស្លាកលេខ ស៊េរី២០១៤<br />កាលពីវេលាម៉ោង ប្រមាណ១២៖៥០នាទី យប់រំលងអាធ្រាត្រ ចូលថ្ងៃទី១ ខែវិច្ឆិកា ឆ្នាំ២០១៣<br /> ស្ថិតនៅតាមផ្លូវលេខ៨៦ កែងផ្លូវលេខព្រះមុនីវង្ស សង្កាត់ស្រះចក ខណ្ឌដូនពេញ ខណៈជន<br />រងគ្រោះ និងមិត្តភក្តិ កំពុងនាំគ្នាប៉ះកង់ម៉ូតូមួយគ្រឿងទៀត។</p>
<p>សេចក្តីរាយការណ៍ ពីកន្លែងកើតហេតុ បានឲ្យដឹងថា ជនសង្ស័យទាំង២នាក់ នោះជិះម៉ូតូ<br />ស្មាស ហើយបានបន្លំខ្លួន ជាសមត្ថកិច្ច ខណ្ឌដូនពេញ។ មុនពេលកើតហេតុ ជនរងគ្រោះ<br />ឈ្មោះ សុខ សីហា អាយុ២៣ឆ្នាំ រស់នៅខេត្តកណ្តាល និងមិត្តភក្តិ មានគ្នា៧នាក់ ជិះម៉ូតូ៣<br />គ្រឿង នាំគ្នាដើរលេង ចូលក្លឹបកំសាន្ត ស្រាប់តែម៉ូតូមួយគ្រឿង បានបែកកង់ ។</p>
<p>ពេលនោះពួកគេ បានប៉ះកង់ម៉ូតូ ដែលបែកនោះ នៅជិតស្ថានីយ៍ ប្រេងកាល់តិច តាមផ្លូវព្រះ<br />មុនីវង្ស ហើយខណៈកំពុងតែប៉ះកង់ម៉ូតូនោះ ស្រាប់តែលេចមុខ ជនសង្ស័យ២នាក់ ជិះម៉ូតូ<br />ស្មាស់ មួយគ្រឿង មកស្រែកថា យើងតាមម៉ូតូនេះ ៣ថ្ងៃហើយ តាំងពីបាញ់នៅខណ្ឌពោធិ៍<br />សែនជ័យ ដូច្នេះត្រូវតែទៅអធិការដ្ឋាន នគរបាលជាមួយពួកគេ។</p>
<p>ពេលនោះ ជនរងគ្រោះដែលត្រូវជនសង្ស័យ ស្រែកគំរាម និងវាយផងនោះ បាននាំគ្នារត់ចូល <br />ក្នុងស្ថានីយ៍ប្រេង ហើយជនសង្ស័យម្នាក់ បានជិះម៉ូតូរបស់ជនរងគ្រោះបាត់ទៅ។ ក្រោយ<br />កើតហេតុ កម្លាំងនគរបាល មូលដ្ឋាន បានចុះមកជួយ អន្តរាគមន៍ និងធ្វើការសួរនាំ ដើម្បី<br />ស្រាវជ្រាវ តាមចាប់ក្រុមជនល្មើស៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0507.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0508.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0509.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0510.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0511.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>