<div class="article-content">
<p><strong>ភ្នំពេញ៖</strong> ពន្លឺនៃការរួបរួម និងឯកភាពគ្នារវាង គណបក្សនយោបាយទាំងពីរ កាន់តែមាន សង្ឃឹម<br />ច្រើនហើយ បន្ទាប់ ពីជំនួបលើកទី២ រវាងថ្នាក់ដឹកនាំកំពូលសម្តេចតេជោ ហ៊ុន សែន និង លោក<br /> សម រង្ស៊ី នាព្រឹកថ្ងៃទី១៧ ខែកញ្ញា នេះ ពោលភាគីកំពុងស្ថិតនៅលើផ្លូវតែមួយ ដើម្បីដោះស្រាយ<br />បញ្ហាជាតិធំៗ និងការឆ្ពោះទៅការកែទម្រង់ស្ថា ប័នជាច្រើនរបស់ជាតិ។</p>
<p>នៅចំពោះមុខអ្នកកាសែតលោក យឹម សុវណ្ណ អ្នកនាំពាក្យគណបក្សសង្រ្គោះជាតិ បានបញ្ជាក់ថា<br /> ក្រោយកិច្ចប្រជុំ ភាគីទាំងពីរកាន់តែខិតជិតគ្នា ប៉ុន្តែត្រូវការពេលវេលាក្នុងរយៈពេល ៥-៦ថ្ងៃទៀត<br /> ដើម្បីបន្តចរចា និងពិភាក្សាគ្នា ឈានទៅដល់ការដោះស្រាយបញ្ហាជាតិធំៗ និងការកែទម្រង់ស្ថា<br />ប័នជាច្រើនរបស់ជាតិ។</p>
<p>ដោយឡែកលោក ប្រាក់ សុខុន ភាគីគណបក្សប្រជាជន បានបញ្ជាក់ថា បើទោះបីកិច្ចប្រជុំថ្ងៃនេះ <br />មិនបានចេញ សេចក្តីថ្លែងការណ៍រួមដូចពីម្សិលមិញ ប៉ុន្តែយើងស្ថិតនៅលើផ្លូវតែមួយ ឈានទៅ<br />ដល់ការដោះស្រាយបញ្ហាជាតិ និងបញ្ហាធំៗរបស់ជាតិ។</p>
<p>លោកប្រាក់ សុខុន បានបញ្ជាក់ថា «យើងមិនទាន់ស្រុះស្រួលគ្នា១០០ភាគរយ ប៉ុន្តែថ្នាក់ដឹកនាំ<br />ទាំងពីរស្នើឲ្យទៅ ពិភាក្សាផ្ទៃក្នុង និងជួបគ្នាបន្តទៀត ដើម្បីរករូបមន្តណាមួយ ឈានទៅដល់ការ<br />ខិតជិតគ្នាខ្លាំង ដើម្បីរកដំណោះ ស្រាយចុងក្រោយណាមួយ ដែលអាចទទួលបានទាំងសងខាង»។</p>
<p>យ៉ាងណាក៏ដោយមន្រ្តីជាន់ខ្ពស់ទាំងពីរ នៅតែបញ្ជាក់ជំហររួមគ្នាថា ការចរចានៅតែបន្តធ្វើឡើង <br />ហើយពេល សម្រេចបានលទ្ធផលជារួម ដែលភាគីទាំងពីរអាចទទួលយកទាំងសងខានោះ នឹងប្រ<br />កាសប្រាប់ជាផ្លូវការដល់អ្នក កាសែត។</p>
<p>សម្រាប់លោក យឹម សុវណ្ណ បានបញ្ជាក់ថា គណបក្សនីមួយៗ នឹងយកលទ្ធផលនេះ ទៅប្រកាស<br />ប្រាប់ប្រជាពល រដ្ឋរបស់ខ្លួន។</p>
<p>ជាថ្មីម្តងទៀត លោក យឹម សុវណ្ណ មិនបានបញ្ជាក់ឲ្យច្បាស់ថា គណបក្សសង្រ្គោះជាតិ នឹងចូលរួម<br />កិច្ចប្រជុំសភា លើកដំបូងនៅថ្ងៃទី២៣ ខែកញ្ញា ខាងមុខនោះឡើយ។ គ្រាន់តែបញ្ជាក់ថា គោលជំហរ<br />គណបក្សសង្រ្គោះជាតិ គឺ រកយុត្តិធម៌ជូនម្ចាស់ឆ្នោត និងកែទម្រង់ស្ថាប័នជាតិជាច្រើន ដូចជាការកែ<br />ទម្រង់ស្ថាប័ន គ.ជ.ប ជាដើម។</p>
<p>លោក យឹម សុវណ្ណ បញ្ជាក់ថា ភាគីទាំងពីរនៅសល់ពេល ៥-៦ថ្ងៃទៀត ដើម្បីចរចារកដំណោះ<br />ស្រាយរួម ប៉ុន្តែ ពេលនេះ ថ្នាក់ដឹកនាំកំពូលបក្សទាំងពីរ ដកឃ្លាទៅពិភាក្សាផ្ទៃក្នុង៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-247.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-248.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-249.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-250.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-251.jpg" alt="Photo by DAP-NEWS" width="550" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>