<p><strong>ភ្នំពេញ</strong> ៖ មន្ដ្រីនគរបាលនៅស្រុកកោះធំ ខេត្ដកណ្ដាលម្នាក់ បានដាច់ចិត្ដឡើងជិះម៉ូតូ ឌុបមក<br />លោតទឹក សម្លាប់ខ្លួនពីលើស្ពានព្រះ មុនីវង្សចាស់ ក្នុងរាជធានីភ្នំពេញ ដោយសារ តែតូចចិត្ដ<br />យ៉ាងខ្លាំង ចំពោះស្ដ្រីជា ភរិយាដែល ចង់លែងលះ ហើយទៅស្វែងរកសុភមង្គល ជាមួយប្រុសថ្មី<br /> និងមានបំណងទៅកាន់ប្រទេស ម៉ាឡេស៊ី ចោលខ្លួន និងកូនប្រុសម្នាក់ផង ដែរ ។ ប៉ុន្ដែការប៉ង<br />សម្លាប់ខ្លួនលោតទឹកពី លើស្ពាន ព្រះមុនីវង្ស ចាស់របស់មន្ដ្រីនគរ បាលព្រិន្ទបាលទោរូបនេះ មិន<br />បានសម្រេច នោះឡើយ ដោយសារតែជនរងគ្រោះ បាន ហែលឡើង គោកដោយខ្លួនឯង ទំនង<br />មិន ចង់ស្លាប់ពេលលោតទៅដល់ក្នុងទឹកនោះ ។</p>
<p>ហេតុការណ៍មន្ដ្រីនគរបាលស្រុកកោះធំជិះម៉ូតូឌុបមកលោតទឹកពីលើស្ពាន ព្រះមុនី វង្សចាស់ខាង<br />លើនេះ បង្កឱ្យមានការភ្ញាក់ ផ្អើលយ៉ាងខ្លាំងពីសំណាក់ប្រជាពលរដ្ឋ ធ្វើ ដំណើរឆ្លងកាត់ស្ពាន និង<br />កម្លាំងសមត្ថកិច្ច ប្រចាំគោលដៅ ព្រមទាំងកម្លាំងនគរបាល មូលដ្ឋានចុះទៅជួយអន្ដរាគមន៍ កាល<br />ពីវេលា ម៉ោង១០និង១៥នាទីព្រឹក ថ្ងៃទី២៨ ខែតុលា ឆ្នាំ២០១៣ ស្ថិតនៅស្ពានព្រះមុនីវង្សចាស់ <br />ខណ្ឌមានជ័យ ។</p>
<p>នៅចំពោះមុខសមត្ថកិច្ចមូលដ្ឋានទាំងខ្លួន ទទឹកជោក ជនរងគ្រោះបាននិយាយថា ខ្លួន រៀម ចិត្រា <br />អាយុ៣៤ឆ្នាំ ជាមន្ដ្រីនគរបាល នៅស្រុកកោះធំ ខេត្ដកណ្ដាល និងបច្ចុប្បន្ន រស់នៅភូមិយោគបាត <br />សង្កាត់ក្បាលកោះ ខណ្ឌមានជ័យ រាជធានីភ្នំពេញ នៅម្ដុំវត្ដមុនី សាគរ ។</p>
<p>ជនរងគ្រោះរូបនេះ បានបន្ដថា មូលហេតុ ដែលខ្លួនមកលោតទឹកប៉ងបញ្ចប់ជីវិតយ៉ាង ដូច្នេះ ដោយ<br />សារតែតូចចិត្ដប្រពន្ធសុំលែង លះ ហើយទៅរៀបការប្ដីថ្មី ព្រោះតែខ្លួន មានប្រាក់តិចតួច មិនអាច<br />ចិញ្ចឹមប្រពន្ធ ។</p>
<p>បើតាមជនរងគ្រោះ ប្រពន្ធរបស់ខ្លួនឈ្មោះ អ៊ុន សុខា អាយុ២៧ឆ្នាំ ជាបុគ្គលិកបម្រើ ការងារនៅស្ថា<br />នីយប្រេងឥន្ធនៈតេលា ហើយ ចាប់តាំងពីការរៀបអាពាហ៍ពិពាហ៍ជាមួយ គ្នាអស់រយៈពេល៧ឆ្នាំមក<br />នេះ ពួកគេមាន កូនប្រុសម្នាក់ ទុកជាចំណងដៃ។</p>
<p>ប្រភពព័ត៌មានពីមន្ដ្រីនគរបាលមូលដ្ឋាន បានឱ្យដឹងថា យោងតាមសាក្សីដែលបាន ឃើញហេតុ<br />ការណ៍ មុនពេលកើតហេតុជន រងគ្រោះបានជិះម៉ូតូឌុប ហើយពេលមកដល់ លើស្ពាន ក៏ចុះពីលើ<br />ម៉ូតូឌុប លូកយកសំបុត្រ នៅក្នុងកាបូបលុយមកអាន ហើយហែក ចោល ដែលសំបុត្រនោះ គឺជា<br />លិខិតសុំលែង លះរបស់ប្រពន្ធ រួចហើយក៏លោតចូលទៅ ក្នុងទឹកតែម្ដងទៅ ។</p>
<p>សាក្សីបានប្រាប់សមត្ថកិច្ចទៀតថា ពេល លោតចូលទៅក្នុងទឹកហើយ ស្រាប់តែជនរង គ្រោះ បាន<br />ហែលឡើងលើគោក ដោយខ្លួន ឯងទាំងខ្លួនទទឹកជោក ទំនងជាមិនចង់ស្លាប់ ឬមួយអាណិតកូន<br />ប្រុស ដែលមិនដឹងអី ។</p>
<p>ក្រោយកើតហេតុ កម្លាំងនគរបាលមូល ដ្ឋាន បានចុះទៅជួយអន្ដរាគមន៍ ដោយនាំជន រងគ្រោះទៅ<br />សួរនាំបន្ដទៀត ហើយធ្វើការ អប់រំ រួចអនុញ្ញាតឱ្យត្រឡប់ទៅផ្ទះវិញ កុំគិត ខ្លីបែបនេះទៀត គួររកវិធី<br />ដោះស្រាយសម ស្របជាមួយប្រពន្ធរបស់ខ្លួន៕</p>
<p style="text-align: center;"><object width="500" height="400" data="http://www.youtube.com/v/Qev3ogcvDs4&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Qev3ogcvDs4&rel=1" /></object></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0663.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0664.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0665.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0666.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0667.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>