<p><strong>ភ្នំពេញ៖</strong> តារាចម្រៀងចំណូលថ្មីរបស់ ហង្សមាស លោក យក់ ដួងតារា ហាក់កំពុងទទួលបានការ<br />លើកស្ទួយ ជាពិសេសពីសំណាក់ផលិតកម្មធំមួយនេះ ដោយគ្រាន់តែបទចម្រៀងកន្រ្ទឹមសោះ តារា<br />ប្រុសសង្ហាសំឡេងរដឺនរូបនេះ មានចំនួនដល់ទៅដប់បទម្នាក់ឯង ចំណែកម្លោះសង្ហាកំសត់ស្នេហ៍ <br />រិន សាវ៉េត វិញមួយបទក៏គ្មានដែរ ព្រោះពេលដែលគេថតសំឡេង លោក រិន សាវ៉េត រវល់ទៅសម្ដែង<br />នៅអាមេរិក ទើបគ្មានបទកន្ត្រឹមនឹងគេ ។</p>
<p>វត្តមានក្នុងផលិតកម្មថ្មីលោក យក់ ដួងតារា ដែលជាអតីតតារាចម្រៀងរបស់ Spark ហាក់មានកេរ្តិ៍<br />ឈ្មោះល្បីល្បាញ គួរសមនៅផលិតកម្មចាស់ តែនៅផលិតកម្មថ្មីវិញ មិនទាន់ដឹងនោះទេ រង់ចាំមើល<br />សិន តែហង្សមាសផ្ដល់បទដល់ទៅដប់បទបែបនេះ មិនធម្មតាទេ ខណ:ដែល នៅ ស៊ីនឿន បានតែ<br />៣បទប៉ុណ្ណោះ ។</p>
<p>មើលទៅលោកពិតជាខ្លាំងមែន តែគួរឲ្យសោកស្ដាយ លោកមិនបានឡើងច្រៀង ក្នុងការប្រគំតន្ត្រីធំ<br />ប្រចាំឆ្នាំ Best of the Best របស់ហង្សមាសនោះ ព្រោះលោកជាប់ទៅសម្ដែងនៅក្រៅប្រទេស។ តារា<br />ចម្រៀងម្នាក់ដែលបានចូលរួមក្នុង ការថតបទកន្រ្ទឹមរបស់ ហង្សមាស ម្សិលមិញ បាននិយាយប្រាប់<br /> LookingTODAYថា បទកន្រ្ទឹមទាំងអស់ជា melody របស់លោក យក់ ដួងតារា ..!។ តែនិពន្ធដោយ<br />លោក ហ៊ុន ហេង និងតាមពិតបទរបស់ យក់ ដួងតារា គឺមាន១១បទឯណោះ យក១បទទៅដាក់ចូល<br />ក្នុងវ៉ុលចូលឆ្នាំវិញ ។</p>
<p>និយាយបទកន្ទ្រឹម យក់ដួងតារា អាចមានប្រជាប្រិយភាពខ្លាំង ថ្វីត្បិតតែលោកទើបឈានជើងចូល<br />ផលិតកម្មថ្មី លោកមិនបានតម្កើងឫកឡូយឆាយនោះទេ ។ គេសង្កេតឃើញថាវត្តមាន យក់ ដួងតារា បានធ្វើឲ្យមហាជនមានការភ្ញាក់ផ្អើលមធ្យមទេ តែបានធ្វើឲ្យប្រជាប្រិយភាពរបស់ រិន សាវ៉េត មានការ<br />ថយចុះខ្លាំង ព្រោះគេទាំងពីរនាក់ គឺខ្លាំងខាងបទប្រពៃណីដូចគ្នា ហើយមកពីខេត្តដូចគ្នាទៀត៕</p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-030/Kosal-0327.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>