<div class="article-content">
<p><strong>ព្រះសីហនុ៖</strong> សមត្ថកិច្ចនគរបាល ប៉ុស្តិ៍រដ្ឋបាលសង្កាត់លេខ៤ នៃអធិការដ្ឋាននគរបាលក្រុងព្រះសីហនុ បង្រ្កាបជនសង្ស័យជាចោរលួចកាច់កម៉ូតូ យ៉ាងសកម្មពីរនាក់ប្តី-ប្រពន្ធ នៅក្នុងក្រុងព្រះសីហនុ បន្ទាប់ពីទទួលពាក្យបណ្តឹងពីជនរងគ្រោះ ហើយថែមទាំងបានឆែកឆេរ រកឃើញម៉ូតូស៊េរីថ្មីៗ ចំនួន៤គ្រឿងបន្ថែមទៀត ដែលបានលាក់ទុកក្នុងផ្ទះជួលរបស់ខ្លួន ។</p>
<p>ការឃាត់ខ្លួនជនសង្ស័យខាងលើនេះ នៅក្នុងតំបន់ទួលខ្សាច់ ស្ថិតក្នុងក្រុម១២ ភូមិ៤ សង្កាត់លេខ៤ ក្រុងខេត្តព្រះសីហនុ កាលវេលាម៉ោង១១ព្រឹក ថ្ងៃទី១ ខែសីហា ឆ្នាំ២០១៤នេះ ។</p>
<p> ប្រភពពីសមត្ថកិច្ចបានឲ្យដឹងថា ជនសង្ស័យមានឈ្មោះ អ៊ាម សូ អាយុ២៥ឆ្នាំ មានស្រុកកំណើតភូមិកោះខែល ឃុំកោះខែល ស្រុកស្អាង ខេត្ត កណ្តាល និងប្រពន្ធឈ្មោះ បេ ស្រីណា អាយុ២៤ឆ្នាំ មានទីលំនៅទីតាំងកើតហេតុខាងលើ ។ បច្ចុប្បន្ន ជនសង្ស័យទាំង២នាក់ ត្រូវសមត្ថកិច្ចបញ្ជូន ទៅអធិការដ្ឋាននគរបាលក្រុងព្រះសីហនុ ដើម្បីចាត់ការបន្តតាមនីតិវិធី ។</p>
<p>សូមបញ្ជាក់ថា ជនសង្ស័យជាប្តីនេះ ធ្លាប់ជាប់ពន្ធនាគារម្តងរួចមកហើយ ពីបទប៉ុនប៉ងប្លន់ ដែលបានប្រព្រឹត្តកាលពីថ្ងៃទី០៥ ខែវិច្ឆិកា ឆ្នាំ២០០៨ ដោយកាត់ទោសជាប់ពន្ធនាគារចំនួន៥ឆ្នាំ ហើយត្រូវបានតុលាការចេញដីការដោះលែង កាលពីថ្ងៃទី០៧ ឧសភា ២០១៣ បន្ទាប់ពីបានទទួលទោស និងបានបន្ធូរបន្ថយទោសគ្រប់ចំនួន ៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-014/that-0020.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-014/that-0021.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-014/that-0022.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-014/that-0023.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/August/id-014/that-0024.jpg" alt="Photo by DAP-News" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/91817-2014-08-01-08-08-07.html" target="_blank">ផ្តល់សិទ្ធដោយ ៖ ដើមអម្ពិល</a></p>