<p><span style="color: #000000;"><strong>(ភ្នំពេញ)៖</strong> ក្រសួងអប់រំ យុវជន និង កីឡា បានឲ្យដឹងថា ដំណើរការបូកសរុបពិន្ទុ ក៏ដូចជាការត្រួតពិនិត្យពិន្ទុមិនប្រកក្រតី របស់សិស្ស ប្រឡងមធ្យមសិក្សាទុតិយភូមិ ហៅបាក់ឌុប បានបញ្ចប់ទាំងស្រុងហើយនៅថ្ងៃទី០៦ ខែកញ្ញា ឆ្នាំ២០១៦។</span></p>
<p><span style="color: #000000;">តែទោះបីជាយ៉ាងណាក្រសួងមិនទាន់បានបញ្ជាក់ពីលទ្ធផលលំអិតជុំវិញការប្រឡងបាក់ឌុបនេះនៅឡើយទេ។</span></p>
<p><span style="color: #000000;">សូមបញ្ជាក់ថា បេក្ខជន បេក្ខនារីសរុប ៩៣,៧៥២នាក់ កាលពីថ្ងៃទី២២-២៣ ខែសីហា កន្លងទៅនេះ បានប្រឡងបញ្ចប់ការសិក្សា ចំណេះដឹងទូទៅ ដើម្បីឈានចូលទៅថ្នាក់ឧត្តមសិក្សា។ ការប្រឡងបាក់ឌុបនៅឆ្នាំនេះ ត្រូវបានមើលឃើញថា កាន់តែល្អប្រសើរ ហើយ មានមិនប្រក្រតីតិចតួចបំផុត ដោយបេក្ខជន បេក្ខនារី សុទ្ធតែបានត្រៀមលក្ខណៈសម្បត្តិសម្រាប់ការប្រឡង ពួកគេមិនពឹងពាក់លើការ លួចចម្លង ឬឯកសារសម្ងាត់ដូចពេលមុនទៀតនោះឡើយ។</span></p>
<p><span style="color: #000000;">លទ្ធផលប្រឡងសញ្ញាបត្រមធ្យមសិក្សាទុតិយភូមិ នឹងប្រកាសជូននៅរសៀលថ្ងៃទី១៣ ខែកញ្ញា ឆ្នាំ២០១៦ សម្រាប់មណ្ឌលប្រឡងក្នុង រាជធានីភ្នំពេញ និងខេត្តកណ្ដាល។ ដោយឡែកបណ្ដាខេត្តផ្សេងទៀត នឹងប្រកាសជូននៅព្រឹកថ្ងៃទី១៤ ខែកញ្ញា ឆ្នាំ២០១៦៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-09-02-12-13-30-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>