<p>រយះពេលប៉ុន្មានម៉ោងមកនេះរាល់វែបសាយ ដែលផ្សាយពត៌មានពី K-pop សុទ្ធសឹងតែកំពុង<br />ច្របូលច្របល់ជាមួយនឹងបញ្ហារបស់ សមាជិកក្រុម T-ara នាង Hwayoung ដែលជាតារា Rap<br />ប្រចាំក្រុម។<br /><a class="thickbox" title="" href="/FileManager/Commons/2012/7/31/hwayoung-31-07-2012--09-05-23.jpg"><img style="display: block; margin-left: auto; margin-right: auto;" src="/FileManager/Articles/mce/2012/7/31/hwayoung-31-07-2012--09-05-23.jpg" alt="" /></a><br />ហេតុការណ៍ដែលបណ្ដាលអោយមានពត៌មានល្បីគ្រប់កន្លែងបែបនេះគឺបណ្ដាលមកពីបញ្ហា<br />ដែលកើតឡើងក្នុងថ្ងៃដែល T-ara ចេញសម្ដែងក្នុងកម្មវិធី Music Bank របស់ KBS។ ក្នុងថ្ងៃនៃ<br />ការសម្ដែងលើឆាក Music Bank ក្រុម T-ara ត្រូវចេញសម្ដែងជាក្រុមទី ៣ នាំមុខគេប៉ុន្តែដោយ<br />សារ Hwayoung នាងមានរបួសជើង ដំបូងឡើយខាងអ្នករៀបចំកម្មវិធី បានសម្រេចអោយនាង<br />ចូលរួមច្រៀងដោយ Rap តែគ្រាន់តែអង្គុយនៅលើកៅអីប៉ុណ្ណោះ វិធីនេះបានសម្រេចធ្វើដោយ<br />មានការហាត់សមជាមុនហើយឃើញថា Hwayoung នាងអាចទៅរួច ប៉ុន្តែដល់ពេលដែលត្រូវ<br />ឡើងឆាក Music Bank ស្រាប់តែ Hwayoung នាងប្រកែកមិនព្រមចេញទៅសម្ដែងទៅវិញ។<br /><a class="thickbox" title="" href="/FileManager/Commons/2012/7/31/20120730hwayoungmusicbank-31-07-2012--09-05-46.jpg"><img style="display: block; margin-left: auto; margin-right: auto;" src="/FileManager/Articles/mce/2012/7/31/20120730hwayoungmusicbank-31-07-2012--09-05-46.jpg" alt="" /></a><br />ដោយសារតែ Hwayoung នាងប្រកែកមិនព្រមចេញសម្ដែងតាមការត្រៀមទុកបែបនេះហើយ<br />ទើបនាំអោយ T-ara បាក់មុខដោយសារសំដែងនៅលើឆាក Music Bank ត្រូវធ្វើឡើងដោយ<br />មានការរាំងស្ទះមែនទែន។<br /><br />ក្រោយពីការសម្ដែងលើឆាក Music Bank Hwayoung បានបង្ហាញអកប្បកិរិយាមិនសមរម្យដល់<br />អ្នកកាសែត ក៏ដូចជាប្រិយមិត្តដោយនាងបានចោលឈើច្រត់របស់នាង ទៅលើអ្នកគ្រប់គ្រងក្រុម<br />នាងផ្ទាល់ គប់កៅអី និងស្រែកជេរប្រមាថជាដើម។<br /><br />CEO របស់ Core Contents Media បានប្រាប់អ្នកកាសែតថាគាត់នឹងមិននិយាយពីបញ្ហារបស់តារា<br />រូបនេះផ្សេងច្រើនពីហេតុការណ៍ដែលបានកើតក្នុងកម្មវិធី Music Bank នោះទេព្រោះគាត់ចង់រក្សា<br />ឈ្មោះរបស់តារារូបនេះផងដែរ ទោះបីជាពេលនេះគាត់ត្រូវតែសម្រេចចិត្តក្នុងការរំលាយកុងត្រា<br />របស់នាងចោលក៏ដោយ។<br /><br />ហើយក្រោយមកនេះលោក Kim Kwang Soo CEO របស់ CCM បានប្រកាសរំលាយកិច្ចសន្យា<br />របស់ Hwayoung ភ្លាមៗតែម្ដងដោយយកលែសថានាងបង្ហាញអកប្បកិរិយាមិនល្អ។ ប៉ុន្តែជាមួយ<br />គ្នានេះ Hwayoung នាងក៏មានប្រតិកម្មតាមរយៈ Tweet របស់នាងផ្ទាល់ ដោយ Hwayoung បាន<br />Tweet អោយដឹងថា នាងមានរបួសប៉ុន្តែខាងក្រុមការងារនៅតែបង្ខំនាងអោយធ្វើការ ហើយប្រើ<br />ពាក្យសម្ដីគំរាមនាងទៀតផង។<br /><br />បើយើងមើលតាមស្ថានភាពរបស់ Hwayoung គឺនាងពិតជាមានរបួសជើងពិតមែន សូម្បីតែដើរ<br />ក៏ត្រួវការឈើច្រត់ជំនួយផងដែរ ប៉ុន្តែខាង CCM បានប្រកែកដាច់ខាតថាមិនមានការគំរាមបែប<br />នេះនោះទេ តែយ៉ាងណាៗក៏កុងត្រាការងាររបស់ Hwayoung ត្រូវបានរំលាយរួចបាត់ទៅហើយ។<br />Hwayoung គឺជាតារា K-pop ម្នាក់ជាសមាជិកក្រុម T-ara ដែលមានសមត្ថភាពពូកែក្នុងការ Rap<br />ដែលមកដល់ពេលនេះមិនទាន់មានតារារូបណាអាចបំបែកដង្ហើមដ៏វែងរបស់នាងបានឡើយ។<br />គេគ្រប់គ្នាសង្ឃឹមថានៅពេលដែលនាងចេញពី T-ara នាងអាចនឹងចេញក្លាយជាតារាចម្រៀង<br />ទោលដល់ផលិតកម្មណាមួយផងដែរ៕</p>
<p style="text-align: right;">ដោយ៖ ម៉ូកា<br />ប្រភពពី៖ Allkpop </p>