<p><span style="font-size: 12px; color: #000000;">សហរដ្ឋអាមេរិក៖ មានក្មេងប្រុស ២នាក់អាយុ ១២និង ១៣ឆ្នាំត្រូវបានចាប់ខ្លួនពីបទល្មើស៣ករណី ដោយពួកគេបានធ្វើឲ្យឃ្មុំប្រមាណកន្លះលានក្បាលកកស្លាប់ខ្ទេចគ្មានសល់ តាមរយៈបំផ្លាញសំបុកឃ្មុំចំនួន ៥០សំបុកនៅឯកសិដ្ឋាន Wild Hill Honey ក្នុងទីក្រុង Sioux កាលពីចុងខែធ្នូ។</span></p>
<p><span style="color: #000000;">ម្ចាស់កសិដ្ឋាន Wild Hill Honey បានរៀបរាប់ថាកសិដ្ឋានត្រូវបានខូចខាតអស់ទឹកប្រាក់រហូតទៅដល់ ៦០,០០០ដុល្លារ (៤៣,៤០០ផោន)។</span></p>
<p><span style="color: #000000;">រីឯម្ចាស់កសិដ្ឋានម្នាក់ទៀត លោក Justin Engelhardt បាននិយាយប្រាប់អ្នកយកព័ត៌មានថា ក្មេងទាំងនោះបានដើរបំផ្លាញគ្រប់សំបុកឃ្មុំទាំងអស់ស្ទើរគ្មានសល់។ លោក Engelhardt និងប្រពន្ធរបស់គាត់បានរកឃើញការបំផ្លិចបំផ្លាញទ្រព្យសម្បត្តិរបស់ពួកគេនៅថ្ងៃទី 28 ខែធ្នូ ឆ្នាំ២០១៧។</span></p>
<p><span style="color: #000000;"><a class="thickbox" title="" href="/FileManager/Commons/2018/1/19/1-19-01-2018--10-26-30.png"><img src="/FileManager/Articles/mce/2018/1/19/1-19-01-2018--10-26-30.png" alt="" /></a><br /></span></p>
<p><span style="color: #000000;">ការខាតបង់របស់លោក Engelhardt និងភរិយារបស់គាត់បានធ្វើឲ្យជាតិ អន្ដរជាតិ និងប៉ូលីសមានការចាប់អារម្មណ៍ជាខ្លាំងហើយនាំគ្នាតាមដានជនសង្ស័យនឹងមានការជួយពីសាធារណៈជនផងដែរ។</span></p>
<p><span style="color: #000000;">គួរឲ្យសោកស្តាយ ខាងក្រុមហ៊ុនធានារ៉ាប់រងមិនមានការសងសំណងទៅលើបញ្ហាខាងលើនោះទេ។ យ៉ាងណាមិញ ការប្រមូលទឺកប្រាក់សម្បុរសធម៌តាមរយៈអនឡាញបានច្រើនជាង ៣០ ០០០ដុល្លារហើយ ដែលថវិការទាំងនេះអាចឲ្យប្តីប្រពន្ធរបស់គាត់ចាប់ផ្តើមអាជីវកម្មសារជាថ្មីនៅនិទាឃារដូវខាងមុខនេះ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/1/19/mkn-19-01-2018--10-26-43.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ ច័ន្ទ</span></p>
<p style="text-align: right;"><span style="color: #000000;">ប្រភព៖ ប៊ីប៊ីសុី</span></p>