<p>ព័ត៌មានអន្តរជាតិ ៖ ក្រោយពីបានដកស្រង់សម្តីមន្រ្តី ប៉ូលីសផ្លូវការ គូសបញ្ជាក់អោយដឹង កាលពីថ្ងៃ ម្សិលមិញនេះ ទំព័រសារព័ត៌មានរដ្ឋចិន ស៊ិនហួរ បាន ចេញផ្សាយ អោយដឹងថា យ៉ាងហោចណាស់ មនុស្ស ៧ នាក់ បានស្លាប់បាត់បង់ជីវិត ស្រប ពេល ដែល ៤ នាក់ទៀត នៅ បន្តបាត់ខ្លួននៅឡើយ ក្រោយពីមានការវាយប្រហារជាខ្លាំង ដោយនាំយកពួកគេទៅ ពីការបោកបក់ ដោយកម្លាំងទឹកហូរ ដ៏ គំហុក នៅឯតំបន់ទឹកធ្លាក់មួយកន្លែង មានទីតាំង ស្ថិតនៅក្នុងរដ្ឋ Madhya Pradesh ភាគកណ្តាល ប្រទេស ឥណ្ឌា ។</p>
<p>បន្ថែមពីលើនេះ សេចក្តីរាយការណ៍ បញ្ជាក់អោយដឹងថា គ្រោះថ្នាក់ លើកនេះ បានកើតឡើង នៅឯ កន្លែងពិចនិកមួយកន្លែង ពោលមានរយៈចម្ងាយប្រមាណ ៥០ គ.ម ពីរដ្ឋ Jabalpur ដោយមានទីតាំង ស្ថិតនៅក្នុងរដ្ឋ Madhya Pradesh កន្លែងកើតហេតុខាងលើ កំពស់ នីវូទឹក បានកើនឡើង ភ្លាមៗនិង មួយរំពេចតែម្តង ។ ជាលទ្ធផល សាកសពមនុស្ស ៧ នាក់ ត្រូវបានគេរកឃើញ និង ស្រង់ចេញពីផ្ទៃ ទឹកខណៈពួកគេបានស្លាប់បាត់បង់ជីវិតបាត់ទៅហើយ ដោយសារតែលង់ទឹក ដោយនៅក្នុងនោះក្រុម មនុស្ស ៤ នាក់ផ្សេងៗទៀត នៅបន្តបាត់ខ្លួននៅឡើយ ស្របពេល ដែល ប្រតិបត្តិការ ស្រាវជ្រាវ ក៏កំ ពុងតែមមាញឹក ។ </p>
<p><a class="thickbox" title="" href="/FileManager/Commons/2014/8/5/39634283cms-05-08-2014--14-26-15.jpg"><img src="/FileManager/Articles/mce/2014/8/5/39634283cms-05-08-2014--14-26-15.jpg" alt="" /></a></p>
<p>ប្រភពបញ្ជាក់ថា ជនរងគ្រោះទាំងអស់ បាន ព្យាយាម ដើរឆ្លងកាត់ផ្ទៃទឹក ដែល មានវត្តមាននៅជិត កន្លែងទឹកធ្លាក់ខងលើ ភ្លាមៗនោះ កម្រិតទឹកក៏បានកើនឡើងយ៉ាងគំហុក និងហូរដោយមានល្បឿន លឿនផងនោះ ជាហេតុនាំអោយមានការបក់បោក និងនាំយកខ្លួនជនរងគ្រោះទាំងនោះទៅតែម្តង៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>