<p><span style="color: #000000;"><strong>(ក្រុងឡុងដ៍)៖</strong> កីឡាករខ្សែបម្រើប្រយុទ្ធជនជាតិប្រេស៊ីល Willian បានព្រមព្រៀងបន្តកិច្ចសន្យារយៈពេល ៤ឆ្នាំទៅមុខទៀត ក្នុងការលេងឲ្យក្លឹបតោខៀវ Chelsea របស់អង់គ្លេស ក្រោមការដឹកនាំរបស់គ្រូបង្វឹកថ្មី Antonio Conte នៅទឹកដី Stamford Bridge។</span></p>
<p><span style="color: #000000;">សារព័ត៌មាន BBC បានផ្សាយថា កីឡាករក្នុងក្រុមជម្រើសជាតិសាំបាប្រេស៊ីល ដែលបានជួយឲ្យ Chelsea ឈ្នះពាន Premier League និង Capital One Cup រដូវកាលឆ្នាំ២០១៤-២០១៥ កន្លងទៅនេះ ក្រោមការដឹកនាំរបស់គ្រូបង្វឹក Jose Mourinho នោះ បានសម្រេចបន្តកិច្ចសន្យាទៅមុខរយៈពេល ៤ឆ្នាំបន្ថែមទៀត បន្ទាប់ពីផ្លាស់ចេញពីក្លឹបរុស្ស៊ី Anzhi Makhachkala កាលពីឆ្នាំ២០១៣ ក្រោមតម្លៃខ្លួន ៣០លានផោន។</span></p>
<p><span style="color: #000000;">Willian រកបានគ្រាប់រកបានគ្រាប់បំប៉ោងសំណាញ់ទីបាន ១៣គ្រាប់ ពីការចូលលេងបាន៥៩ប្រកួតនារដូវកាលមុននេះ តែមិនបានជួយឲ្យ Chelsea ឈ្នះពានអ្វីទេ ក្រៅពីបញ្ចប់ទៅដោយចំណាត់ថ្នាក់លេខរៀងទី៩ ក្នុងតារាង Premier League ពុំមានកៅអីលេងក្នុង Champions League និង Europa League រដូវកាលឆ្នាំ២០១៦-២០១៧ នេះឡើយ។</span></p>
<p><span style="color: #000000;">កីឡាករស្បែកខ្មៅ សក់កន្រ្ទើង Willian ក៏ជាសមាជិកក្នុងក្រុមជម្រើសជាតិប្រេស៊ីល ដែលបានចូលដំបូងក្នុងឆ្នាំ២០១១ មក រកគ្រាប់ស៊ុតបញ្ចូលទីបាន៦គ្រាប់ ពីការចូលលេងសរុបបាន៣០ប្រកួតរហូតបច្ចុប្បន្ន។</span></p>
<p><span style="color: #000000;">សូមបញ្ជាក់ផងដែរថា កាលពីសប្តាហ៍មុននេះ Chelsea ក៏ទិញបានកីឡាករខ្សែប្រយុទ្ធជនជាតិប៊ែលហ្ស៊ិក Michy Batshuayi ពីក្លឹប Marseille របស់បារាំង ក្រោមតម្លៃខ្លួន ៣៣លានផោន ដែលជាសមាជិកថ្មីដំបូងគេក្នុងរជ្ជកាលដឹកនាំរបស់គ្រូបង្វឹកជនជាតិអ៊ីតាលី Antonio Conte ដែលទើបតែលាលែងពីការងារពីក្រុមជម្រើសជាតិអាសូរីអ៊ីតាលី បន្ទាប់ពីបញ្ចប់យុទ្ធនាការ Euro 2016 នៅប្រទេសបារាំង ត្រឹមវគ្គ៨ក្រុមចុងក្រោយ៕</span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/110EA/production/_90366896_gettyimages-546485814.jpg" alt="" width="730" /></span></p>
<p style="text-align: center;"><span style="color: #000000;">ខ្សែបម្រើប្រយុទ្ធ Willian (រូបស្តាំ)</span></p>
<p><span style="color: #000000;"><img src="https://d.ibtimes.co.uk/en/full/1479364/michy-batshuayi.jpg" alt="" width="730" /></span></p>
<p style="text-align: center;"><span style="color: #000000;">កីឡាករខ្សែប្រយុទ្ធជួរមុខ Michy Batshuayi</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>