<p>ក្រុមអ្នកវិទ្យាសាស្ដ្រព្យាករណ៍ថា បើសិនមូលដ្ឋាននេះត្រូវបានសាងសង់ដោយជោគជ័យ នោះវានឹងក្លាយជាស្ថានិយអវកាសអន្តរជាតិទីពីរ។</p>
<p>ថ្មីៗនេះ សន្និសីទកាសែតមួយត្រូវបានរៀបចំឡើងដើម្បីអបអរចំពោះការវិលត្រឡប់មកវិញ<br />របស់អ្នកអវកាស Tim Peake ដែលជាអ្នកអវកាសជនជាតិអង់គ្លេស មកពីទីភ្នាក់ងារអវកាស<br />អឺរ៉ុប (ESA)។ នៅទីនេះ ESA បានប្រកាសឱ្យដឹងអំពីគម្រោងមួយប្រកប់ដោយមហិច្ឆតា។ ពួក<br />គេគ្រោងនឹងបង្កើតមូលដ្ឋានអវកាសមួយនៅចន្លោះផែនដី និងព្រះចន្ទ ដែលមានមុខងារប្រហាក់ប្រហែលនឹងស្ថានិយអវកាសអន្តរជាតិបច្ចុប្បន្ន។ មូលដ្ឋាននេះក៏ត្រូវបានគេចាត់ថា ដូចជា<br />ស្ថានិយមួយជួយដល់ការស្រាវជ្រាវប្រព័ន្ធព្រះអាទិត្យផងដែរ។</p>
<p style="text-align: center;"><a class="thickbox" title="" href="/FileManager/Commons/2016/6/29/tim-peake-29-06-2016--10-20-34.jpg"><img src="/FileManager/Articles/mce/2016/6/29/tim-peake-29-06-2016--10-20-34.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2016/6/29/tim-peake-29-06-2016--10-20-34.jpg"></a>Tim Peake បានវិលមកពីអវកាសដោយជោគជ័យ កាលពីថ្ងៃទី ១៨មិថុនាកន្លងទៅ</p>
<p>ក្រៅពីនេះ មូលដ្ឋាននេះក៏នឹងជាផ្លូវបំបែកមួយ ដើម្បីជួយដល់អ្នកអវកាសក្នុងការសិក្សាស្រាវ<br />ជ្រាវលើឋានព្រះចន្ទ និងការស្រាវជ្រាវដទៃទៀត។ មូលដ្ឋាននេះគឺជាស្ថានិយអវកាសទីពីរ<br />របស់មនុស្ស។</p>
<p>តាមគម្រោង ISS នឹងឈប់ដំណើរការនៅឆ្នាំ ២០២៤ បន្ទាប់ពីបានបម្រើដល់បេសកកម្មអវកាស<br /> រយៈពេល ២៦ឆ្នាំកន្លងមក ដូច្នេះ គេត្រូវការស្ថានិយមួយផ្សេងទៀតមកជំនួស។</p>
<p>David Parker អគ្គនាយកផ្នែកអវកាសចរណ៍របស់ ESA ឱ្យដឹងថា មូលដ្ឋានអវកាសនៅចន្លោះ<br />ផែនដី និងព្រះចន្ទ ដែល ESA កំពុងមានគម្រោងសាងសង់នេះ នឹងជាមូលដ្ឋានសំខាន់មួយ<br />ដែលអនុញ្ញាតឱ្យអ្នកអវកាសចូលចត និងធ្វើកិច្ចការស្រាវជ្រាវនានា នៅក្នុងលំហអវកាស។</p>
<p style="text-align: center;"><a class="thickbox" title="" href="/FileManager/Commons/2016/6/29/tim-peake1-29-06-2016--10-20-50.jpg"><img src="/FileManager/Articles/mce/2016/6/29/tim-peake1-29-06-2016--10-20-50.jpg" alt="" /></a></p>
<p style="text-align: center;">ការវិលត្រឡប់របស់ Apollo 11 កាលពីឆ្នាំ ១៩៦៩<br /><br /></p>
<p>បច្ចុប្បន្ន ESA មិនទាន់មានគម្រោងលំអិតនៅឡើយ ប៉ុន្តែ ពួកគេគិតឃើញថា រយៈពេល ១០ឆ្នាំ<br />ទៀត មូលដ្ឋាននេះនឹងត្រូវបានសាងសង់ឡើងដោយជោគជ័យ។ នៅចុងឆ្នាំនេះ ESA នឹងបើក<br />កិច្ចប្រជុំមួយនៅប្រទេសស្វីស ដែលមានការចូលរួមពីបណ្ដារដ្ឋមន្ត្រីអឺរ៉ុប។ នៅក្នុងកិច្ចប្រជុំនេះ<br /> តំណាង ESA នឹងធ្វើបទបង្ហាញលំអិតអំពីមូលដ្ឋានអវកាសរបស់ខ្លួន។</p>
<p style="text-align: right;">ប្រែសម្រួល ៖ បុត្រា</p>