<p><span style="color: #000000;"><strong>(ភ្នំពេញ)៖</strong> ក្រុមបាល់ទាត់ជម្រើសជាតិអាយុក្រោម ១៥ឆ្នាំកម្ពុជា (U-15) បានយកឈ្នះក្រុម China Jianyin School របស់ម្ចាស់ផ្ទះចិនដោយលទ្ធផលបច្ចេកទេស ៣-០ មុននេះបន្ដិច នៅក្នុងកម្មវិធី The Belt and Road Initiative" U15 Boys Football Tournament ឆ្នាំ២០១៦ ដែលកំពុងធ្វើឡើងនៅប្រទេសចិន។</span></p>
<p><span style="color: #000000;">យោងតាមទំព័រ Facebook របស់សហព័ន្ធកីឡាបាល់ទាត់កម្ពុជាបានឲ្យដឹងថា គ្រាប់បាល់ជ័យជម្នះរបស់ក្រុមគោព្រៃវ័យក្មេង គឺធ្វើសម្រេចដោយកីឡាករ សឿត ណាវ៉ា, សៀង ចន្ធា និងសៀន សុភក្រ្តា ម្នាក់ ១គ្រាប់ ធ្វើឲ្យក្រុមយុវជនកម្ពុជាទទួលបាន ៣ពិន្ទុតែម្ដង។</span></p>
<p><span style="color: #000000;">នេះគឺជាការប្រកួតដំបូងរបស់ក្រុម U-15 កម្ពុជា ក្រោមការដឹកនាំដោយគ្រូបង្វឹកជនជាតិជប៉ុនលោក Inoue Kazunori អមដោយកីឡាករ ១៨នាក់ ដែលជាយុវជននៃសាលាបាល់ទាត់ជាតិទន្លេបាទី ខណៈការប្រកួតគ្រោងនឹងបញ្ចប់នៅថ្ងៃទី២៩ ខែសីហា ឆ្នាំ២០១៦ ខាងមុខនេះ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpf1/v/t1.0-9/14040146_1768606816712169_3813277357572622870_n.jpg?oh=021a25c8dbf1dc2ec535544319fd981a&oe=585C0ABD&__gda__=1481235842_37a6545e3f0b9bd484917685bab936ee" alt="" width="730" /></span></p>
<p style="text-align: center;"><span style="color: #000000;">ក្រុម U-15 របស់កម្ពុជា</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>