<p>នាយកប្រតិបត្តិក្រុមហ៊ុន <span class="Tinhte_XenTag_TagLink">Apple បាននិយាយថា <span class="Tinhte_XenTag_TagLink">Apple</span> អាចផលិតបាន iPhone ធំជាងមុនហើយ គឺធំ ជាងបណ្តាឆ្នាំកន្លងមក។ ប៉ុន្តែហេតុអ្វីបានជាក្រុមហ៊ុន មិនធ្វើជាយូរមកហើយ? </span> Cook បាននិយាយថា <span class="Tinhte_XenTag_TagLink">Apple</span> បានជ្រើសរើសការរង់ចាំ និងផលិតចេញនូវផលិតផលមួយ ដែលក្រុមហ៊ុនបានគិត វានឹងល្អជាង មុន។ "បញ្ហានេះ មិនគ្រាន់តែអាចផលិតបាននូវទូរស័ព្ទមួយដែលធំជាងមុននោះទេ វាគឺជាការងារដែល ផលិតចេញបាននូវទូរស័ព្ទមួយគ្រឿង ដែលល្អជាងមុន នៅគ្រប់ទិដ្ឋភាពទាំងអស់។ តាមរយះនេះ យើង ខ្ញុំប្រគល់ទំនិញ នៅពេលដែលពួកគេបានត្រៀមខ្លួនរួចរាល់តែប៉ុណ្ណោះ ហើយយើងខ្ញុំគិតថា គ្រប់រឿង ទាំងអស់ នឹងល្អជាងមុន តាំងពីបច្ចេកទេសអេក្រង់ បច្ចេកទេសថ្ម រហូតដល់ Software"។</p>
<p><a class="thickbox" title="" href="/FileManager/Commons/2014/9/13/2588558iphone6-13-09-2014--23-37-04.png"><img src="/FileManager/Articles/mce/2014/9/13/2588558iphone6-13-09-2014--23-37-04.png" alt="" /></a><br /> <br />នាយកប្រតិបត្តិរបស់ Apple បានចែករំលែកបន្ថែមឲ្យដឹងថា នេះក៏ជារបៀបដែលក្រុមហ៊ុនបានផលិត ចេញនូវបណ្តាឧបករណ៍ដូចជា iPod, iPhone, iPad ហើយ <span class="Tinhte_XenTag_TagLink">Apple Watch</span> ក៏ដូច្នេះដែរ។ Cook បាន ទទួលស្គាល់ថា ផលិតផលនេះ បានបង្ហាញខ្លួននៅលើទីផ្សារយឺតជាងគេ បើប្រៀបធៀបជាមួយនឹង បណ្តាគូប្រកួតប្រជែងផ្សេងទៀត ប៉ុន្តែ Apple Watch គឺតំណាងដល់កិច្ចខិតខំប្រឹងប្រែងរបស់ក្រុមហ៊ុន ក្នុងការគួបផ្សំបញ្ចូលគ្នានូវឧបករណ៍គ្រឿងផ្សំចន្លោះពី ៤០០ ទៅ៥០០ គ្រឿងនៅលើកូនឈីបតែមួយ គត់។ "នៅផ្នែកខាងក្នុងរបស់វា មានទាំងម៉ាស៊ីនកុំព្យូទ័រមួយ ដែលស្ថិតនៅក្នុងកូនឈីបនោះ។ អ្នកដឹង ទេ វាគឺជារឿងដំបូងគេមួយ ដែលពួកយើងបានធ្វើ"។ <br /> <br /> Cook នៅបាននិយាយបន្ថែម នូវបណ្តារឿងគួរឲ្យចាប់អារម្មណ៍មួយចំនួនទៀត ដូចខាងក្រោម:</p>
<ul>
<li>ស្តីពីរឿងរូបភាពស៊ិចស៊ី នៅលើ iCloud របស់អ្នកល្បីៗជាច្រើន ត្រូវបានលេចចេញឲ្យដឹងនោះ Cook បាននិយាយថា "វាមិនមែនត្រូវបានគេហេកនោះទេ" ជំនួសឲ្យរឿងនេះ លោកបានហៅករណីនេះ ថា "ជារឿងដែលបោកប្រាស់ ភូតកុហក់"។ Cook បានឲ្យដឹងថា បច្ចុប្បន្ន Apple កំពុងតែខិតខំធ្វើឲ្យស្ថាន ភាពនេះ មានភាពប្រសើរឡើងវិញ។</li>
<li>Cook បានចាត់ទុកថា Google គឺជាគូប្រកួតប្រជែងធំបំផុតរបស់ Apple។ នៅពេលដែលត្រូវបានគេ សួរថា ហេតុអ្វីមិនមែនជា Samsung, Cook និយាយថា Google គឺជាអ្នកផ្គត់ផ្គង់ Android ដល់ក្រុម ហ៊ុន Samsung និងបណ្តាក្រុមហ៊ុនផ្សេងៗទៀត។</li>
<li>និយាយពីទូរស័ព្ទ Fire របស់ Amazon: "ពួកគេបានផលិតចេញបាន នូវទូរស័ព្ទមួយ", Cook បន្តនិយាយ "អ្នកមិនអាចឃើញវា នៅគ្រប់ទីកន្លែងបានឡើយ"។</li>
<li>រំលឹកដល់ព័ត៌មានចចាមអារាមថា Apple រៀបចំទិញយកក្រុមហ៊ុនបណ្តាញសង្គម Path, Cook និយាយ ថា បច្ចុប្បន្ន Apple មិនមានផែនការបោះជំហានចូលវិស័យបណ្តាញទំនាក់ទំនងសង្គម នោះទេ" ជំនួស ឲ្យរឿងនេះ ក្រុមហ៊ុនបានសម្រេច បំពាក់ដំឡើងនូវបណ្តាសេវាកម្មដូចជា របស់ Facebook និង Twitter ចូលក្នុងបណ្តាផលិតផលរបស់ខ្លួន។</li>
<li>Cook បានបង្ហើបឲ្យដឹងបន្ថែមថា ក្រុមហ៊ុនកំពុងធ្វើការជាមួយបណ្តាផលិតផល ដែលអ្នកណាៗ ក៏មិន បានដឹង និងមិនធ្លាប់ត្រូវបានគេស្មានដឹងថា ជាអ្វីឡើយ៕</li>
</ul>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ the verge, tinhte</p>