<p><span style="color: #000000;"><strong>(ភ្នំពេញ)៖</strong> បន្ទាប់ពីសម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអំពាវនាវយុវជនចូលរួមការពារ និងហាត់រៀនក្បាច់គុន បុរាណខ្មែរ ដើម្បីជួយថែរក្សា និងផ្សព្វផ្សាយកេរ្តិ៍មរតកដូនតាបន្តទៅមុខនោះ សមាគមបង្រៀនក្បាច់គុនខ្មែរមួយចំនួនបានលើកឡើងថា ពេលនេះសកម្មភាពនៃអ្នកចូលរួមហាត់ក្បាច់គុនបុរាណខ្មែរ មានការកើនឡើងច្រើនជាងមុន។</span></p>
<p><span style="color: #000000;">លោក យូ ជឿនវីរសិង្ហ ប្រធានសហព័ន្ធយុទ្ធក្រមខម ដែលជាសហព័ន្ធបង្រៀនក្បាច់គុនបុរាណខ្មែរមួយ នៅថ្ងៃទី០២ ខែឧសភា ឆ្នាំ២០១៦នេះ បានប្រាប់អង្គភាព Fresh News ឱ្យដឹងថា យុវជនជាច្រើនពេលនេះ បានចាប់អារម្មណ៍ នៅក្នុងការហ្វឹកហាត់ក្បាច់គុន បន្ទាប់ពីមានការអំពាវនាវពីនាយករដ្ឋមន្រ្តី។</span></p>
<p><span style="color: #000000;">លោកបានបន្ថែមថា ភាគច្រើននៃអ្នកចូលរួមហាត់ក្បាច់គុននេះ រួមាន យុវជន សិស្សនិស្សិត យុទ្ធជន និងមន្រ្តីនគរបាលដែលបាន ធ្វើឡើងនៅទីតាំង៣០កន្លែង របស់សាខាសហព័ន្ធយុទ្ធក្រមខម ជាពិសេសនៅទីតាំងបង្ហាត់មាននៅតាមសកលវិទ្យាល័យ វិទ្យាល័យបន្ទាយទាហាន ជាដើម។</span></p>
<p><span style="color: #000000;">សូមរំលឹកថា កាលពីថ្ងៃទី២០ ខែមេសា ឆ្នាំ២០១៦ កន្លងទៅ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានអំពាវនាវឱ្យ យុវជនខ្មែរជំនាន់នេះ ចូលរួមការពារ និងហ្វឹកហាត់ក្បាច់គុន ដើម្បីចែករំលែកសម្រាប់យុវជនខ្មែរជំនាន់ក្រោយហើយកូនប្រុស ទាំងរបស់ សម្ដេចតេជោ ក៏ធ្លាប់ជាអ្នកហាត់ក្បាច់គុនផងដែរ កាលពីនៅវ័យកុមារ៕</span></p>
<p> </p>
<p><img src="http://image.freshnewsasia.com/2016/099/fn-2016-05-02-14-36-49-1.jpg" alt="" width="730" /></p>
<p><img src="http://image.freshnewsasia.com/2016/099/fn-2016-05-02-14-36-49-2.jpg" alt="" width="730" /></p>
<p><img src="http://image.freshnewsasia.com/2016/099/fn-2016-05-02-14-36-49-3.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>