<p><span style="color: #000000;"><strong>(សៅប៉ូឡូ)៖</strong> ពិតជាមិននឹកស្មានដល់មែន សម្រាប់ក្រុមខ្លាំងស្តេចបាល់ទាត់ប្រេស៊ីល បានភ្លាត់ស្នៀតចាញ់ក្រុមឥន្រ្ទីយ៍ ដែកអាល្លឺម៉ង់ រហូតដល់ទៅ ៧-១ ក្នុងវគ្គពាក់កណ្តាលផ្តាច់ព្រ័ត្រនៃ FIFA World Cup 2014 ក្នុងទឹកដីរបស់ខ្លួន។</span></p>
<p><span style="color: #000000;">អ្វីដែលគួរឲ្យភ្ញាក់ផ្អើលបំផុតទៀតនោះ គឺត្រឹមតែរយៈពេល ៤៥នាទីក្នុងវគ្គទី១ប៉ុណ្ណោះ ក្រុមកីឡាករជម្រើ់សជាតិ អាល្លឺម៉ង់បានចែកគ្នាស៊ុតទម្លុះសំណាញ់ទីម្ចាស់ផ្ទះប្រេស៊ីលរហូតដល់ទៅ ៥-០ នៅពីមុខអ្នកទស្សនាផ្ទាល់ប្រមាណ ៥៨១៤១នាក់ ពោលគឺត្រឹមតែ ១៨នាទីសោះប្រេស៊ីលបានរបូតដល់ទៅ ៥គ្រាប់ផ្ទួនៗគ្នាក្នុងនាទីទី១១ ២៣ ២៤ ២៦ និងនាទីទី២៩។</span></p>
<p><span style="color: #000000;">អ្នកគាំទ្រទាំងឡាយ និងពិភពលោកទាំងមូលចាប់ផ្តើមទ្រហ៊ោរយំ នៅពេលដែលកីឡាករអាល្លឺម៉ង់ស៊ុតគ្រាប់ទី៣បាន សម្រេចដោយកីឡាករ Tony Kroos មុនបន្ថែមគ្រាប់ទី២របស់គេ ត្រឹមតែ២នាទីក្រោយប៉ុណ្ណោះ ជាមួយនឹងមិត្តរួមក្រុម Thomas Muller, Mario Klose, Samir Khedira និង Andre Schurrle (រកបាន២គ្រាប់) សុទ្ធតែរកបានគ្រាប់បំប៉ោងសំណាញ់ទីដូចគ្នា។</span></p>
<p><span style="color: #000000;">ការអវត្តមានខ្សែប្រយុទ្ធជើងខ្លាំង Neymar ដោយសារបញ្ហារបួសខ្នងពេលប៉ះកូឡុំប៊ីក្នុងវគ្គ៨ក្រុម បានធ្វើឲ្យម្ចាស់ផ្ទះ សាំបាប្រេស៊ីល អាចតដៃបានវិញតែ១គ្រាប់ប៉ុណ្ណោះក្នុងនាទីទី៩០ចុងម៉ោង ពីការស៊ុតបញ្ចូលទីបានសម្រេចដោយកីឡាករ Oscar តែអ្វីៗហួសពេលបាត់ទៅហើយ៕</span></p>
<div class="fluid-width-video-wrapper"><span style="color: #000000;"><iframe id="fitvid108989" src="https://www.youtube.com/embed/pyaVuA1D17U" frameborder="0" width="480" height="380"></iframe></span></div>
<div class="fluid-width-video-wrapper"></div>
<div class="fluid-width-video-wrapper" style="text-align: right;"><br /><span style="color: #000000;">ផ្តល់សិទ្ធដោយ ៖ ខ្មែរថកឃីង</span></div>
<div class="fluid-width-video-wrapper" style="text-align: right;"><span style="color: #000000;"><br /></span></div>
<div class="fluid-width-video-wrapper" style="text-align: right;"></div>
<div class="fluid-width-video-wrapper" style="text-align: right;"></div>
<div class="fluid-width-video-wrapper" style="text-align: left;"><br /><a class="thickbox" title="" href="/FileManager/Commons/2017/3/8/45-08-03-2017--13-44-39.jpg"><img src="/FileManager/Articles/mce/2017/3/8/45-08-03-2017--13-44-39.jpg" alt="" /></a><span style="color: #000000;"><br /></span></div>