<p><strong>ភ្នំពេញ៖</strong> តារាចម្រៀងស្រីស្រស់ ធ្មេញជំពើស ទេព បូព្រឹក្ស កន្លងមកមិនដែលជួបប្រទះ រឿង<br />អាស្រូវ ក្ដៅក្រហាយដល់អ្នកណាទេ មានតែរងការរិះគន់ តិចតួចប៉ុណ្ណោះ ទាក់ទងនឹងក្បាច់ រាំ<br />សាហាវ របស់នាង ។ តែមិនបានធ្វើឲ្យ ទេព បូព្រឹក្ស ឈឺចិត្តស្អិតទ្រូងនោះទេ ។ នាងបានកែ<br />លម្អក្បាច់រាំ ឲ្យត្រូវតាមចិត្តទស្សនិកជន ហើយកាត់ចោល នៅចំណុច ដែលគេរិះគន់ និងបន្ត<br />ធ្វើអ្វីដែលថ្មី បន្ថែមទៀត ដែលនេះជាចំណុចខ្លាំងរបស់នាង ។</p>
<p>ម្យ៉ាងវិញទៀត ទេព បូព្រឹក្ស ជាតារាដែលគោរព ម៉ោងពេលនឹង ការងារជានិច្ច មិនដែលយឺតយ៉ាវ<br /> ឬខកការងារណាមួយទេ ពិសេសនាង ជាតារាថ្មី មិនចង់ឮពាក្យថា បានល្បីតម្លើងឫកនោះឡើយ។<br /> ទេព បូព្រឹក្ស តែងតែលេចមុខ រាល់កម្មវិធីនានា មិនថាកម្មវិធីតូចធំ ឲ្យតែមានការអញ្ជើញ នាងមិន<br />ដែលនិយាយ ពាក្យថា "ទេ" នោះឡើយ សូម្បីតែកម្មវិធីនោះ មិនបានចំណូលមកវិញក៏ដោយ ។</p>
<p>ថ្មីៗនេះ ទេព បូព្រឹក្ស ត្រូវបានសារពត័មានក្នុងស្រុក មួយចំនួនបានវាយប្រហារថា នាងជាមនុស្ស<br />មិន គោរពពេលវេលា រត់ចោលការងារ ដែលបានព្រមព្រាង គ្នារួចរាល់អស់ហើយ ។ ស្រាប់តែដល់<br />ថ្ងៃថត បែរជាបាត់វត្តមាននាង ហើយនាងមិនព្រម លើកទូរស័ព្ទទៀតផង ។ នេះបង្ហាញពីចេតនា <br />គេចវេស របស់ស្រីស្អាត ទេព បូព្រឹក្ស មិនទទួលខុសត្រូវលើការងារ ។ បណ្ដាញសារពត័មាន ទាំង<br />នោះ មិនរង់ចាំឲ្យ ស្រីស្រស់រូបនេះ បានបកស្រាយអ្វីឡើយ ហើយបានវាយសំពងនាង យ៉ាងចាស់<br />ដៃ ធ្វើឲ្យស្រីស្រស់រូបនេះ អាក់អន់ស្រពន់ ចិត្តមិនតិចទេ ព្រោះនាងមិនមែន ជាមនុស្សបែបនេះ។</p>
<p>ជំនួបតាមទូរស័ព្ទជាមួយ LookingTODAY ស្រីស្អាតពូកែរាំរែក ទេព បូព្រឹក្ស បានរៀបប្រាប់ថា នាង<br />មិនចង់បកស្រាយវែងឆ្ងាយទេ ព្រោះរឿងគេបានចេញផ្សាយទៅហើយ តែនាងក៏ដូចជាអន់ចិត្តតិច<br />តួចដែរ ព្រោះពីដំបូង នាងបានខលទៅប្រាប់ អ្នករៀបចំកម្មវិធីរួចរាល់ តាំងពីមុនថ្ងៃ ថតឯណោះថា <br />នាងអាចសុំលើកពេល ទៅសប្តាហ៍ក្រោយ បានទេ ព្រោះលោកយាយជាទី ស្រលាញ់របស់នាង <br />មានជំងឺ ត្រូវមានការថែរទាំ ជាចាំបាច់ ហើយគ្រួសារនាង មានសមាជិកមិនច្រើនទេ ដូចនេះត្រូវ<br />ផ្លាស់ប្តូរ គ្នាម្នាក់ម្ដងៗ ដើម្បីទៅមើលថែ លោកយាយ ។</p>
<p>ទេព បូព្រឹក្ស បន្តទៀតថា ក្នុងថ្ងៃដែលនាង បានខលទៅអ្នករៀបចំ កម្មវិធីរូបនោះ នាងនិយាយមិន<br />ទាន់ បានដាច់ស្រេចផង ស្រាប់តែគាត់ (អ្នករៀបចំកម្មវិធី) និយាយថា គាត់កំពុងតែរវល់ មិនអាច<br />និយាយបានទេ ហើយក៏ចុចផ្ដាច់បាត់ទៅ ។ ដោយសាររវល់ផង និងត្រូវមើលថែរលោកយាយផង<br /> ទើបមិនបានបញ្ជាក់ ឲ្យបានច្បាស់ម្ដងទៀត ណាមួយនាងកំពុង ស្នាក់នៅក្នុងប្រទេស វៀតណាម<br /> មិនមានសេវា ហើយនាងបាន ផ្ញើទូរស័ព្ទ នៅពូរបស់នាងទៀតផង ។</p>
<p>ទេព បូព្រឹក្ស បានរៀបរាប់ដោយ សំឡេងស្អកៗ ព្រោះនាងក៏ត្រូវឈឺ ដោយសារតែនឿយហត់<br /> ក្នុងការមើលថែលោកយាយនាងទៀតថា នាងមិនមែនមិនយល់រឿងការងារទេ នាងយល់ណាស់<br /> ព្រោះនាងកំពុង ស្ថិតក្នុងផលិតកម្មធំ ដូចនេះមិន មែនដោយសារនាងម្នាក់ ត្រូវគេថា ផលិតកម្ម<br />មិនចេះ មើលកូនចៅនោះទេ ។ នាងអរគុណខ្លាំងណាស់ សម្រាប់ ការអញ្ជើញនេះ ហើយបើមាន<br />ឱកាស លើកក្រោយ នាងនឹងចូលរួម ព្រោះរាល់ការអញ្ជើញ ជាការផ្ដល់កត្តិយស មួយយ៉ាងធំ<br />ធេង សម្រាប់រូបនាង ។</p>
<p>ស្រីស្រស់សម្ដីផ្អែម ទេព បូព្រឹក្ស បានបង្ហាញហេតុផល ច្បាស់លាស់ ត្រឹមត្រូវ មិនមែននិយាយ<br /> យករួចខ្លួននោះទេ ហើយនាងនឹងត្រូវទៅ ច្រៀងក្នុងកម្មវិធីសង្រ្គាន របស់ហង្សមាស នៅឆ្នេរអូ<br />ឈើទាល នៅ១៥មេសា នេះហើយ ។ គេសង្កេតឃើញថា រាល់ការតាំងពិព័រណ៍ ផ្សេងៗ តែង<br />មានវត្តមាន នាងជានិច្ច សូម្បីតែក្រុមហ៊ុន ទូរស័ព្ទចល័ត ណូគា ដែលទើបតែនាំចូល ផលិតផល<br />ថ្មី ក៏អញ្ជើញ ទេព បូព្រឹក្ស ជាតារាចម្រៀង កិត្តិយសដែរ ព្រោះនាងជាតារា ដែលមានប្រជាប្រិយ<br />ភាពខ្លាំង ក្នុងវិស័យនេះ ម្យ៉ាងទៀត ទេព បូព្រឹក្ស មិនតម្លើងឫក ដូចសិល្បករមួយចំនួន ពេលបាន<br />ល្បី តម្លើងឫកកប់ពពក ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2407.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2408.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2409.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2410.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2411.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2412.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>