<p>ព័ត៌មានអន្តរជាតិ ៖ រហូតមកដល់ពេលនេះ យន្តហោះ Boeing 777-200 ចំនួន៣គ្រឿងហើយ ដែល ត្រូវបានធ្លាក់ បណ្តាលឲ្យបាត់បង់ជីវិតមនុស្ស និងទឹកប្រាក់រាប់លានដុល្លារ។</p>
<p>ជាក់ស្តែងកាលពីថ្ងៃទី៨ ខែមីនា ឆ្នាំ២០១៤កន្លងទៅ យន្តហោះដឹកអ្នកដំណើរមួយគ្រឿង របស់ក្រុម ហ៊ុនអាកាសចរណ៍ម៉ាឡេស៊ី ប្រភេទ Boeing 777-200 ផ្ទុកដោយមនុស្ស ២៣៩នាក់ បាននឹង កំពុង បាត់ខ្លួន រហូតមកដល់បច្ចុប្បន្ន ខណៈធ្វើដំណើរ ចេញ ពី ទីក្រុង Kuala Lumpur ប្រទេសម៉ាឡេស៊ី ឆ្ពោះទៅកាន់ទីក្រុង Beijing ប្រទេសចិន។</p>
<p><a class="thickbox" title="" href="/FileManager/Commons/2014/7/26/06-26-07-2014--09-28-56.jpg"><img src="/FileManager/Articles/mce/2014/7/26/06-26-07-2014--09-28-56.jpg" alt="" /></a></p>
<p>ជាមួយគ្នានេះដែរ កាល ពីថ្ងៃទី ១៧ ខែ កក្កដា ឆ្នាំ ២០១៤ កន្លងទៅ យន្តហោះដឹកអ្នកដំណើរមួយ គ្រឿង ទៀត របស់ក្រុមហ៊ុនអាកាសចរណ៍ម៉ាឡេស៊ី ប្រភេទ Boeing 777-200 ដូចគ្នា ត្រូវបានគ្រាប់ មីស៊ីល បាញ់ទម្លាក់ នៅតំបន់ភាគខាងកើត ប្រទេសអ៊ុយក្រែន បណ្តាលឲ្យមនុស្ស ចំនួន ២៩៨ នាក់ បានស្លាប់ ក្នុងនោះមាន ៨០នាក់ជាក្មេង។</p>
<p><a class="thickbox" title="" href="/FileManager/Commons/2014/7/26/piseth-0210-26-07-2014--09-29-05.jpg"><img src="/FileManager/Articles/mce/2014/7/26/piseth-0210-26-07-2014--09-29-05.jpg" alt="" /></a></p>
<p>ដោយឡែកមួយករណីទៀត ការធ្លាក់យន្តហោះ Asiana Flight 214 នៅក្នុងទីក្រុង San Francicso កាលពីឆ្នាំ២០១៣កន្លងទៅ បណ្តាល ឲ្យ មនុស្ស ៣នាក់បានស្លាប់នោះ គឺជាការធ្លាក់ជាលើកដំបូង នៃយន្តហោះប្រភេទ Boeing 777-200 ចាប់តាំងពីចូលបម្រើសេវាកម្មដឹកជញ្ជូន តាំងពីឆ្នាំ១៩៩៥មក។</p>
<p><strong>ខាងក្រោមនេះ គឺជាទិន្នន័យខ្លះៗ ពីយន្តហោះ Boeing 777 ៖</strong></p>
<p>យន្តហោះ Boeing 777 ជា ប្រភេទ យន្តហោះម៉ាស៊ីនភ្លោះ មានបណ្តោយវែង ត្រូវបានអភិវឌ្ឍន៍ និង ផលិតឡើងដោយ ក្រុមហ៊ុន Boeing Co. របស់សហរដ្ឋអាម៉េរិក អាចផ្ទុកអ្នកធ្វើដំណើររហូតដល់ទៅ ២៨២នាក់ និងមានសមត្ថភាពអាចហោះហើរបានចម្ងាយចាប់ពី ៩.៦៩៦ រហូតដល់ ១៧.៣៧២ គីឡូ ម៉ែត្រ។</p>
<p><a class="thickbox" title="" href="/FileManager/Commons/2014/7/26/piseth-0211-26-07-2014--09-29-14.jpg"><img src="/FileManager/Articles/mce/2014/7/26/piseth-0211-26-07-2014--09-29-14.jpg" alt="" /></a></p>
<p>ក្នុងចំណោមប្រមាណ ១០០ យន្តហោះ របស់ក្រុមហ៊ុនអាកាសចរណ៍ Malaysia Airlines មានចំនួន ១៥គ្រឿង ជាយន្តហោះប្រភេទ Boeing 777-200 ហើយបើគិតត្រឹមខែកុម្ភៈ ឆ្នាំ២០១៤នេះ ក្រុមហ៊ុន ផលិតយន្តហោះ Boeing Co. បាន ផលិតយន្តហោះប្រភេទ Boeing 777-200 ចំនួន ១.១៧៨ គ្រឿង ហើយ៕</p>
<p style="text-align: right;"><a href="http://lookingtoday.com/index.php/entertainment-general-news/32648--boeing-777-200-.html" target="_blank">ប្រភព និង ផ្តល់សិទ្ធដោយ ៖ ដើមអម្ពិល</a></p>