<p>ការពិសោធថ្មីៗនេះ បានបង្ហាញថា “វិញ្ញាណទី៦” ដែលគេមានជំនឿថា អាចមើលឃើញអនាគត<br />កាល ឬដឹងដោយអារម្មណ៍ថា នឹងមានបញ្ហាអ្វីកើតកើតនៅពេលខាងមុខ នោះគឺគ្រាន់តែជាវិធី<br />ដំណើរ ការរបស់ខួរក្បាល ចំណែកគ្រូទាយដែលដឹងពីអនាគត ក៏គ្រាន់តែជាការស្រមៃ និងវិភាគ ព័ត៌មានបានល្អតែប៉ុណ្ណោះ។</p>
<p style="text-align: center;"><a class="thickbox" title="" href="/FileManager/Commons/2014/1/18/s-18-01-2014--20-35-35.jpg"><img src="/FileManager/Articles/mce/2014/1/18/s-18-01-2014--20-35-35.jpg" alt="" width="391" height="259" /></a></p>
<p style="text-align: center;"><em>រូបភាព ៖ examiner</em></p>
<p><br />យើងតែងតែបានដឹងអំពីវិជ្ជាទស្សន៍ទាយដោយប្រើវិញ្ញាណ ឬហៅថា “វិញ្ញាណទី៦” ដែលជា និយមន័យមួយស្ដីអំពីការទទួលព័ត៌មានរបស់មនុស្សម្នាក់ តាមរយៈផ្លូវអារម្មណ៍ ដែលមានមាន<br />ភាព អស្ចារ្យជាង ធៀបនឹងវិញ្ញាណទាំង ៥ របស់មនុស្ស។ អ្នកដែលចេះប្រើ “វិញ្ញាណទី ៦” ត្រូវ<br />បាន មនុស្សមួយចំនួន ជឿថា អាចដឹងអំពីហេតុការណ៍ដែលនឹងកើតឡើង នៅពេលអនាគត។<br /> ប៉ុន្ដែ សមត្ថភាពនេះ នៅតែជាអាថ៌កំបាំងនៅឡើយ។<br /> <br />ការពិសោធមួយថ្មីៗនេះ របស់ក្រុមអ្នកវិទ្យាសាស្ដ្រ អូស្ដ្រាលី បានបង្ហាញឱ្យដឹងថា ការស្រមៃ<br />ឃើញ ឬទទួលអារម្មណ៍ដឹងអំពីរឿងរ៉ាវដែលនឹងកើតឡើង គឺជាវិធីប្រតិបត្តិរបស់ខួរក្បាល។ តាម<br />រយៈនេះ អារម្មណ៍របស់មនុស្ស អាចដឹងបាននូវព័ត៌មានលេចធ្លោដ៏តិចតួច ដោយវិញ្ញាណទាំង<br /> ៥ (ចក្ខុវិញ្ញាណ ឃានវិញ្ញាណ សោតាវិញ្ញាណ ជីវ្ហាវិញ្ញាណ និងកាយវិញ្ញាណ)។ បណ្ដាព័ត៌មាន<br />លេចធ្លោផ្សេងៗ ត្រូវបានខួរក្បាលរក្សាទុក ហើយត្រៀមជាស្រេចក្នុងការបញ្ចេញព័ត៌មានលេច<br />ធ្លោទាំងនោះ ដើម្បីប្រើប្រាស់នៅពេលចាំបាច់។<br /><br />ប៉ុន្ដែ នៅចំពោះបញ្ហាមួយចំនួន ខួរក្បាលរបស់មនុស្ស មិនអាចមានវិធីដើម្បីវិភាគព័ត៌មាន បាន<br />ភ្លាមនោះទេ ដូច្នេះ ខួរក្បាលក៏បានបង្កើតចេញនូវអារម្មណ៍ស្រមើស្រមៃមួយ ដែលគេមិនអាច បកស្រាយបានទាំងស្រុង។<br /><br />ក្នុងការពិសោធមួយ ក្រុមអ្នកវិទ្យាសាស្ដ្រ បានអញ្ជើញអ្នកស្ម័គ្រចិត្តមួយចំនួន ចូលរួមតាមដាន<br />មើល រូបភាពពីរសន្លឹក មានពណ៌ផ្សេងគ្នា ដែលពណ៌នាអំពីស្ដ្រីម្នាក់។ នៅក្នុងការបង្ហាញខ្លួនមួយ <br />លើកៗ រូបភាពនៃស្ដ្រីម្នាក់នោះ មានម៉ូដសក់ គ្រឿងអលង្ការ និងការផាត់មុខជាដើម ក៏ត្រូវបាន<br />គេធ្វើឱ្យមានលក្ខណៈ ផ្សេងៗពីគ្នា។ រូបភាពនិមួយៗបង្ហាញខ្លួន ក្នុងរយៈពេល ១,៥ វិនាទី។<br /><br />ក្រោយពីបានមើលទៅលើរូបភាពទាំងពីនេះ អ្នកស្ម័គ្រចិត្តនឹងត្រូវបានសួរអំពីការផ្លាស់ប្ដូរដែល<br />បានបង្ហាញខ្លួនក្នុងរូបភាព និងត្រូវបានស្នើឱ្យធ្វើការជ្រើសរើសពាក្យដែលមាននៅក្នុងបញ្ជី រួម<br />មាន ពាក្យ ៖ ក្រវិល ខ្សែ.ក វ៉ែនតា មួក ក្រែមលាបបបូរមាត់ ខោអាវ ម៉ូដសក់។ល។<br /><br />លទ្ធផលបានបង្ហាញថា អ្នកស្ម័គ្រចិត្ត អាចទទួលអារម្មណ៍ដឹងនូវការផ្លាស់ប្ដូរ ខណៈដែលពួកគេ<br />មិនអាចកំណត់បានច្បាស់នូវអ្វីដែលបានផ្លាស់ប្ដូរ ពោលគឺ អ្នកទាំងនេះ អាច “មានអារម្មណ៍ដឹង”<br /> ឬ “ស្រមៃឃើញ” នូវការប្ដូរផ្លាស់ដែលបានកើតឡើង ដោយមិនអាចអធិប្បាយច្បាស់លាស់អំពី<br />វា។<br /><br />បណ្ឌិត Howe មកពីសកលវិទ្យាល័យ Melbourne ឱ្យដឹងថា ៖ “ការពិតមួយ គឺថា មនុស្សខ្លះអាច<br />ទទួលអារម្មណ៍ ស្រមៃឃើញនូវប្រការអ្វីមួយដែលពួកគេមិនចាំបាច់ពឹងលើវិញ្ញាណទាំង ៥ ដូច<br />ជាការមើល ស្ដាប់ ហិតក្លិន លិទ្ធ និងប៉ះពាល់ ដើម្បីដឹង។ សមត្ថភាពនេះ ត្រូវបានគេហៅថា <br />វិញ្ញាណទី ៦ (ESP) ”។<br /><br />បណ្ឌិត Howe យល់ថា ការយល់ឃើញ គឺមិនចេះឈប់ដំណើរការនោះទេ វាតែងតែសន្សំទុក <br />នូវព័ត៌មាន បទពិសោធ និងការចងចាំ ហើយវាជាឃ្លាំងដ៏ធំ ដើម្បីបង្កើតបានជាការស្រមៃ។ ដូច្នេះ អារម្មណ៍ស្រមៃ គឺតែងបង្ហាញខ្លួននៅក្នុងខួរក្បាលដែលមានព័ត៌មានគ្រប់គ្រាន់ រួមនឹងការវិភាគប្រកបដោយភាពឡូហ្សិច ដើម្បីផ្ដល់នូវគន្លឹះនៃបញ្ហាតែប៉ុណ្ណោះ។<br /><br />ការពិសោធនេះ ត្រូវបានចុះផ្សាយនៅលើទំព័រទស្សនាវដ្ដី PLoS ONE ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/35206/tips-to-handle-emergency-situations-while-driving"><span style="color: #3366ff;">មានបញ្ហាពេលកំពុងបើកបរ ត្រូវដោះស្រាយ បែបណា?</span></a></span></p>
<p><span style="color: #3366ff;"><a href="/News/Detail/12974/8-things-the-world%E2%80%99s-most-successful-people-all-have-in-common"><span style="color: #3366ff;">អ្នកជោគជ័យក្នុងលោក តែងមានចំណុចរួម ៨ប្រការ</span></a></span></p>
<p><span style="color: #3366ff;"><a href="/News/Detail/24516/half-of-us-congressional-politicians-are-millionaires"><span style="color: #3366ff;">តំណាងរាស្ដ្រអាមេរិក ជាងពាក់កណ្ដាល គឺជាសេដ្ឋី</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ theguardian<br /><br /></p>