<div>
<p><span style="font-size: 12px; color: #000000;">ដើម្បីឱ្យអ្នកគ្រប់គ្នានៅកន្លែងការងារ ចងចាំអ្នកនៅថ្ងៃធ្វើការចុងក្រោយរបស់អ្នក តើអ្នកគួរប្រើវិធីអ្វី? បុរសសញ្ជាតិប្រេស៊ីលម្នាក់ អាចឆ្លើយនឹងសំនួរនេះបាន ដោយការមកធ្វើការនៅថ្ងៃចុងក្រោយរបស់គាត់ ស្លៀកសម្លៀកបំពាក់ជា Spider Man នៅក្នុងការិយាល័យ ។ បុរសម្នាក់ ដែលជាបុគ្គលិកធនាគារ បម្រើការងារ នៅធនាគារ Sao Paulo ត្រូវបានគេថតយករូបភាព ពេលកំពុងអង្គុយធ្វើការ នៅនឹងតុរបស់គាត់ ក្នុងសម្លៀកបំពាក់ក្រហមលាយខៀវ ហើយរូបភាពទាំងនោះ ត្រូវបានចែករំលែកបន្ដយ៉ាងច្រើន នៅលើបណ្ដាញសង្គម ។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2019/1/31/1-31-01-2019--09-52-51.PNG"><img src="/FileManager/Articles/mce/2019/1/31/1-31-01-2019--09-52-51.PNG" alt="" /></a><br /></span></p>
</div>
<p><span style="color: #000000;">កម្រងរូបភាព ដែលបានបង្ហោះនៅលើបណ្ដាញ Imqur ដោយអ្នកប្រើប្រាស់ម្នាក់ ត្រូវបានសរសេរអមជាមួយឃ្លាមួយថា បុរសម្នាក់លាលែងពីការងារ ប៉ុន្ដែគាត់សម្រេចចិត្ដធ្វើអ្វីកំប្លែងៗ សម្រាប់ថ្ងៃធ្វើការចុងក្រោយរបស់គាត់ ។ អ្នកប្រើប្រាស់បណ្ដាញសង្គមម្នាក់នោះ បានបញ្ជាក់ថា៖ “រូបភាពទាំងនោះមិនត្រូវបានថត នៅកន្លែង ដែលមនុស្សចេញចូលច្រើននោះទេ ប៉ុន្ដែថតនៅកន្លែងវិភាគទីផ្សារអាជីវកម្មរបស់ធនាគារ” ។</span></p>
<p><span style="color: #000000;"><a class="thickbox" title="" href="/FileManager/Commons/2019/1/31/2-31-01-2019--09-52-58.PNG"><img src="/FileManager/Articles/mce/2019/1/31/2-31-01-2019--09-52-58.PNG" alt="" /></a><br /></span></p>
<p><span style="color: #000000;">វីដេអូឃ្លីបរបស់បុគ្គលិកធនាគារម្នាក់នោះ ក៏ត្រូវបានបង្ហោះចូលទៅក្នុង Youtube ផងដែរ និងធ្វើឱ្យអ្នកប្រើប្រាស់បណ្ដាញសង្គមមានការភ្ញាក់ផ្អើល និងអស់សំណើច ៕</span></p>
<p><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2019/1/31/mekongnet-31-01-2019--09-53-18.PNG" alt="" /></a></p>
<p style="text-align: right;"><span style="font-size: 12px; text-align: right; color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ indianexpress</span></p>