<p><span style="color: #000000;"><strong>ភ្នំពេញ៖</strong> តារាចម្រៀងស្រីដ៏ល្បីល្បាញ ប្រចាំផលិតកម្ម ភ្លេងរីខដ កញ្ញា សុខ ចិន្តា ឬ វ៉ានីឡា ត្រូវបានគេសំឡឹង ឃើញពីភាពលេចធ្លោរ គ្រប់សកម្មភាព ពោលទាំងការងារសិល្បៈ និងមុខរបររកស៊ីក្រៅសិល្បៈ ជាពិសេសភាពលេចធ្លោរ ក្នុងការតុបតែងខ្លួន បានស្រស់ស្អាតគ្រប់ពេល ។</span></p>
<p><span style="color: #000000;">មិនទាន់បានអួតរឿង រកស៊ីផង ស្រាប់តែថ្មីៗនេះ ហាង «វីហ្វេសសិន» ដែល វ៉ានីឡា បើករកស៊ីនៅក្នុងផ្សារទំនើប ផេនសល មាត់ទន្លេ ក៏បានបិទជាស្ថាពរ ដោយគេមិនទាន់ ដឹងហេតុផលនោះឡើយ ។ ការបើកហាងនេះ ត្រូវបាននាង អះអាងថា គ្មានអ្នកណាឧបត្ថម្ភនាងទេ ពោលនាងប្រើប្រាស់លុយ សន្សំពីការងារសិល្បៈ ក៏បើកតែម្ដង ព្រោះជាតារាល្បីឈ្មោះ ប្រហែលអាចជារកស៊ីស្រួល។ </span><br /> <br /><span style="color: #000000;">ប្រភពពីអ្នកក្នុងផ្សារ បានអះអាងថា ការលក់ក្នុងផ្សារ មានការថយចុះ ដូចនេះអ្នកមិនសូវបានម៉ូយ និង អ្នកលក់ថ្មីត្រូវបានបិទតូប ហូរហែ ព្រោះតែអ្នករកស៊ីថ្មី មិនចេះប្រើយុទ្ធសាស្ត្រទីផ្សារ ឲ្យបានត្រឹមត្រូវ ឃើញគេលក់ដាច់ ចេះតែលក់តាមគ្នា ទើបចេះតែបិទហូរហែ។</span></p>
<p><span style="color: #000000;">ទាក់ទងនឹងការបិទមុខជំនួញ យ៉ាងតក់ក្រហល់នេះ កញ្ញា វ៉ានីឡា បាននិយាយប្រាប់ LookingTODAYថា នាងពិតជាបានបិទហាងលក់ខោអាវមែន ព្រោះនាងគ្មានពេលវេលា មើលការខុសត្រូវហាង រវល់ច្រើនក្នុងអាជីពសិល្បៈ ទាំងការច្រៀង និងសម្ដែងក្នុងបទចម្រៀង បូករួមទាំងការចុះច្រៀង តាមខេត្តផងដែរ ។ នាងបន្តថា មិនមែនលក់មិនដាច់ ឬគ្មានម៉ូយនោះទេ ព្រោះលក់ដាច់គួរសម តែសំខាន់នាងពិតជាគ្មានអ្នកណា មើលការខុសត្រូវហាងមែន តែបើសិនថ្ងៃក្រោយមានឱកាស និងពេលវេលាគ្រប់គ្រាន់ នាងនឹងបើកម្ដងទៀត ។ </span><br /> <br /><span style="color: #000000;">ថ្វិត្បិតតែស្ដាប់ទៅ ដូចជា វ៉ានីឡា ប្រឹងប្រាប់ថា នាងមិនបានដេកដួលរឿងរកស៊ី តែអ្វីដែលនាងប្រាប់មក បានបង្ហាញថា ពិតជាមិនទាន់ អាចក្លាយជាអ្នករកស៊ីបានទេ នៅពេលនេះ ។ នាងកំពុងតែព្យាយាម សាងភាពល្បីល្បាញ ឲ្យបានខ្លាំងសិន៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/30/50-30-04-2015--14-50-39.jpg"><img src="/FileManager/Articles/mce/2015/4/30/50-30-04-2015--14-50-39.jpg" alt="" /></a></span></p>
<p><a class="thickbox" title="" href="/FileManager/Commons/2015/4/30/51-30-04-2015--14-50-55.jpg"><img src="/FileManager/Articles/mce/2015/4/30/51-30-04-2015--14-50-55.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/4/30/50-30-04-2015--14-50-39.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>