<div class="article-content">
<p><strong>ភ្នំពេញ :</strong> ហេតុការណ៍ភ្ញាក់ ផ្អើលមួយ បានកើតឡើង បណ្តាលឲ្យប្រជាពលរដ្ឋ និងអ្នកដំណើរជាច្រើន នាំគ្នា ចោមរោមមើល ដោយសារ ម៉ូតូជិះបុកគ្នា ហើយម្ចាស់ ចុះឈ្លោះប្រកែកដណ្តើម យកត្រូវយកឈ្នះរៀងខ្លួន នៅមុខវិទ្យាស្ថានប៊ែលធី តាម បណ្តោយផ្លូវលេខ៤៨៨ សង្កាត់ផ្សារដើមថ្កូវ ខណ្ឌចំការមន កាលពីវេលា ម៉ោង២២និង១០នាទីយប់ថ្ងៃទី២៤ ខែធ្នូ ឆ្នាំ២០១៣។</p>
<p>សមត្ថកិច្ចដែលចុះទៅដល់ កន្លែងកើតហេតុ បានឲ្យដឹង ថា មុនពេលកើតហេតុមាន បុរសម្នាក់ជិះ ម៉ូតូមួយគ្រឿង ម៉ាកគុបជ្រុង ពណ៌ខៀវ ពាក់ស្លាកលេខ ភ្នំពេញ 1V-1832 ជិះធ្វើដំណើរ តាម បណ្តោយ ផ្លូវ លេខ៤៨៨ ទិសដៅពីកើតមកលិច ក្នុង ល្បឿន ល្មម លុះដល់ចំណុច កើតហេតុខាងលើ បានបត់ ឆ្វេង ដោយសន្សឹមៗ ក៏ត្រូវ ម៉ូតូមួយគ្រឿងទៀត ម៉ាកអ៊ែរប្លេក ពណ៌ក្រហម លាយខ្មៅ ពាក់ស្លាកលេខ ភ្នំពេញ 1AC-8208បើកបរដោយ បុរសម្នាក់ស្ថិតក្នុងស្ថានភាពស្រវឹង ទិសដៅពីលិចទៅកើត ទិស ដៅបញ្រ្ចសក្នុងល្បឿនយ៉ាងលឿន បុកចំពាក់កណ្តាលម៉ូតូ បណ្តាលឲ្យម្ចាស់ម៉ូតូទាំងពីររងរបួសស្រាល រីឯម៉ូតូទាំងពីររង ការខូចខាតបន្តិចបន្តួច ។</p>
<p id=":14h">ប្រភពដដែលបន្តថា ក្នុងហេតុ ការណ៍នេះ ភាគីម្ចាស់ម៉ូតូ ទាំងពីរ បានប្រកែកគ្នា អស់ ពេលរាប់សិបម៉ោង បង្កការកកស្ទះ ដល់បងប្អូនប្រជាពលរដ្ឋ ដែលធ្វើដំណើរឆ្លងកាត់ទីនោះ ។ បន្ទាប់ពីកើតហេតុ សមត្ថកិច្ចមូលដ្ឋាន បានចុះ អន្តរាគមន៍ ធ្វើការ សម្របសម្រួលភាគីម្ចាស់ម៉តូទាំងសងខាង ដោយឲ្យម្ចាសម៉ូតូ អ៊ែរប្លេកសងសំណងបន្តិច បន្តួច ទៅកាន់ម្ចាស់ម៉ូតូគុបជ្រុង ដើម្បីបញ្ចប់រឿង ៕</p>
<p style="text-align: center;"><img src="http://image.dap-news.com:81/dap-news/dap-images/2013/December/id-014/that-0318.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-014/that-0319.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-014/that-0320.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>