<p><span style="color: #000000;"><strong>(ញូដេលី)៖</strong> រដ្ឋមន្ត្រីការពារជាតិបារំាង លោក Jean-Yves Le Drian និង រដ្ឋមន្ត្រីការពារជាតិឥណ្ឌា លោក Manohar Parrikar បានយល់ព្រមចុះហត្ថលេខា ហើយនៅថ្ងៃសុក្រនេះ ក្នុងទីក្រុងញូដេលី លើកិច្ចសន្យាលក់យន្ដហោះចម្បំាងបារំាង Rafale ចំនួន ៣៦គ្រឿង មកឱ្យប្រទេសឥណ្ឌា។ នេះបើតាមការចេញផ្សាយ ដោយសារព័ត៌មាន Channel News Asia នៅរសៀលថ្ងៃសុក្រ ទី២៣ ខែកញ្ញា ឆ្នាំ២០១៦។</span></p>
<p><span style="color: #000000;">ប្រភពស្និតនឹងប្រតិភូបារំាងក៏បានឱ្យដឹងដែរថា យន្ដហោះ Rafale តំណាក់កាលទីមួយនឹងត្រូវប្រគល់ឱ្យ ឥណ្ឌា នៅឆ្នាំ២០១៩ ខណៈយន្ដហោះទំាងអស់នឹងត្រូវបញ្ជូនបន្តមក នៅក្នុងរយៈពេល៣០ ខែបន្ទាប់។ ចំណែកឯតម្លៃនៃកិច្ចសន្យា លក់នេះមិនត្រូវបានគេបញ្ជាក់ឱ្យច្បាស់នៅឡើយទេ ក៏ប៉ុន្តែបើតាមប្រភព ខាងលើដដែល «កិច្ចសន្យាលក់យន្ដហោះចម្បំាង Rafale សម្រាប់ឥណ្ឌា មានតម្លៃជាង៨ពាន់លានអឺរ៉ូ ឯណោះ(៨,៧ពាន់លានដុល្លារអាមេរិក)។ រីឯក្រសួងការពារជាតិបារំាងបាន និយាយថា តម្លៃពិតប្រាកដនឹងត្រូវបញ្ជាក់នៅពេលក្រោយ។</span></p>
<p><span style="color: #000000;">គួរបញ្ជាក់ថា ថ្វីត្បិតតែឥណ្ឌាជាមហាអំណាចនុយក្លេអ៊ែរ តែប្រទេសមួយនេះគិតត្រឹមឆ្នាំ២០១៥ មានអង្គភាពយោធាតែ ៣៥ កងអនុសេនាធំ និងយន្ដហោះចម្បំាង១៨ គ្រឿងតែប៉ុណ្ណោះ ដែលបំពាក់ នៅក្នុងកងអនុសេនាធំ នីមួយៗ ដូច្នេះហើយទើបឥណ្ឌាដែលជាយក្សមួយដែរនៅអាស៊ី ទើបភ្ញាក់ខ្លួន និង ត្រូវការយន្ដហោះចម្បំាងយ៉ាងតិច ណាស់ពី៤១ ដល់៤៥គ្រឿង ដើម្បីមានទឹកមាត់ប្រៃ ទៅប្រកួតប្រជែង ជាមួយនឹងប្រទេសជិត ខាងដ៏ខ្លាំងក្លាដូចជា ប៉ាគីស្ថាន និង មហាយក្សចិន ជាដើម៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/23/22-23-09-2016--16-23-50.jpg"><img src="/FileManager/Articles/mce/2016/9/23/22-23-09-2016--16-23-50.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>