<div class="article-content">
<p><strong>ភ្នំពេញ ៖</strong> អតីតក្រុមតវ៉ារឿងដីធ្លី មក ពីតំបន់បឹងកក់ បុរីកីឡា និងព្រះសង្ឃ ប្រមាណ ៥០នាក់ បាននាំ គ្នាតវ៉ារហូតដល់ បិទច្រកចេញ-ចូល សាលារាជធានីភ្នំពេញ ក្នុងគោលបំណងរាំងខ្ទប់ មិនឱ្យថ្នាក់ដឹកនាំ និងមន្ដ្រីសាលារាជធានីភ្នំពេញ អាចចូល ទៅធ្វើការ និងចេញពីធ្វើការបាន ។</p>
<p>ការតវ៉ារបស់ក្រុមសកម្មជន លាយជា មួយព្រះសង្ឃខាងលើនេះ បានធ្វើឡើងតាំង ពីព្រឹកថ្ងៃទី២៣ ខែធ្នូ ឆ្នាំ២០១៣ មកម្ល៉េះ ដោយពួកគេបានបិទផ្លូវព្រះមុនីវង្ស នៅមុខ សាលារាជធានីភ្នំពេញ រហូតដល់ដុត សំបក កង់រថយន្ដ ឆេះសន្ធោសន្ធៅបង្កឱ្យមានការ ភ្ញាក់ផ្អើល និងកកស្ទះចរាចរណ៍មិនអាចធ្វើ ដំណើរ ឆ្លងកាត់ទីនោះបាន ។</p>
<p>ក្រោយពី បញ្ចប់យុទ្ធសាស្ដ្រ បិទផ្លូវតវ៉ា និងដុតកង់ រថយន្ដឆេះចេញជាអណ្ដាតភ្លើងយ៉ាងសន្ធោ សន្ធៅ នោះក្រុមតវ៉ាទាំងនេះ បាននាំគ្នាបិទ ច្រកចេញ-ចូលសាលារាជធានីភ្នំពេញ ថែមទៀត ។</p>
<p>យ៉ាងណាក៏ដោយ មិនទាន់មានចំ ណាត់ការណាមួយ ត្រូវបានធ្វើឡើងពីសំ ណាក់កម្លាំងសមត្ថកិច្ច និងអាជ្ញាធររាជធានី ភ្នំពេញនោះឡើយ ចំពោះក្រុមតវ៉ាទាំង នេះ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/December/id-067/CH-0761.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0762.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0763.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0764.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-067/CH-0765.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/77999-2013-12-23-09-18-58.html"><span style="color: #0000ff;">ដើមអំពិល</span></a></p>
</div>