<p><span style="color: #000000;"><strong style="line-height: 1.8;">ភ្នំពេញៈ</strong><span style="line-height: 1.8;"> ពិធីការិនី ដ៏មានឥទ្ធិពល ប្រចាំស្ថានីយទូរទស្សន៍ CTN អ្នកនាង យុគ ចិន្តា ថ្មីៗនេះ ត្រូវបានមហាជន ចាប់ផ្តើមមានមន្ទិលសង្ស័យថា នាងមានកូនស្រីមា្នក់ អាយុប្រមាណជាង១០ឆ្នាំ តែនាងបានព្យាយាមលាក់បាំង ពីក្រសែភ្នែកមហាជន ព្រោះមិនចង់មានព័ត៌មានចុះផ្សាយ។ តែថ្មីៗនេះ គេសង្កេតឃើញ ពិធីការិនីរូបនេះ បានសម្ញែងភាពល្អូកល្អឺន ប្រៀបដូចជាម្តាយ និងកូន ជាមួយក្មេងស្រីរូបស្អាតម្នាក់។</span></span></p>
<p><span style="color: #000000;">បើតាមប្រភពពីអ្នកគាំទ្រ និងតាមដានជីវិតឯកជនពិធីការិនី លេចធ្លោឈរជួរមុខ ប្រចាំស្ថានីយទូរទស្សន៍ CTN បានបង្ហាញពីមន្ទិលសង្ស័យ របស់ពួកគេថា ពិធីការិនីរូបស្អាតដែលជាខ្លាញី ប្រចាំស្ថានីយទូរទស្សន៍ខាងលើ បានបង្ហាញកាយវិការឱបរឹត ស្និទ្ធស្នាល ជាមួយក្មេងស្រីម្នាក់ ដែលមានមុខមាត់ស្អាតបាត អាយុជាង១០ឆ្នាំ មានឈ្មោះថា Aorm ដែលឈ្មោះនេះ គឺជាឈ្មោះហាងកាត់សំលៀកបំពាក់ របស់អ្នកនាងដែលមានឈ្មោះថា "អមកាត់ដេរ"។</span></p>
<p><span style="color: #000000;">ប្រភពខាងលើ បានប្រាប់ឲ្យដឹងទៀតថា ក្មេងស្រីម្នាក់នោះ ជារឿយៗ តែងតែនៅក្បែរនាង ប្រៀបដូចជា កូននិងម្តាយដែលការសម្ញែងវត្តមាន របស់ក្មេងស្រីម្នាក់នេះ បានធ្វើឲ្យមហាជន មានចម្ងល់ខ្លាំងថា តើតារាស្រីរូបនេះ មានកូនតាំង ពីពេលណា ហើយបុរសរូបណា ជាឪពុករបស់កូននាង បើកន្លងមកមិនធ្លាប់មានព័ត៌មានណា លាតត្រដាងរឿងនេះឡើយ។</span></p>
<p><span style="color: #000000;">ប្រភពដដែល បានប្រាប់ទៀតថា កាលពីពេលថ្មីៗកន្លងទៅ នៅក្នុងពិធីមង្គលការ ប្អូនប្រុសបង្កើត របស់តារាស្រី អ្នកនាង យុគ ចិន្តា គេឃើញក្មេងស្រីម្នាក់នេះ មានភាពលេចធ្លោ ឃើញវត្តមាន តារាៗ ដែលចូលរួមហាក់យកចិត្តទុកដាក់ ស្រលាញ់ក្មេងស្រីម្នាក់នេះខ្លាំង ដែលមើលទៅនាងដូចជា កូនស្រីបង្កើត របស់តារារូបនេះ ប្រាកដមែន ពោលទាំងទម្រង់មុខ ពណ៌សម្បុរ ហើយជាពិសេស គឺឈ្មោះរបស់នាងតែម្តង ដោយពិធីការិនីរូបនេះ បានយកទៅដាក់ជាឈ្មោះហាងរបស់ខ្លួនទៀតផង។</span></p>
<p><span style="color: #000000;">ទាក់ទងនឹងព័ត៌មាន ដែលលេចឮ ជាប់ជាមន្ទិលសង្ស័យ ថាពិធីការិនី អ្នកនាង យុគ ចិន្តា មានកូនស្រីម្នាក់ ដែលមានអាយុជាង១០ឆ្នាំនេះ ដែលគេហទំព័រ LookingTODAY មិនទាន់អាចទាក់ទង ទៅនាងបានទេ នៅថ្ងៃទី១១ ខែសីហា ឆ្នាំ២០១៥នេះ ៕</span></p>
<p><a class="thickbox" title="" href="/FileManager/Commons/2015/8/11/72-11-08-2015--15-06-59.jpg"><img src="/FileManager/Articles/mce/2015/8/11/72-11-08-2015--15-06-59.jpg" alt="" /></a></p>
<p><a class="thickbox" title="" href="/FileManager/Commons/2015/8/11/73-11-08-2015--15-07-39.jpg"><img src="/FileManager/Articles/mce/2015/8/11/73-11-08-2015--15-07-39.jpg" alt="" /></a></p>
<p><a class="thickbox" title="" href="/FileManager/Commons/2015/8/11/74-11-08-2015--15-07-48.jpg"><img src="/FileManager/Articles/mce/2015/8/11/74-11-08-2015--15-07-48.jpg" alt="" /></a></p>
<p><a class="thickbox" title="" href="/FileManager/Commons/2015/8/11/75-11-08-2015--15-07-57.jpg"><img src="/FileManager/Articles/mce/2015/8/11/75-11-08-2015--15-07-57.jpg" alt="" /></a><a class="thickbox" title="" href="/FileManager/Commons/2015/8/11/74-11-08-2015--15-07-48.jpg"></a><a class="thickbox" title="" href="/FileManager/Commons/2015/8/11/73-11-08-2015--15-07-39.jpg"></a><a class="thickbox" title="" href="/FileManager/Commons/2015/8/11/72-11-08-2015--15-06-59.jpg"></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>