<p><span style="color: #000000;"><strong>(អាហ្វ្រិកខាងត្បូង)៖</strong> យុវជនម្នាក់ នៅប្រទេសអាហ្វ្រិកខាងត្បូង បានរកឃើញបំណែកមួយផ្ទាំង នៅតំបន់ឆ្នេរ ជាប់មហាសមុទ្រឥណ្ឌា ដែលត្រូវបានគេសន្និដ្ឋានថា អាចជាបំណែករបស់យន្តហោះម៉ាឡេស៊ី MH370 ដែលបានបាត់ដំណឹង ជាងពីរឆ្នាំមកហើយ។ នេះបើតាមការផ្សាយ របស់ទីភ្នាក់ងារព័ត៌មាន ចិនស៊ិនហួ ។</span></p>
<p><a class="thickbox" title="" href="/FileManager/Commons/2016/3/14/11c-14-03-2016--09-54-46.jpg"><img src="/FileManager/Articles/mce/2016/3/14/11c-14-03-2016--09-54-46.jpg" alt="" /></a><span style="color: #000000;"><br /></span></p>
<p><span style="color: #000000;">បំណែកនោះ គឺជាបន្ទះដែកប្រវែងជាងមួយម៉ែត្រ និងមានបិទតែមលេខ 676EB នៅលើនោះផងដែរ។ តាមពិតវាត្រូវបានរកឃើញ ដោយយុវវ័យ ១៨ឆ្នាំម្នាក់ឈ្មោះ Liam Lotter តាំងពីខែធ្នូ ឆ្នាំ២០១៥ មកម្ល៉េះ នៅពេលដែលរូបលោក កំពុងដើរកម្សាន្តលើឆ្នេរមួយ នៃភាគខាងត្បូង ប្រទេសម៉ូហ្សាំប៊ីក (Mozambique) ក្បែរក្រុង Xai Xai។</span></p>
<p><span style="color: #000000;">ពីដំបូងឡើង Liam មិនទាន់ហ៊ានប្រាប់សមត្ថកិច្ច ណាម្នាក់ឡើយ ប៉ុន្តែក្រោយពីយកទៅផ្ទះ ហើយដឹងថា វាជាបំណែកនៃយន្តហោះនោះ គេក៏បានរាយការណ៍ រឿងនេះប្រាប់សមត្ថកិច្ច។ ឥឡូវនេះ បំណែកខាងលើនេះកំពុង ត្រូវបានគេបញ្ជូនទៅធ្វើការ ត្រួតពិនិត្យ ដោយក្រុមជំនាញ។</span></p>
<p><span style="color: #000000;"><a class="thickbox" title="" href="/FileManager/Commons/2016/3/14/11a-14-03-2016--09-54-54.jpg"><img src="/FileManager/Articles/mce/2016/3/14/11a-14-03-2016--09-54-54.jpg" alt="" /></a><br /></span></p>
<p><span style="color: #000000;">គួរបញ្ជាក់ផងដែរថា យន្តហោះដឹកអ្នកដំណើរ របស់ម៉ាឡេស៊ី ជើងហោះហើរ MH370 បានបាត់កាលពីថ្ងៃទី០៨ ខែមីនា ឆ្នាំ២០១៤ ជាមួយមនុស្ស ២៣៩នាក់ ដ៏អាថ៌កំបាំងក្នុងប្រវត្តិសាស្ត្រ ខណៈចេញដំណើរពីទីក្រុង Kuala Lumpur ប្រទេសម៉ាឡេស៊ី ឆ្ពោះទៅកាន់ទីក្រុង Beijing ប្រទេសចិន។ គួរបញ្ជាក់ថា បំណែកយន្តហោះដែលរកឃើញខាងលើ បានបញ្ជូនទឹកដី ប្រទេសម៉ាឡេស៊ីហើយ ក្រោមហេតុផលតែមួយគត់ ក្រុមមន្រ្តីជំនាញបើកការស៊ើបអង្កេត កំនត់អត្តសញ្ញាណផ្ទាល់តែម្តង៕</span></p>
<p><a class="thickbox" title="" href="/FileManager/Commons/2016/3/14/11-14-03-2016--09-54-33.jpg"><img src="/FileManager/Articles/mce/2016/3/14/11-14-03-2016--09-54-33.jpg" alt="" /></a><span style="color: #000000;"><br /></span></p>
<p><span style="color: #000000;"><br /></span></p>
<p> </p>
<p style="text-align: right;"><span style="color: #000000;">ប្រភព ៖ ស៊ិនហួរ </span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>